Янги йил яқин. Унинг энг қувончли дамлари безатилган арча атрофида ўтишини ҳисобга олиб, Тўрақўрғон марказида ҳам байрамга катта тайёргарлик кўрилмоқда.
Вилоят ички ишлар бошқармаси бошлиғи, полковник Шуҳрат Алиев туман ҳокими Шерали Қосимов ҳамроҳлигида асосий майдонда аҳолига янги йил шукуҳини улашиш мақсадида олиб борилаётган ишлар билан танишди. Айниқса, ранго ранг чироқлар билан безатилган арча ва бошқа дарахтлар майдонга фусункорлик бахш этиб турибди.
ИИБ раҳбари томонидан фуқароларнинг хавфсизлигини таъминлаш учун масъулларга керакли кўрсатмалар берилди.
25 декабрдан 10 январгача давом этадиган байрам тадбирларида бадиий дастурлар, маданият марказида эса болалар учун театр томошалари намойиш этилиши режалаштирилган.