Вилоят ИИБ бошлиғи ўринбосари аҳоли билан сайёр қабул, ёшлар билан учрашув ўтказди
Ҳаёт давом этар экан, одамларнинг турмуш тарзида турли муаммо ва масалалар ҳам учрайверади. Халқ билан мулоқотнинг замонга мос равишдаги усуллари, яъни, юзма-юз мулоқотларда уларнинг аксарият қисми ҳал этиляпти ҳам.
Наманган вилояти ИИБ бошлиғининг ўринбосари Ойбек Хўжақулов Тўрақўрғон туманида аҳоли билан сайёр қабул ўтказди.
Уй-жой олиш, олийгоҳда ўқиётган фарзандининг контракт пулини тўлаш, ишга жойлашиш, оила аъзосининг жазо муддатини қисқартириш бўйича қилинган мурожаатлар мутасаддилар иштирокида тингланди ва ўрганиб чиқиш учун назоратга олинди.