Янгиликлар
🔰 Ҳудудларда содир этилган жиноятлар кенг жамоатчилик муҳокамасида
Тўрақўрғон тумани прокурори А. Юсупов ҳамда ИИБ бошлиғи, подполковник Ж. Хусайнов томонидан Ўзбекистон маҳалласида содир этилган жиноятлар муҳокама қилинди.
Муҳокама йиғилишига маҳалла ҳудудида яшовчи фаоллар, оқсоқоллар, ёшлар таклиф этилиб, содир этилган жиноят тафсилотлари эшиттирилди. Иштирокчилар уни келтириб чиқарувчи омиллар ва олдини олиш мумкинлиги тўғрисида гапириб ўтдилар.
Муҳокама якунида иштирокчиларга ўз мулкларини ўзлари асраши кераклиги, жиноят содир этилиши учун шароит яратиб бермаслик, хонадонларни қўриқлов пултига улатиш, бугунги кунда кўп фуқаролар жабр кўраётган кибер жиноятлар, яъни банк пластик карталарининг ҳимоя рақамларини бегона шахсларга бермаслик, уяли алоқа воситалари орқали шубҳали ҳаволаларни очмаслик, бунинг оқибатида бир қанча оилалар ҳаловатини йўқотиши тўғрисида тушунтириш берилди.
Тўрақўрғон туманида пахта йиғим-теримига киришилди, хирмонимизга барака!
Бу йил катта карвон туманимиз пахтакорлари маррани янада баланд олишган. 85 та фермер хўжаликлари томонидан 3119 гектар майдонда деҳқончилик қилинди. Гектаридан 44,9 центнердан жами 14003 тонна ҳосил омборларга етказиб берилади. 1503 гектар майдон эса терим комбайнлари ёрдамида йиғиштириб олинади.
Туманда асосан қўл теримига эҳтиёж бор, шунинг учун маҳаллаларда яшовчи ишсиз фуқаролар мавсумга таклиф этилади. Биринчи теримда ҳар килограммига 2000 сўмдан ҳақ тўланиши белгиланди. Бу 100 кило пахта терилса 200 минг сўм дегани. Мавсум - оила даромадини оширишда энг қулай фурсатдир.
Мавсум бошланиши олдидан кеча “Хожа Аҳмад Валий” зиёратгоҳида эҳсон тадбири ташкилланган бўлса, бугун Оқтошдаги пахта қабул қилиш пунктида дастлабки терилган ҳосил тарозидан ўтказилди. Вилоят ҳокимининг ўринбосари Анваржон Ҳакимов, туман ҳокими Шерали Қосимов ҳамда нуронийлар иштирокида “Тўраев Музаффар” фермер хўжалигидан келтирилган тонналар яхши ниятлар билан тарозига қўйилди.
Шунингдек, туманда “Пахта штаби” ташкил этилиб, кунлик ҳисоб-китоб ишлари юритилиши учун малакали мутахассислар бириктирилди.
Тўрақўрғондан Юксалиш массивигача бўлган катта айланма трасса йўлида кенг кўламли ободонлаштириш ишлари олиб борилмоқда.
Жумладан, йўл чети бегона ўт-ўланлардан тозаланяпти, ариқ-зовурлар кавланиб, бетонлаштирилиб, сув равонлаштириляпти. Хусусий боғ ораларига экилган ва пишиб-етилган ҳосил йиғиштириб олиниб, ўрни келгуси экинга ҳайдаб, тайёрланяпти. Дарахтларга шакл берилиб, танаси оқланяпти.
Йўл бўйидаги ноқонуний қурилмалар бартараф этиб бориляпти. Таъмирга муҳтож йўл қатламларига белгиланган тартибда асфальт ётқизиляпти. Бунда тумандаги ташкилот ва корхоналарнинг техник ходимлари, ободонлаштириш бошқармаси жамоаси меҳнати алоҳида таъкидга муносиб.
Наманганда ўтказиладиган нуфузли тадбир – Камбағалликни қисқартириш бўйича эришилган натижалар ва навбатдаги вазифаларга бағишланадиган Форумга туманда ҳам муносиб тайёргарлик кўрилмоқда.
Ахсикентда йирик экотуристик лойиҳа амалга оширилмоқда
Археопарк ҳудудида тўртта очиқ осмон ва экспонатлар музейи, рамзий дарвоза ҳамда мудофаа девори қурилишига ҳамоҳанг равишда Сирдарё соҳилида туристик манзиллар бунёдкорлиги ишлари старт олди
Наманган вилояти ҳокими Шавкатжон Абдураззоқов июль ойида Ахсикент атрофида амалга ошириладиган лойиҳалар тақдимоти билан танишиб, қурилиш бўйича ўз тавсия ва кўрсатмаларини берган эди.
Куни кеча «Шеробод туризм» МЧЖнинг Ахсикент ва Сирдарёнинг чап соҳилини боғловчи 1,5 километрлик дор йўли, истироҳатгоҳ, модулли меҳмонхона, капсула, ўтов уйлари ташкил этишни кўзда тутган лойиҳаси ижроси вилоят ишчи гуруҳи томонидан ўрганилди.
- Туризм лойиҳалар учун берилган янги имтиёзлар бизга қўл келмоқда. Лойиҳанинг ер, топотасвир ва бошқа ишларини якунладик. Экспертиза хулосалари олинди. Дор йўли ва осма кўприк қуриш бўйича Россиянинг «Скадо» компанияси билан музокара олиб боряпмиз, - дейди Шерзод Пўлатов.
Лойиҳа бўйича масъулларга тегишли тавсия ва кўрсатмалар берилди
❗️Президент қарорига кўра:
◽️2026 йил 1 январдан депутатлар ҳар йили Ташаббусли бюджет жараёнларида тегишли сайлов округларида ғолиб бўлмаган лойиҳалар орасидан аҳолининг кундалик ҳаёти ва ҳудудни ривожлантиришга таъсир қиладиган 2 та лойиҳани (ҳар мавсумда 1 тадан) “Очиқ бюджет” ахборот порталида танлайди.
Мазкур танлов лойиҳани республика бюджетидан молиялаштириш учун асос ҳисобланади.
Шунингдек, мазкур жараёнларда ғолиб бўлмаган лойиҳаларни молиялаштириш учун ҳар бир депутатга 1 йилда 2 мавсумга БҲМнинг 8 минг баравари миқдорида маблағ ҳар йилги республика бюджетида назарда тутилади.
2026 йил 1 февралдан ташаббусли бюджет жараёнларида ижтимоий аҳамиятга эга лойиҳаларни аҳоли ва давлат ўртасида шериклик асосида молиялаштириш амалиёти жорий этилади.
Ташаббускор аҳоли томонидан лойиҳалар қийматининг 50 фоизи ихтиёрий равишда молиялаштирилганда лойиҳалар ғолиб деб топилади ва қолган 50 фоизи республика бюджетидан молиялаштирилади.