Табаррук инсонни йўқлаб....
Наврўз - миллий қадриятларни ўзида мужассам этган, янгиланиш ва ободликларни бошлаб берувчи улуғ байрамдир. Унга ярашиқли яна бир удум ёши улуғлар, табаррук инсонлар, эҳтиёжмандлар ҳолидан хабар олиш.
Тўрақўрғон туманидаги Катта Қурама маҳалласида истиқомат қилувчи Икромжон ота Умрзоқов бу йил 100 ёшга тўлдилар. Яқинларининг айтишича, ҳужжатларда туғилган йиллари икки ёш кам кўрсатилган, аммо, бир аср яшаётганлари айни ҳақиқат.
Вилоят ҳокими Шавкатжон Абдураззоқов, ҳоким ўринбосарлари, сектор раҳбарлари Икромжон отани улуғ Наврўз билан табриклагани келишди. Ҳозирда ҳам тетик, тилидан доимо шукроналик ва дуолар тушмайдиган отахон йўқлов ва совғалар учун миннатдорчилик билдирди.