Янгиликлар
Бош прокурорнинг биринчи ўринбосари Баҳриддин Валиев Тўрақўрғон туманидаги “Рунамтекс” МЧЖда бўлди
“Ёшлар” кичик саноат зонасида жойлашган ушбу корхона бир гектар майдонни эгаллаган, йилига 1 млн. 200 минг тонна, 10 млн. долларлик қийматдаги трикотаж маҳсулотлари Европа давлатларига экспорт қилинади. Бу ерда 700 та янги иш ўрни яратилди. Замонавий андозадаги маҳсулотларнинг сифати ва кўриниши жаҳон бозорида харидоргир бўлиб бормоқда. Биргина жорий йилнинг икки ойида 3 миллион АҚШ долларилик маҳсулот экспорт қилинди.
Ҳозирда корхонада лойиҳанинг 2-босқичини ишга тушириш ҳаракати олиб бориляпти. Бунда яна 200 та янги иш ўринлари яратилади.
Б. Валиев корхона фаолияти ва ишчиларга яратилган шароитлар билан танишди. Мулоқотда корхона раҳбари Маҳфуза Гюмюш ҳозирда қурилиш ишлари якунига етганини айтиб, Вазирлар Маҳкамаси ҳузуридаги Саноат хавфсизлиги унитар корхонасидан хориждан олиб келинаётган ускуналар учун хулоса олишда кўмак сўради.
Ушбу масала Бош прокурор ўринбосари томонидан назоратга олинди.
Қишлоқ хўжалигида долзарб 10 кунлик эълон қилинди
Туман ҳокимлигида ташкилланган йиғилишда шу хусусда гап борди.
Тўрақўрғонда бу соҳада ўзига хос мактаб яратилган. "Комилов Турсунбой", "Бахтиёр, Неъматжон, Шавкатжон" каби фермер хўжаликларининг Хитой пахта уруғи экиш, томчилатиб суғориш, плёнка остига чигит қадаш тажрибаси вилоятда ҳам оммалашган.
Бироқ, ҳамма фермерлар ҳам агротехник талабларга масъулият билан ёндошмаяпти. Оқсоқоллар гуруҳининг аниқлашича, 260 гектар ғалла майдони суғорилмаган, кеч экилгани ҳисобига ҳали тўла униб чиқмаган, тупламаган буғдой ниҳоллари қаровга муҳтож.
15 мартдан бошлаб чигит экишга киришилади. Бунда фақат ва фақат 76×10 схема бўйича ишлаш талаб этилади.
Йиғилишда вилоят қишлоқ хўжалиги бошқармаси бошлиғи Нуршод Худойбердиев, туман ҳокими Шерали Қосимов томонидан фермерларнинг долзарб 10 кунлик имкониятларидан самарали фойдаланиш, 5 мартгача ғаллани ўғитлаш, 10 мартгача суғориш, ариқларни бетонлашда ўз мажбуриятларига масъулият билан ёндошишлари талаб этилди.
#бугун_қабул...
Тўрақўрғон тумани ҳокими Шерали Қосимовнинг навбатдаги сайёр қабули Зарбдор маҳалласида бўлиб ўтди.
Унда, жумладан, Ўзбекистон маҳалласидан Офтобхон Ғофурова моддий ёрдам ёки банк кредити олиш, Баҳодир Мамасолиев фарзандини даволатиш, бекободлик Бекмурод Астаев уй-жойини таъмирлаш, Давлатобод туманида ижарада яшаб келаётган Гулноза Қодирова уй-жой олиш, Беруний маҳалласидан Мунаввар Раҳимова субсидияга тикув машинаси олиш каби масалаларда мурожаат қилдилар.
Инсон саломатлиги учун тезкор ҳал этилиши зарур бўлган масалалар алоҳида назоратга олинди. Бошқа мурожаатлар уч кундан ўн беш кунгача белгиланган муддатда ўрганиб чиқилади ва масъулларнинг хулосалари олинади.
Қабулдан сўнг туман раҳбари бошчилигида Рамазон ойи муносабати билан эҳтиёжманд оилалардан хабар олинди.
Халқ депутатлари Тўрақўрғон тумани кенгашининг навбатдаги сессияси бўлиб ўтди
Сессияни туман ҳокими, кенгаш раиси Шерали Қосимов бошқарди.
Кун тартибидаги Ўзбекистон Республикаси Олий Мажлиси Сенати Кенгашининг 2025 йил 14 январдаги ҳудудларни ривожлантириш ҳамда аҳоли муаммоларини ҳал этишда маҳаллий Кенгашлар депутатлари ва сенаторларнинг “маҳалла еттилиги” билан ўзаро ҳамкорлигини янада кучайтириш чора-тадбирлари тўғрисидаги Қарори ижросини таъминлаш борасидаги ишлар ҳақида туман ҳокимининг ўринбосари Фазлиддин Маҳмудов, “Фуқаролар йиғинлари раислари сайловига тайёргарлик кўриш ҳамда уни ўтказишга кўмаклашиш тўғрисида” туман Маҳаллалар уюшмаси раиси Муҳаммаджон Аппоқов, “Саховат ва кўмак” жамғармасига келиб тушган маблағларни сарфлаш тўғрисида” туман “Инсон” ижтимоий хизматлар маркази директори Маъмуржон Абдураҳимовларнинг ахборотлари тингланди.
Кўрилган масалалар юзасидан депутатлар фаол муносабатлар билдирдилар ва бир овоздан маъқулладилар.
#Sayyor_qabul
Xalq bilan muloqot, odamlar orasiga kirib borish va shu yo‘l orqali joylardagi muhim va dolzarb masalalarni o‘rganish bugunning ustuvor vazifalaridan sanaladi.
To‘raqo‘rg‘on tumanida viloyat maktabgacha va maktab ta’limi boshqarmasi boshlig‘ining sayyor qabuli tashkil etilib, unda O‘zbekiston Respublikasi Prezidentining Namangan viloyatidagi Xalq qabulxonasi mudiri Bahodir Yusupov, Oliy Majlis Qonunchilik palatasi deputati Dilmurod Ismailov, boshqarma boshlig‘i A’zamjon Isakov ishtirok etishdi.
Jarayonda davlat maktabgacha ta’lim tashkilotiga navbatga qo‘yish, oilaviy bog‘cha ochish, ishga joylashish kabi masalalarda fuqarolarning 50 dan ortiq murojaat va takliflari kelib tushdi. Ularning 16 tasi shu yerning o‘zida ijobiy hal etilib, yechimi va o‘rganishni ma’lum vaqt talab etadigan murojaatlar tegishli tartibda nazoratga olindi.
Namangan viloyati maktabgacha va maktab ta’limi boshqarmasi Axborot xizmati