Янгиликлар
YER UCHASTKALARINI REALIZATSIYA QILISHDA ZAMON TALABLARI MUVOFIQLASHTIRILMOQDA
O'zbekiston Respublikasi Vazirlar Mahkamasining 04.09.2025 yildagi 559-sonli qarori bilan elektron auksionlar orqali yer uchastkalarini sotish va kadastr sohasida davlat xizmatlari ko‘rsatish tartib-taomillarini takomillashtirish yuzasidan qo‘shimcha chora-tadbirlari belgilandi.Unga ko‘ra: Kichik sanoat zonalari hamda yoshlar sanoat va tadbirkorlik zonalaridagi yer uchastkalarini elektron onlayn-auksion savdolarga chiqarishda ushbu sanoat va tadbirkorlik zonalari direksiyalari buyurmachi hisoblanishi;Olis va cho‘l hududlarda tashkil etiladigan yoshlar sanoat va tadbirkorlik zonalaridagi yer uchastkalari 2025-yil 5-sentabrdan boshlab “1 so‘m” xarid qiymatida auksionga chiqarilishi belgilandi.Shuningdek, O'zbekiston Respublikasi Soliq qo‘mitasining QQS to’lovchi yuridik shaxslar to‘g‘risidagi ma’lumotlarni o‘z ichiga olgan elektron axborot tizimi “E-auksion” elektron onlayn-auksion savdo platformasiga integrasiya qilinadi. Ko‘p kvartirali turar joylar qurish uchun yer uchastkalari bo’yicha auksion g’oliblari ajratilgan yerda qurilishi ishlarini boshlab uni foydalanishga topshirgunga qadar bo’lgan jarayonlarni “Onlayn mahalla” elektron platformasida monitoring qilib borish tizimi yaratiladi. Shu bilan birga, “E-auksion” elektron onlayn-auksion savdo platformasi va Kadastr agentligining “UZKAD” kadastr va ko‘chmas mulkni ro‘yxatdan o‘tkazish integratsion axborot tizimi bilan integratsiya qilinadi va bu auksionda realizatsiya qilingan yer uchastkalari to’g’risidagi ma’lumotlarni elektron platformada real vaqt rejimida mahallalar kesimida kuzatish imkonini beradi. “Elektron onlayn-auksionlarni tashkil etish” AJ Namangan viloyati vakiliA.Ahundjanov
Пахтазорга келинг, сизни меҳнат завқи ва муносиб рағбат кутмоқда
Пахта – саноатимизнинг энг қимматбаҳо хом ашёларидан бири. Бундан ташқари, ишсиз аҳоли учун яхшигина даромад манбаи.
Бугун Тўрақўрғон далаларида қайноқ меҳнат ҳукмрон. Юрагида юртпарварлик руҳи борки инсон теримга чиққан.
Туман ҳокими Шерали Қосимов уларни йўқлаб, кўмак учун миннатдорчилик билдирди. “Валижон, Набижон саховати” фермер хўжалигида ҳар куни 200 килограммдан ошириб пахта тераётган Оқтош маҳалласидан чиққан 150 нафар ҳашарчиларга ҳамда “Комилов Турсунбой” фермер хўжалигида комбайнда 30-40 тонна ҳосил йиғаётган механизатор ва юкловчиларга совғалар топширилди.
Азиз туманимиз аҳолиси, чевар опа-сингиллар! Сентябр-октябр ойларида давом этадиган теримда сиз ҳам иштирок этинг. Ҳар килограммига 2000 сўмдан ҳақ тўлаб бориляпти. Қанча кўп терсангиз шунча яхши даромадга эга бўласиз. Иш билан банд бўлмаган оила аъзоларингиз билан келсангиз, янада кўпроқ пул топасиз. Сизни пахтазорда кутяпмиз!
#долзарб_мавсум
Вилоят ҳокими Шавкатжон Абдураззоқов бошчилигидаги Ишчи гуруҳи Тўрақўрғон туманида пахта ҳосили йиғим-теримининг боришини ўрганишди.
Дастлаб 48 гектар майдонда хорижий нав пахта етиштирилган"Зумрад, Ибрат" фермер хўжалиги далалари кўриб чиқилди. Бу ерда ҳосил юз фоиз фермернинг ўзига қарашли машина ёрдамида териб олинади. Кунига 20 тоннадан пахта топширилмоқда.
Жами 237 тонналик хирмон уйишга аҳд қилинган хўжаликда биринчи теримнинг ўзидаёқ 40 центнердан ҳосил чиқяпти.
Шунингдек, "Ибрат файз толаси", "Бахтиёр, Неъматжон, Шавкатжон", "Комилжон ота ЭОК", " Комилов Турсунбой" фермер хўжаликларида ҳам теримнинг бориши кўздан кечирилди.
Вилоят ҳокими мавсумга ишсиз аҳолини кўпроқ жалб этиб, оилавий даромадларини оширишга даъват қилиш, машина теримини самарадорлигини ошириш, ундан сўнг майдонларда қолган пахтани ҳам тозалаб йиғиб олиш, исрофгарчиликка йўл қўймаслик ҳақида кўрсатмалар берди. Илғор теримчиларга совғалар тарқатилди.
Маълумот учун: туманда жорий йилда 85 та фермер хўжаликлари томонидан 3119 гектар майдонда пахта етиштирилди. Шундан 1503 гектари техника ёрдамида териб олинади.
#муносабат
Янги имкониятлар – янги марралар
Муҳтарам Президентимиз “Устоз ва мураббийлар куни” муносабати билан ўтказган йиғилишларида техникумлар фаолиятига алоҳида эътибор қаратиб, муаллим ва усталарнинг малакасини, мавқеини ошириш бўйича ҳам янги ташаббусларни илгари сурдилар.
Жумладан, мактабдаги каби техникумларнинг ўқитувчи ва усталари учун касбий сертификатлаш тизими жорий қилинади. Эндиликда техникумларда ҳам олийгоҳлардаги каби илмий даража ва унвонлар учун устамалар тўлаш йўлга қўйилади. Техникум билан дуал таълимни йўлга қўйган корхонага имтиёзли кредитлар берилади.
Шунингдек, муҳтарам Юртбошимизнинг “Мени ташвишга солаётган масала-ёшларимизни касб-ҳунарли қилиб, доимий даромад топиши учун шароит яратиш. Агар бу ишни тўғри йўлга қўйсак, маҳаллада камбағал ва ишсиз қолмайди”, деган фикрлари барчамиз учун муҳим йўналиш бўлди. Келгуси йилдан 9-синф битирувчиларининг 50 фоизи техникумларга қамраб олинади.
Албатта, мамлакатимизда таълим соҳасига бу даражада эътибор қаратилаётгани бежиз эмас. Чунки таълим сифатини ошириш-Янги Ўзбекистон тараққиётининг яккаю ягона тўғри йўлидир.
Гулчеҳра Қаюмова,Тўрақўрғон тумани 2-сонли политехникуми директори,“Меҳнат шуҳрати” ордени соҳибаси
“Камбағалликдан фаровонлик сари” III-Халқаро форум иштирокчилари Тўрақўрғон туманидаги Хўжанд маҳалласида бўлдилар
Инсон қадрини улуғлаш орқали одамларга муносиб турмуш шароитини яратиш, бу борада камбағалликни қисқартириш Ўзбекистондаги жами ислоҳотларнинг бош мақсадидир. Наманган вилоятида ташкилланган ушбу нуфузли тадбир глобал аҳамиятга молик масаланинг жаҳон даражасидаги таҳлили бўлди, дейишга муносиб. Унда Ислом тараққиёт банки, Осиё тараққиёт банки, Япония халқаро ҳамкорлик агентлиги, Жаҳон банки, Бирлашган Миллатлар Ташкилотининг минтақавий ваколатхонаси каби 200 дан ортиқ ташкилотларнинг вакиллари иштирок этишди ва Ўзбекистонда олиб борилаётган ишларга юқори баҳо беришди.
Форум доирасида меҳмонлар Хўжанд маҳалласидага Узумзор кўчасида одамларнинг ҳаёт тарзи билан танишдилар. Бу ерда 672 та хонадон бўлиб, шундан 476 тасида узумчилик билан шуғулланилади ва йилига минг тоннадан ортиқ узум етиштирилади. Шунинг ортидан 12,8 миллиард сўм оилаларга даромад сифатида қўшилади. Маҳаллада йил бошида камбағаллик даражаси 7 фоиз бўлган (65 нафар), микролойиҳалар, ўзини ўзи банд қилиш, тадбиркорлик субъектлари ишга туширилиши ҳисобига 1 сентябр ҳолатига 2,8 фоизга тушди (26 нафар).
Меҳмонлар меҳнаткаш ва очиқкўнгил хўжандликлар билан мулоқотда бўлдилар, ишкомларда олтиндек товланиб турган узумларга ҳавас билан қарадилар. Уларнинг меҳнатларини олқишладилар.