"Беш ташаббус" олимпиадасига старт берилди
Ёшларнинг иқтидорини намойиш этиш ва қўллаб-қувватлаш, соғлом фикрлашига кўмаклашиш, спортга ошноликларини янада ошириш, билим-тафаккурларини бойитиш, бўш вақтларини мазмунли ўтказишини таъминлашга қаратилган "Беш ташаббус" олимпиадасининг навбатдаги мавсумига старт берилди.
Шу муносабат билан бўлиб ўтган маросимда Тўрақўрғон тумани ҳокими Аҳрорбек Мансуров ва сектор раҳбарлари иштирок этиб, ёшларга ҳар йилгидан кўпроқ муваффақиятларга эришишларида омад тилашди.
Туман маданият бўлими, Болалар мусиқа ва санъат мактаби ўқувчилари ижросида бадиий дастур намойиш этилди.
Олимпиаданинг маҳалла босқичи эртадан бошлаб ҳудудларда бошланади. Уларда 25737 нафар йигит-қизлар қамраб олинади.