Тўрақўрғон тумани ҳокимига янги биринчи ўринбосар тайинланди
Ушбу вазифада Қудратбек Иномиддинович Соходиллаев иш бошлади. У 1990 йилда Тўрақўрғон туманида туғилган. Маълумоти олий, 2013 йилда Наманган муҳандислик-технология институтини иқтисодиёт йўналиши бўйича битирган.
Меҳнат фаолиятида туман Давлат солиқ инспекциясида катта инспектор, вилоят Иқтисодиёт ва ҳудудларни комплекс ривожлантириш бош бошқармаси туман бўлими бошлиғи, туман ҳокимининг иқтисодиёт ва тадбиркорлик масалалари бўйича биринчи ўринбосари вазифасини бажарувчи, вилоят иқтисодий тараққиёт ва камбағалликни қисқартириш бош бошқармасида бўлим бошлиғи, янги тайинловгача Ижтимоий ҳимоя миллий агентлиги вилоят бошқармасида бош мутахассис каби лавозимларда ишлаган.
Қ. Соходуллаев Тўрақўрғон тумани ҳокимининг 2024 йил 15 октябрдаги қарорига мувофиқ, туман ҳокимининг молия -иқтисодиёт ва камбағалликни қисқартириш масалалари бўйича биринчи ўринбосари – туман иқтисодиёт тараққиёт ва камбағалликни қисқартириш бўлими бошлиғи лавозимига тайинланди.