Янгиликлар
4-умумтаълим мактаби Ўзбекистон Республикаси Президентининг “Ўқувчи-ёшларни чақирувга қадар бошланғич тайёрлаш тизимини янги босқичга олиб чиқиш тўғрисида”ги қарорига асосан “Жасорат” таянч-мактабига айлантирилган. Муассасада болаларни ёшлигидан Ватанга садоқат руҳида, жисмонан соғлом ва маънан етук шахс қилиб тарбиялаш асосий мақсад қилиб олинган.
“Темурийлар” номли ёш ҳарбийлар бу йил тумандаги 60 та, вилоятдаги 812 та жамоа ичидан ғолиб деб топилиб, республика босқичида ҳам муваффақиятли иштирок этишди. Яқинда эса мактабга махсус синовлардан ўтган янги ўқувчилар қабул қилинди.
Туман ҳокими Шерали Қосимов мазкур мактабда янги ўқув йилига тайёргарлик, хусусан “Жасорат” мактабида ўқувчиларга яратилган шароитлар билан танишди. Устозларга бу ёшлар келгусида юрт тинчлигини ҳимоя қилишга тайёр, билим ва заковатли ўғил-қизлар бўлиб етишишлари учун янада мустаҳкамроқ таълим-тарбия олишлари кераклиги ҳақида фикрлар билдирилди.
“Наманган ҳақиқати” журналистлари тўрақўрғонлик мухлислари билан учрашув ўтказишди
Газета ҳақида гап кетганда уни инсоннинг маънавий устози, деб атасак ўринли. Ҳамюртимиз Исҳоқхон тўра Ибрат ўз даврида;Газетдур жаҳон аҳлига бир лисон,Муайян эрур унда яхшию ёмон.Газет кўрмаган, бехабар халқларМисли ўлгандур ва ё ухлагон...дея таъриф берган.
Вилоят аҳлига ана шундай маънавий озуқа бериб келаётган “Наманган ҳақиқати”нинг чоп этила бошлаганига 107 йил бўлди.
Жонажон ватанимиз мустақиллигининг 34 йиллиги муносабати билан ижодий жамоа Тўрақўрғон туманида мухлислар билан учрашдилар. Ўзбекистон Журналистлар уюшмаси вилоят бўлими раиси Носиржон Деҳқонов, Ўзбекистонда хизмат кўрсатган журналист Рислиқхон Мажнунова, ижодкорлар Гулчеҳра Бувамирзаева, Муҳиддин Мағзумовлар тадбирга йиғилганлар билан дилдан суҳбатлашдилар, фикрлар алмашилди. Учрашувда туман ҳокимининг ўринбосари Икромжон Парпиев иштирок этди ва Тўрақўрғон аҳли “Наманган ҳақиқати” билан доимий ҳамкор, ҳамфикр бўлиб қолишларини билдирди.
Иссиқхоналар фаолияти алоҳида эътиборда
Тўрақўрғон тумани ҳокимлигининг мажлислар залида вилоятда фаолият юритаётган иссиқхона хўжаликлари раҳбарларининг соҳадаги муаммо ва таклифларини ҳал қилиш юзасидан учрашув бўлиб ўтди. Унга барча туманларнинг шу йўналишга даҳлдор вакиллари таклиф этилдилар.
Йиғилишни туман ҳокими Шерали Қосимов дастлабки мулоҳазалар билан очиб берди.
Республика қишлоқ хўжалиги вазири ўринбосари А. Қосимов Президентимиз раҳбарликларида шу йил 30 июн куни ўтказилган мева-сабзавот ва озиқ-овқат маҳсулотлари экспортини кўпайтириш заҳира ва имкониятларини ишга солиш юзасидан видеоселектордан келиб чиққан ҳолда белгиланган вазифаларга батафсил тўхталди. Бу борада иссиқхоналар фаолияти алоҳида ўринга эгалиги рақамларда ифодаланди.
Учрашувда иссиқхона хўжаликлари раҳбарларининг муаммо, таклиф ва мулоҳазалари эшитилди ҳамда уларга муносабат билдирилди.
Ишсиз ёшлар ва камбағаллик реестрида турган оила вакиллари учун бўш иш ўринлари ярмаркаси бўлиб ўтди
Ишсиз ёшлар ва камбағаллик реестрида турган оила вакиллари учун бўш иш ўринлари ярмаркаси бўлиб ўтди
Бугунги кунда туманда 56 та корхонада 722 та ишчига эҳтиёж бор. Шунингдек, Россия давлатининг учта йирик компаниясига 2000 та, Японияга эса тил билиш, мутахассислик талаблари бўлган тақдирда чексиз миқдорда расмий равишда фуқаролар ишга юборилмоқда.Шундай экан, ишсизликка асло ўрин йўқ, оиласи даромадини таъминлашга истаги борлар бемалол имкониятлардан фойдаланишлари мумкин.
Туман маданият бўлимида эрталабда бошланган бўш иш ўринлари ярмаркасида шу ҳақда маълумот берилди. Туман ҳокими Шерали Қосимов ҳоким ёрдамчилари ва ёшлар етакчиларига тадбирдан унумли фойдаланиб, ишсизларни кўпроқ жалб этишни топширди.
Меҳнат ярмаркасида 22 кишига ишга жойлашиш, 15 кишига Шаҳанддаги касбий кўникмалар марказига ҳунар ўрганишга йўлланма, 28 нафар фуқарога меҳнат муносабатлари ҳақида ҳуқуқий тушунтиришлар берилди.
«Ахсикентдаги катта ўзгаришлар туризмда туб бурилиш ясамоқда. Археопарк билан ҳамоҳанг равишда Сирдарё бўйида ташкил этилаётган туристик инфратузилма сайёҳлар учун янги қизиқарли локация бўлади», - Наманган вилояти ҳокими Шавкатжон Абдураззоқов Ахсикентдаги қурилиш ҳамда дарё қирғоқларидаги лойиҳалар билан танишди
Ахсикентда 6 та очиқ осмон ва экспонатлар музейи ва рамзий дарвоза қурилши жадал давом этмоқда.
Сирдарёнинг қарийб 40 километр узунликдаги (272,1 гектар) қисмида 650 та туристик объект жойлаштирилиши режаланган, бу йилига камида 1 миллион сайёҳни жалб этиш имконини беради. Бу борадаги ишлар ҳақида вилоят ҳокими ўринбосари Ботир Нуриддинов, Тўрақўрғон ва Мингбулоқ туманлари ҳокимлари - Шерали Қосимов ва Аҳрорбек Мансуровлар тақдимот қилишди.
Дарё қирғоқларини мустаҳкамлаш ишларини кўздан кечирган вилоят раҳбари «Шеробод туризм» томонидан барпо этилаётган дор йўли лойиҳасини билан танишди. Масъулларга тегишли кўрсатмалар берилди.