Сўнгги янгиликлар
Янгиликлар
Aholini ro`yxatga olish tartibi, mohiyati va uning istiqbollari.
Aholini ro‘yxatga olishga tayyorgarlik ko‘rish va o‘tkazish ishlari keng qamrovli tadbir bo‘lib, ketma-ket hamda bir vaqtning o‘zida tegishli tadbirlarni amalga oshirish mumkin bo‘lgan bosqichlarni o‘z ichiga oladi, ya’ni:Birinchi bosqichda (3 yilgacha bo‘lgan muddat) quyidagi ishlar amalga oshiriladi: Aholini ro‘yxatga olish tadbirini o‘tkazishni tashkil etish, o‘tkazish tamoyillari, uslubiy asoslari va moliyalashtirish manbalarini aniqlash masalalarini tartibga soluvchi normativ-huquqiy hujjatlar tayyorlanadi;Aholini ro‘yxatga olish tadbiri dasturini, aholini ro‘yxatga olishni o‘tkazish, uning natijalarini olish va e’lon qilishni tashkil etish uslubiyati ishlab chiqiladi;Aholini sinov asosida ro‘yxatga olish tadbiriga tayyorgarlik ko‘rish va o‘tkazishni tashkil etish, uning natijalarini tahlil qilish ishlari olib boriladi;Har bir ro‘yxatga oluvchilarni o‘z hududi bo‘yicha xaritalar bilan ta’minlanadi;Aholi punktlaridagi uylarning ro‘yxatini tuzish va aholini ro‘yxatga olish tadbirini o‘tkazishning tashkiliy rejasi tuziladi;Har bir xonadon raqamlanishi va ko‘chalar nomlanishini amalga oshiriladi;Zamonaviy xaritalash texnologiyalaridan foydalangan holda aholini ro‘yxatga olish tadbiriga tayyorgarlik ko‘rish, uning o‘tkazilishini nazorat qilish, yakuniy natijalarni olish va taqdim etishning avtomatlashtirilgan tizimini yaratish orqali tadbir monitoring qilib boriladi;Aholiga aholini ro‘yxatga olishning maqsadi va vazifalari axborot-tushuntirish ishlari orqali tanishtiriladi;Ro‘yxatga olish varaqalari va boshqa hujjatlar chop etilib, joylardagi mutaxassislarga etkaziladi;Ro‘yxatga olish uchastkalarini bino, transport va aloqa vositalari bilan ta’minlash ishlari tashkil etiladi;Ro‘yxatga olish tadbirida ishtirok etuvchi vaqtinchalik xodimlar o‘qitilib, ular zaruriy vositalar bilan ta’minlanadi;Aholini ro‘yxatga olish tadbiriga tayyorgarlik ko‘rish bilan bog‘liq boshqa ishlar olib boriladi.Ikkinchi bosqichda (10 kundan 60 kungacha bo‘lgan davr) bevosita aholini ro‘yxatga olish tadbirini o‘tkazish ishlari amalga oshiriladi, ya’ni aholi to‘g‘risidagi ma’lumotlar yig‘iladi, nazorat tekshiruvi o‘tkaziladi va aholini ro‘yxatga olish tadbiri materiallari qayta ishlash uchun ixtisoslashgan tuzilmalarga taqdim etiladi.Uchinchi bosqichda (2 yildan 3 yilgacha bo‘lgan davr) quyidagilar amalga oshiriladi:Aholini ro‘yxatga olish tadbirining birlamchi materiallari ma’lumotlarni qayta ishlash bo‘yicha ixtisoslashgan tuzilmalar tomonidan qabul qilib olinadi;Aholini ro‘yxatga olish tadbiri materiallarini avtomatlashtirilgan tizimda qayta ishlashga tayyorlanadi;Birlamchi ma’lumotlarni kiritish, kodlashtirish, nazorat va tahrir qilish ishlari amalga oshiriladi;Aholini ro‘yxatga olish bo‘yicha dastlabki natijalar olinadi;Aholini ro‘yxatga olish tadbiri natijalarini e’lon qilish va ularni tarqatish ishlari amalga oshiriladi.
Республикада яшиллик даражасини янада ошириш, «Яшил макон» умуммиллий лойиҳасини изчил амалга ошириш орқали экологик барқарорликни таъминлаш мақсадидаги чора-тадбирлар Тўрақўрғон туманида ҳам бажарилиб, кузги мавсумнинг ўзида 544,6 минг тупдан зиёд дарахт кўчатлари экилади.
Бугун бу яшил майдон янада кенгайди. Тўрақўрғон-Мингбулоқ йўлининг 3 километр қисмига 7000 туп ноёб ва самараси юқори павлония ва бошқа турдаги кўчатлар ўтқазилди.
Тадбирда вилоят "Нуроний" жамғармаси раиси, сенатор Икромхон Нажмиддинов, туман ҳокими Шерали Қосимов, секторлари раҳбарлари, меҳнат фахрийлари, жамоатчилик иштирок этишди.
Йўл бўйида ҳоким ёрдамчилари, ёшлар етакчилари, нуронийлар, ташкилот ва корхоналарнинг ўз ҳудудлари шакллантирилди. Ободонлаштириш бошқармаси ходимлари кўмагида экилган дарахтлар парвариши бўйича қатъий назорат олиб борилади.
Маълумот учун: туманда "Яшил макон" лойиҳаси бошлангандан бери 3,9 миллион туп кўчат экилди, жорий йилнинг баҳорги мавсумида 769,3 туп ортиқ дарахт ва буталар ўтқазилди.
Тўрақўрғон маданият марказида Наманган вилояти ҳокими Шавкатжон Абдураззоқов ва сектор раҳбарларининг барча туманлардан ер олган ва "Ёшлар дафтари"дан ёрдам олган ёшлар билан очиқ мулоқоти бўлиб ўтди.
Мамлакатимизда муҳтарам Президентимиз раҳбарликларида ёшлар масаласи давлат сиёсати даражасига етган. Уларнинг билимли, доно ва албатта, юртимизнинг эртанги куни эгалари бўлиб вояга етишлари учун барча имкониятлар эшиги очилган.
Ҳозирда вилоят аҳолисининг 652 минг нафарини 14-30 ёшли йигит-қизлар ташкил этади.2024 йилдан бошлаб янгича тизим асосида 652 879 нафар ёшлар баланси шакллантирилди ва 3 тоифага ажратилиб, улар билан индивидуал ишлаш тизими жорий этилди. 52 минг ишсиз ёшлар бандлиги таъминланди. “Ёшлар дафтари”га киритилган 11118 нафар ёшлардан 7 342 нафарига 14,7 млрд. сўмлик амалий ёрдамлар кўрсатилди.
Президентимизнинг жорий йилдаги ПҚ-153-сонли қарори ва маҳалла еттилиги тавсияси асосида «e-auksion» электрон платформаси орқали 18 105 нафар ёшлар 4 390 гектар майдонларга эга бўлдилар. Уларнинг 14 908 нафари имкониятдан самарали фойдаланиб, умумий миқдорда 64 млрд. 517 млн. сўмлик даромад олишга эришди.
Очиқ мулоқот давомида ёшлар ўз таклифлари ва мурожаатларини билдирдилар. Уларнинг аксариятига жойида ечим топилиб, ижроси масъулларга йўналтирилди.
Тўрақўрғон тумани ҳокимлиги Ахборот хизмати
#семинар
Жаҳон савдо ташкилоти давлатлар ўртасидаги савдони тартибга солиш билан шуғулланувчи нуфузли халқаро ташкилот ҳисобланади. Унга аъзо мамлакатлар сони 166 та ва дунё бўйлаб савдонинг 95 фоизи уларнинг ҳиссасига тўғри келади.Тўрақўрғон тумани ҳокимлигининг мажлислар залида “Ўзбекистон Республикаси Президентининг 03.06.2024 йилдаги “Бозор ислоҳотларини янада жадаллаштириш ва Ўзбекистон Республикаси миллий қонунчилигини жаҳон савдо ташкилоти битимларига мувофиқлаштириш бўйича навбатдаги чора-тадбирлари тўғрисида”ги Фармони моҳиятига бағишланган вилоят семинари ўтказилди.
Ҳудудларда қишлоқ хўжалиги тизимидаги ташкилотлар, маҳаллий фермерлар, маҳсулот етиштирувчилар ва қайта ишловчилар томонидан ишлаб чиқарилаётган маҳсулотларни ЖСТ талаблари ва меъёрига мослаштириш, уларни жорий этиш бўйича тарғибот ва амалий ёрдам жараёнлари жадал давом этмоқда.
Семинарда Қишлоқ хўжалиги вазирлигининг ЖСТ бўйича бўлим бошлиғи Отабек Мансуров мамлакатимизда соҳани ривожлантириш учун амалга оширилаётган ишлар, имкониятлар ва кутилаётган натижалар ҳақида маълумот берди.
Тадбирда иштирокчилар саволлар билан мурожаат этиб, керакли жавоблар олдилар.
Семинарда вилоят қишлоқ хўжалиги бошқармаси бошлиғи Нуршод Худойбердиев қатнашди.
Кўҳна Ахсикентда "Ўзбекистон - бағрикенг диёр" шиори остида маънавий-маърифий тадбир ўтказилди
Шу кунларда бутун вилоятимиз бўйлаб "Бағрикенглик ҳафталиги" доирасида турли тадбирлар ташкилланмоқда. Унда Ўзбекистонимизнинг обод гўшаларида яшаётган турли миллат вакиллари шу юртни қадрлаб, тараққиётидан баҳраманд бўлаётганлиги, тинчлик-тотувлик, осойишталикдаги ҳаёт акс этмоқда.
Тўрақўрғон ҳудудида жойлашган Ахсикент тарихий объектида ўтказилган тадбирда нуронийлар, ёшлар билан бир қаторда ўндан ортиқ миллат вакиллари ҳам иштирок этишди. Туман маданият бўлимининг бадиий дастури, умумтаълим мактабларидан келган санъат ғунчаларининг чиқишлари, маҳаллалардаги ҳунармандларнинг ўз қўллари билан ясаган маҳсулотлари кўргазмаси барчага байрамона кайфият бахш этди. Бу қувончларга Поп ва Чуст туманларидан зиёратга келган меҳмонлар ҳам шерик бўлдилар.
Тадбир қатнашчилари Ахсикент очиқ осмон музейига оид янгиликлар билан ҳам танишдилар.