ТЎРАҚЎРҒОННИНГ ПАХТА КАРВОНИ ЙЎЛГА ЧИҚДИ
Туманимизда бу йил 4269 гектар майдонда пахта етиштирилди. Гектаридан 38,1 центнердан 16270 тонна ҳосил топшириш режалаштирилган.
Ва ниҳоят орзиқиб кутилган кун келди: бугун теримга расман старт берилди.
Пахта ортилган карвонлар туман бўйлаб карнай-сурнай садолари остида йўлга чиқиб, Оқтошдаги пахта тозалаш заводига етиб келди. Бу ерда нуронийлар, фермерлар хирмонга барака тилаб, дуои фотиҳа қилишди.
“Каримов Ёқубжон саховати”, “Шарофиддин Бобурбек”, “Турдиев Валижон”, “Жавлон” фермер хўжаликлари “Наманган тўқимачи кластер” МЧЖ ихтиёрига дастлабки ҳосилни топширдилар. Бу илғорларга туман ҳокими Зулайҳо Маҳкамова эсдалик совғаларини тақдим қилди.
