Маҳаллалар ислоҳотлар амалга ошириладиган асосий маскан бўлиши керак
Тўрақўрғон тумани ҳокими Аҳроржон Мансуров сектор раҳбарлари билан биргаликда маҳалла фуқаролар йиғинлари раислари, ҳоким ёрдамчилари, ёшлар ишлари вакиллари, профилактика инспекторлари билан мулоқот учрашувлар ўтказмоқда.
Тўрақўрғон 2-сонли касб-ҳунар мактабида 1-сектор ҳудудида фаолият олиб бораётган мутасаддилар иштирокида бўлиб ўтди.
Туман раҳбари бугунги долзарблик маҳаллада акс этиши учун эрталабдан яхши ниятлар билан уюшқоқликда режали иш ташкил этиш, кечқурун сарҳисоб қилиш, нуронийлар маслаҳатини олиш, ҳар бир кўчани аҳоли даромадларини ошириш учун аниқ бир йўналишга ихтисослаштириш, бир-бирлари билан тажриба алмашишни йўлга қўйиш лозимлиги ҳақида гапирди.
Дарҳақиқат, бугун маҳаллада 5 та асосий куч сифатида лавозимлар жорий этилди. Улар ўз вазифаларини виждонан, шаффофлик билан бажарсалар ҳудудда муаммо қолмайди. Айниқса, маънавий-маърифий ишларни кучайтириш, билим олиш ва китоб ўқиш, спорт тадбирларини ўтказиш, иқтидорлиларни муносиб рағбатлантириб бориш лозим. Маҳаллаларда албатта, кутубхона, ҳаммом бўлиши керак. Ноқонуний қурилишларга йўл қўймаслик учун маҳалла мутасаддилари масъул. Бир сўз билан айтганда, Маҳаллалар ислоҳотлар амалга ошириладиган асосий маскан бўлиши керак.
Мулоқотдан сўнг сектор раҳбарлари мазкур муассасада ёшларга касб-ҳунар ўргатиш жараёни, яратилган шароитлар билан танишиб, ўувчиларнинг келажакдаги режалари ҳақида суҳбатлашдилар.