Сўнгги янгиликлар
Янгиликлар
Ассалому алайкум азиз тумандошлар!
Бугун мамлакатимиз бўйлаб яна бир қутлуғ сана - Конституциямиз қабул қилинганлигининг 32 йиллик байрами нишонланмоқда.
Асосий қонунимиз негизида яратилган Ҳаракатлар стратегияси бугунги кунда жонажон Ватанимиз тараққиётини янги босқичга кўтаришда, тадбиркорликни ривожлантириш, халқ билан доимий мулоқотда бўлиш, одамларнинг ташвиш-муаммоларини ҳал этиш, уларни рози қилишда беқиёс ўрин эгалламоқда.
Айниқса, Янгиланган Конституциямизнинг асосий ғояси “инсон – жамият - давлат” тамойилига асослангани билан аҳамиятлидир.
Биргина жорий йилнинг ўзида туманимизда олиб борилаётган ишлар сарҳисобини қилсак, юқоридаги фикрлар яна бир бор исботини топади.
Юртимиз тинчлиги, Ватанимиз равнақи, фуқароларимизнинг ҳуқуқ ва эркинликларини таъминлаш келгусида ҳам ислоҳотлар марказида бўлади. Барчангизни Бош Қомусимиз қабул қилинган кун билан муборакбод этаман. Юртимиз тинч, осмонимиз мусаффо, келаётган янги йил янада омадли бўлсин!
Шерали Қосимов,Тўрақўрғон тумани ҳокими.
Тўрақўрғонда Ўзбекистон Республикаси Конституциясининг 32 йиллик байрами кенг нишонланди
Маданият марказида ташкил этилган тантанали тадбирда сектор раҳбарлари, ҳуқуқни муҳофаза қилиш идоралари раҳбарлари, ташкилот ва корхоналар масъуллари, депутатлар, нуронийлар, кенг жамоатчилик вакиллари иштирок этишди.
Туман ҳокими Шерали Қосимов барчани ушбу қутлуғ айём билан табриклар экан, эътироф этилганидек, давлатимиз шу йиллар давомида босиб ўтган ғоят мураккаб ва шарафли йўл Бош Қомусимизнинг ҳаётбахш кучи ва улкан салоҳиятидан далолат беради.
Асосий қонунимиз негизида яратилган Ҳаракатлар стратегияси бугунги кунда жонажон Ватанимиз тараққиётини янги босқичга кўтаришда, тадбиркорликни ривожлантириш, халқ билан доимий мулоқотда бўлиш, одамларнинг ташвиш-муаммоларини ҳал этиш, уларни рози қилишда беқиёс ўрин эгалламоқда.
Агар дунё мамлакатлари Конституцияларида инсоннинг 110 дан ортиқ ҳуқуқи қайд этилганини ҳисобга олсак, ҳозирги кунда шундан 90 таси янги таҳрирдаги Конституциямизда мавжуд. Яъни бу Конституция, том маънода, ўзбекона “Инсон ҳуқуқлари тўғрисидаги улкан қўлланма”га айланди, дейишга барча асослар бор.
Шундай фикрлар туман адлия бўлими бошлиғи Фароғат Раззоқованинг маърузасида ҳам акс этди.
Байрам тадбирида туман маданият бўлими жамоасининг Бош Қомусимиз, Ватан мадҳи жамланган бадиий дастури, ёш ҳарбийларнинг кўргазмали чиқишлари намойиш этилди.
Аҳолининг уй-жойга бўлган талабини ҳал этиш, қурилиши бошланган уйларни ўз вақтида эгаларига топшириш шу куннинг энг долзарб масалаларидан бири.
Тўрақўрғон туманида ҳам бу борадаги ишлар узвийлиги таъминланган. Жумладан, Янгиобод МФЙ ҳудудида “Акташ Глобал Траде” хусусий корхонаси томонидан 7 қаватли 49 хонадондан иборат турар-жой қурилиши ниҳоясига етиш арафасида.
Бугун туман ҳокими Шерали Қосимов лойиҳада кўрсатилган ишларни тўлиқ ва сифатли, муддатида бажариш бўйича ўрганиш ўтказди.
Ҳозирги кунда бинода ички ва ташқи пардозлаш ишлари олиб борилмоқда.
Бугунги ҳозирлик эртанги натижа демакдир
Шу кунларда қишлоқ хўжалигида ҳосилдан бўшаган майдонларни шудгорлаш, ариқ-зовурларни кавлаш ва бетонлаш, манзарали кўчатлар экиш ишлари давом этяпти. Бу юмушларнинг ҳозир бажарилиши баҳорги агротехник тадбирларни тезлаштириш имконини беради.
Бугун Тўрақўрғон тумани ҳокими Шерали Қосимов раҳбарлигида мутахассислардан иборат гуруҳ 1 ва 2- сектор ҳудудида жойлашган “Зумрад, Ибрат”, “Музаффар Тўраев”, “Шарқ замин ёғдуси”, “Ибрат файз толаси”, “Тўрақўрғон файз барака”, “Забардаст Оқтош”, “Дониёр, Сардор” каби фермер хўжаликларида ана шу ишларнинг бориши ўрганилди ва қўшимча топшириқ ва тавсиялар берилди.
Инвестициялар ва ташқи савдо вазирининг биринчи ўринбосари Нозим Холмуродов Тўрақўрғон туманида тадбиркорлар билан учрашув ўтказди
Туман ҳокимлигининг катта мажлислар залида ўтказилган очиқ мулоқотда вилоят ҳокимининг ўринбосари Окибжон Инамов, туман ҳокими Шерали Қосимов, секторлар раҳбарлари, соҳага дахлдор вилоят ва туман ташкилотлари вакиллари иштирок этдилар.
Учрашувда логистика маркази ташкил этиш, иссиқхонани кенгайтириш, улгуржи савдо учун фойдаланилмай турган ердан ажратиш, кредит ажратиш, кадастр ҳужжатларини расмийлаштириш ва бошқа масалалардаги мурожаатлар тингланди.
Тадбиркорлар томонидан кўтарилган масалаларга ечим топиш, лойиҳаларни қўллаб-қувватлаш юзасидан масъулларга кўрсатма ва топшириқлар берилди.