«Ахсикентда сўнгги икки ярим йил ичида олиб борилган кўлами катта қурилиш бугун бўй кўрсатмоқда. Бу жараёнда археологлар қурувчи-меъморлар билан елкама-елка ишлашди. Энди олим-қадимшунослар учун янада катта масъулият - 3000 йиллик мудофаа деворлари сирини очишлари керак», - Наманган вилояти ҳокими Шавкатжон Абдураззоқов Ахсикент археология паркидаги бунёдкорлик ишлари билан танишди.
Умумий майдони 200 гектарни ташкил этувчи археологик ёдгорлик Марказий Осиёнинг нодир қадамжосига айланиб улгурди.
64-Халқаро гуллар байрамида фойдаланишга топширилиши кўзда тутилган Очиқ осмон, Экспонатлар музейи, Ахсикент қалъаси ва кириш дарвозаси қурилиши бўйича қўшимча тавсиялар берилди.
- Қалъа девори ва миноралар учун минг йиллик ғиштни ишлатилаётгани жуда яхши. Бу сайёҳларга тарихий муҳитни тақдим этади, - деди Шавкатжон Абдураззоқов.
Вилоят ҳокими чап соҳилдаги инфратузилма объектларини Ахсикент билан боғлаш, Сирдарёнинг чап қирғоғида 22 гектар майдонни Ахсикент дирекцияси тасарруфига ўтказиш лозимлигини таъкидлади.