Янгиликлар
#Ватан_учун_миллат_учун_халқ_учун!
Мустақиллик байрами арафасида "Бахт" маҳалласи янги бинога эга бўлди
Ушбу маҳалла фуқаролар йиғини 2015 йилгача жамоатчилик асосида фаолият юритилган, табиийки уларнинг хизмат биноси ҳам бўлмаган.
Кейинги йилларда маҳалла тузилмасига эътибор кучайгани туфайли бу ерда ҳам расман ишлашга ўтилди.
Шуни инобатга олиб, ҳомийлик асосида лойиҳа қиймати 325 миллион сўмлик замонавий бино қурилишга киришилди. Бинода маҳалла еттилигининг фаолияти учун барча шароитлар яратилган.
Энг улуғ, энг азиз байрам арафасида ана шу кўркам бино фойдаланишга топширилди. Тадбирда туман ҳокими Шерали Қосимов иштирок этиб, йиғилганларга табрик ва эзгу тилакларни билдирди. Тўрақўрғонда амалга оширилаётган ижобий ишларни эътироф этди.
Маҳалла аҳли нуронийлар бошчилигида ислоҳотларда фаол бўлишга сўз бердилар.
38-умумтаълим мактаби янги ўқув йилига тайёр!
Президентимизнинг “2025-2027 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш чора-тадбирлари тўғрисида”ги ПҚ-454-сон қарорига мувофиқ, 2025 йил Инвестиция дастури доирасида Тўрақўрғон туманида ҳам қурилиш-таъмирлаш ишлари амалга оширилмоқда.
Жумладан, Ўзбекистон маҳалласидаги 540 ўринли 38-умумтаълим мактаби учун 7 миллиард 400 миллион сўм ажратилган маблағ эвазига мавжуд бинони мукаммал таъмирлаш ишлари олиб борилди ва янги спорт зали қурилди.
Туман ҳокими Шерали Қосимов ушбу таълим муассасада янги ўқув йилига тайёргарлик ишлари билан танишди. Бу йил 3 та синфда 69 нафар ўқувчилар биринчи марта мактабга келишади. Уларга дарсликлар ва Президент совғалари тахт қилиб қўйилган.
2 сентябр куни мактабнинг очилиш маросими ўтказилиши режалаштирилган.
#Ватан_учун_миллат_учун_халқ_учун
Тўрақўрғон туманида ҳам энг улуғ, энг азиз байрамимиз – Ўзбекистон Республикаси Давлат мустақиллигининг 34 йиллиги байрами катта тантана билан нишонланди.
Мамлакатимизда кечаётган кенг кўламли янгиланишлар жараёни туман ҳаётида ҳам акс этмоқда.
Байрамона безатилган Ёзги Амфитеатрда ташкилланган тадбир аввалида туман ҳокими Шерали Қосимов жорий йилнинг етти ойида амалга оширилган ишлар қамраб олинган табрик сўзини ўқиб эшиттирди. Жумладан, маҳаллаларда турли манбаалар ҳисобидан 38,7 километр ички йўллар асфальтлаштирилди, 9,1 километр ичимлик суви тармоғи тортилди, 48,6 километр электр тармоғи янгиланиб, 18 та янги трансформатор ўрнатилди. 6 та маҳаллага томорқа сувлари чиқарилди. Асосий макроиқтисодий кўрсаткичлар ҳам ошириб бажарилди. 19 644 та янги иш ўринлари яратилди. Бундай хайрли ишлар давом этмоқда.
Туман маданият бўлими томонидан тайёрланган байрам дастури, таниқли санъаткорлар Элёрбек Мелибоев, Руҳшоналарнинг чиқишлари тадбир иштирокчиларига байрам кайфиятини улашди.
Байрам тадбирлари кўтаринкиликда ўтказилади
Мамлакатимиз давлат мустақиллигининг 34 йиллигини кенг нишонлаш мақсадида барча жойларда бўлгани каби Тўрақўрғонда ҳам қизғин тайёргарлик олиб борилмоқда. Маҳаллаларда, муассасаларда “Ватан учун, миллат учун, халқ учун” шиори остидаги тадбирлар давом этяпти.
Асосий тадбир эса ёзги Амфитеатрда бўлиб ўтади. Бунинг учун тайёргарлик ишлари олиб бориляпти. Майдон байрам мадҳини акс эттирувчи паннолар, гуллар билан безатилади. Туман маданият бўлими жамоаси ҳамда таниқли санъаткорлар иштирокида катта концерт, кўргазмали чиқишлар намойиш этилади.
Туман ҳокими Шерали Қосимов эрта тонгдан ана шу ҳозирликларни мутасаддилар иштирокида ўрганиб, энг улуғ, энг азиз байрамни халқимиз юқори кайфиятда нишонлаши бўйича қўшимча тавсиялар берди.
Вилоят ишчи гуруҳи томонидан бир ҳафта давомида Тўрақўрғон туманини ижтимоий-иқтисодий ривожлантириш, маҳаллаларда тадбиркорликни йўлга қўйиш, аҳоли бандлигини таъминлаш орқали даромадларини ошириш ва камбағалликни қисқартириш бўйича амалга оширилган ишлар ҳолати ўрганилди.
Туман ҳокимлигининг мажлислар залида вилоят ҳокимининг биринчи ўринбосари З. Баҳриддинов, солиқ бошқармаси бошлиғи Ш. Имомов ҳамда туман ҳокими Ш. Қосимов иштирокида ўрганиш якунларига бағишланган тахлилий йиғилиш бўлиб ўтди.
Олти ой якуни билан туманда асосий макроиқтисодий кўрсаткичлар сезиларли даражада ўсган. Солиқ инспекцияси даромадлар режаси ҳам 104,9 фоизга етган. Бироқ, даромад манбаларининг кўпчилиги бўйича режага нисбатан паст ижро ҳолати кузатилган. Йиғилишда, шунингдек, бандлик дастури ижроси, хориждан қайтган кам даромадли мигрантларни банд қилиш, камбағалликни қисқартириш, маҳалла банкирлари томонидан ажратилган кредитлар самарадорлиги, микролойиҳаларни ишга тушириш, муаммоли кредитлар ҳолати каби масалаларда ҳам ахборот берилди. Масъулиятсизликка йўл қўйган масъуллар огоҳлантирилди ва келгуси вазифалар қатъий белгилаб олинди.