Боланинг бўш вақти тил ва ҳунар ўрганишга сарфлансин
Бундан қарийб 70 йил аввал қурилган 4-умумтаълим мактаби учун 2023 йил Инвестиция давлат дастури доирасида 7 млрд. 843 млн сўмдан зиёд маблағ ҳисобига замонавий 420 ўринли ўқув биноси қуриш ҳамда мавжуд ўқув биноларини таъмирлаш ишларидан сўнг муассасанинг қиёфаси ва ўқувчиларга яратилган шароитлар ҳавас қиларли даражага етди..
Тўрақўрғон тумани ҳокими Аҳрорбек Мансуров Президент раҳбарлигида ўтказилган видеоселектор йиғилишидаги топшириқлар ижроси учун кунига умумтаълим мактаби ва мактабгача таълим ташкилотларида ўрганишлар олиб бормоқда.
Мазкур мактабда 34 та фан тўгаракларига 766 нафар ўқувчилар қамраб олинган, 4 та спорт, 2 та касб-ҳунар тўгаракларида эса 150 нафар йигит-қизлар жамланган. Туман раҳбари болаларни ёшлигидан илму заковатга астойдил қизиқтириш, бўш вақтлари беҳудага сарфланмаслиги бўйича тавсияларини берди.