Сўнгги янгиликлар
Янгиликлар
Мактаб спорт майдонига эга бўлди
Конституциямиз қабул қилинганлигининг 32 йиллиги байрами арафасида Гулистон маҳалласи ҳудудида жойлашган 15-умумтаълим мактабида янги спорт майдони фойдаланишга топширилди. Унда Тўрақўрғон тумани ҳокими Шерали Қосимов, сектор раҳбарлари, маҳалла аҳолиси вакиллари иштирок этишди.
Спорт соғлом турмуш тарзининг асосий манбаасидир. Жисмоний тарбия билан мунтазам шуғулланганлар соғлом ҳаёт кечирадилар. Шуни эътиборга олиб, юртимизда спортни ривожлантириш, унга барча ёшдагиларни қамраб олишга катта эътибор қаратилмоқда. Яқинда муҳтарам Президентимиз раҳбарликларида бўлиб ўтган видеоселектор йиғилишида ҳам ҳар ҳафтанинг бир кунини спортга бағишлаш белгиланди.
Шу ўринда айтиш ўринлики, болаларни ёшлигидан чиниқиб вояга етишларида ҳам спортнинг ўрни беқиёс. Бугун мазкур мактабда Инвестиция дастури асосида ажратилган 1 млрд. 476 млн. сўм маблағ эвазига қад ростлаган спорт майдони ҳам шу мақсадга хизмат қилади, албатта.
Ҳеч қайси юртда бизнинг мамлакатда бўлгани каби инсон қадр-қиммати, шаъни бу қадар муқаддас эмас. Аҳолини ижтимоий ҳимоялаш борасида кейинги йилларда жуда катта ишлар амалга оширилди.
Бугунги кунда туманимизда ногиронлиги бўлган шахслар сони 6 436 нафарни ташкил этади. 2024 йил давомида улардан 322 нафарига эҳтиёжига кўра реабилитация техник воситалари етказиб берилди.
Шунингдек, янги ваканцияларни очиқ танловга чиқариш натижасида 21 нафар ногиронлиги бўлган шахслар очиқ танловда ғолиб бўлиб, ўз меҳнат фаолиятларини давом эттиришмоқда.
3 декабр – Халқаро Ногиронлар куни муносабати билан Тўрақўрғон тумани ҳокимлиги, “Инсон” ижтимоий хизматлар маркази ҳамкорлигида “Олтин водий” мажмуасида тадбир ташкилланди. Тўкин дастурхон атрофида имконияти чекланган бўлса-да, ҳаётда шукроналик билан яшаётган фуқароларга туман ҳокими Шерали Қосимов самимий тилакларни билдирди. Тадбир иштирокчиларига махсус аравачалар, реаблитация мосламалари, фаол вакилларга эса Ташаккурнома ҳамда байрам совғалари тортиқ қилинди.
#Инфографика
Энерготежамкорлик воситалар билан йилига қанча маблағингиз тежалишини хисоблаб кўрганмисиз?
"Юксалиш" ҳаракати вилоят бўлинмаси
#яшил_макон
Кўчат экиш акцияси меҳнат байрамига айланди
Вилоятимизнинг барча туманларида бўлгани каби Тўрақўрғонда ҳам Президентимиз ташаббуслари билан бошланган “Яшил макон” лойиҳаси доирасида кўплаб ишлар амалга оширилди. Кейинги уч йил давомида экилган кўчатлар сони 4 миллион донадан ортиб кетди.
Бугун яна 30.000 туп кўчатлар, кузги гуллар ўтқазилди. Унда нуронийлар, ёшлар вакиллари, кенг жамоатчилик иштирок этишди. Исҳоқхон Ибрат мажмуаси боғидан бошланган ҳаракат туманнинг марказий кўчалари, автомагистрал йўл бўйлари, дала майдонлари, маҳаллаларда давом этди. 189 та эҳтиёжманд хонадонга 2000 тупдан зиёд ўрик, шафтоли, гилос, бодом кўчатлари тарқатилди. Сектор раҳбарлари ўз хизмат уйларида томорқадан фойдаланиш бўйича намуна кўрсатишди.
Кузги мавсумда ўтқазилган ниҳоллар баҳордагига қараганда кўпроқ парваришни талаб этади. Совуқ ҳавода уларнинг нобуд бўлмаслиги алоҳида эътиборга олинди.
Туман йўлларидан ўтган киши катта ҳажмда ободонлаштириш ишлари олиб борилганига гувоҳ бўлади. Ҳашар ишлари давом этади.
Бугун Тўрақўрғонда спорт куни
Ўзбекистон Республикаси Вазирлар Маҳкамасининг тегишли йиғилиш баёнидаги топшириқларга кўра, идора ва ташкилотлар ходимлари ўртасида “Беш ташаббус олимпиадаси” доирасида турли спорт мусобақалари ўтказиш белгиланган.
Бугун шунга биноан туманимизда спорт куни бўлиб ўтмоқда.
Эрта тонгдан тадбир Тўрақўрғондаги спорт мактабида “5000 қадам” лойиҳаси бўйича юриш ва бадантарбия машқларидан бошланди. Сўнгра спорт мактаби 1-филиалида шахмат, шашка, стол тенниси, волейбол бўйича мусобақаларга старт берилди. “Фаввора” оилавий дам олиш масканининг сунъий майдонида эса мини-футбол ишқибозлари майдонга тушдилар.
Ким эпчилу, ким чаққон? Бу саволга куннинг иккинчи ярмида, мусобақалар якунига кўра жавоб айтилади. Ҳозирча спортчиларга омад тилаймиз.