Янгиликлар
Ўзбекистон Республикасида Аҳолининг айрим тоифаларига нисбатан шахсгадоир маълумотларни йиғиш тартиби қуйидагича амалга оширилади.
Аҳолини рўйхатга олишни ўтказиш санасида чақирув асосида муддатли ҳарбий хизматни ўтаётган ҳарбий хизматчилар бўлган, шунингдек контракт бўйича ҳарбий хизматга жалб этилган ҳарбий хизматчилар бўлган ва уларнинг ёпиқ ҳудудларда яшаётган оила аъзоси бўлган респондентлар ҳақидаги шахсга доир маълумотларни йиғиш ҳарбий қисм командири ёки у ваколат берган шахс томонидан амалга оширилади.
Аҳолини рўйхатга олишни ўтказиш санасида:
болалар интернатларида, тарбия муассасаларида, «Болалар шаҳарчалари»да;
ижтимоий муассасаларда;
диний муассасаларда;
шифохоналарда ва бошка соғлиқни саклаш ташкилотларида;
зўравонликдан жабрланган шахсларни реабилитация қилиш ва мослаштириш ҳамда ўз жонига қасд қилишнинг олдини олиш марказларида;
қамоқда сақлаш жойларида, тергов ҳибсхонасида, ахлоқ тузатиш муассасаларида ва махсус муассасаларда яшаётган (бўлган) респондентлар тўғрисидаги шахсга доир маълумотларни йиғиш ушбу қисмда назарда тутилган муассасалар ҳамда ташкилотлар маъмуриятлари томонидан амалга оширилади.
Ўзбекистон Республикасининг дипломатик ваколатхоналари ва консуллик муассасалари, шунингдек Ўзбекистон Республикасининг халкаро ташкилотлар ҳузуридаги ваколатхоналари ходимлари бўлган Ўзбекистон Республикаси фуқаролари ҳамда уларнинг ўзи билан бирга бўлган оила аъзолари, шу жумладан Ўзбекистон Республикаси Ташқи ишлар вазирлиги томонидан халкаро ҳукуматлараро ташкилотлардаги квоталанган лавозимларга юборилган фуқаролар Ўзбекистон Республикаси Ташқи ишлар вазирлиги томонидан рўйхатга олиниши лозим.
Ўзбекистон Республикаси Ташқи ишлар вазирлигида аккредитация қилинган чет давлатлар доимий ваколатхоналарининг, халкаро, ҳукуматлараро ташкилотлар ва чет давлатлар ҳукумат ташкилотлари ваколатхоналарининг ходимлари бўлган чет эл фуқаролари ҳамда уларнинг оила аъзолари, шунингдек Ўзбекистон Республикасининг халқаро шартномаларига мувофиқ дипломатик имтиёзларга ва иммунитетга эга бўлган бошқа шахслар рўйхатга олинмайди.
31 йил паспортсиз яшадим, фарзандларим ҳужжат олаётганда “отам Россияда бедарак кетганлар”, дейишган экан
Ермасжид маҳалласида яшовчи фуқаро шунча йил деганда профилактика инспектори Ботиржон Қамбаров кўмагида шахсини тасдиқловчи ҳужжатга эга бўлди.
1969 йилда туғилган Маҳаммадшокир Аҳмедов собиқ иттифоқ даврида олган паспорти билан ҳанузгача юрганди. Турли сабабларга кўра алмаштириш муддатини ҳам ўтказиб юборди. Ўзи мавсумий ишчи бўлгани учун бунга катта миқдорда жарима тўлаш ҳақида эшитиб, ҳафсаласи пир бўлди. Шу-шу “қизил” паспорт билан қолиб кетди. Ўтган йилларда янги паспортсиз қанча қийинчиликларга дуч келганини ўзи билади. Ҳатто оила қурганида ҳам никоҳ тузилганлиги ҳақидаги муҳр “метрка”сига босилган экан. Ўзининг айтишича, фарзандларига туғилганлик гувоҳномасини олишда ҳам қийналган. Ўғиллари вояга етиб ҳужжат олишаётганда отанинг паспорт маълумотлари сўралганда “Россияда бедарак кетганлар” деб баҳона қилишган экан.
Уйма-уй ҳатловда профилактика инспектори, майор Ботиржон Қамбаров фуқаро билан тушунтириш ишлари олиб бориб, Ш. Аҳмедовнинг туман фуқароликни расмийлаштириш бўлимига олиб келди. Керакли ҳужжатлар тайёрлангач, мана бугун унга янги кўринишдаги паспорт топширилди.
-Мана, энди қўлимда паспортим бор. Биринчи ниятим тарихий шаҳарларга саёҳатга бориш,-дейди фуқаро.
Шавкат Мирзиёев меҳнати ва ижоди билан халқ меҳрини қозонган Наманганликларга ўз миннатдорлигини билдирди:
"...Жамолқори Ғиёсов, Сора Эшонтўраева, Турсуной Жаъфарова, Шаҳодат Раҳимова, Ҳабиба Охунова, Назира Аҳмедова, Камолиддин Раҳимов, Ҳошим Арслонов, Мирза Азизов каби атоқли санъаткорлар, Чустий, Зафар Диёр, Ҳабиб Саъдулла, Ҳусниддин Шарипов сингари таниқли адиблар ва уларнинг бугунги издошлари бўлган Тоҳир Қаҳҳор, Зиёвуддин Мансур, Дилбар Ҳайдарова, Жамолиддин Муслим, Хосият Рустамова, Меҳриноз Аббосова, Беҳзод Фазлиддин каби истеъдодли ижодкорларнинг номларини ҳам ҳурмат билан тилга оламиз.
Ҳозирги пайтда Ўзбекистон халқ артистлари Ёқуб Аҳмедов, Матлуба Дадабоева, Насиба Қамбарова, Зулайҳо Бойхонова, Меҳри Бекжонова, шунингдек, Тожибар Азизова, Меҳри Абдуллаева, Жалолиддин Усмонов, Алишер Файз, Малика Эгамбердиева, Сардор Мамадалиев, Баҳриддин Зуҳриддинов, Гуласал Абдуллаева каби иқтидорли ижодкорлар санъатимиз ривожига муносиб ҳисса қўшмоқда.
Муҳаммад Нуриддинов, Бахтиёр Назаров, Акмал Нур, Ортиқали Қозоқов сингари моҳир рассомлар ўз ижоди билан нафақат юртимизда, балки чет элларда ҳам шуҳрат қозонган.
Наманган аҳли мамлакатимизнинг илм-фан соҳаларида катта ютуқларга эришиб келаётган Абдумавлон Абдуллаев, Комилжон Тожибоев, Аҳмадали Асқаров, Иброҳим Абдураҳмонов каби академиклар, Турсунбой Файзуллаев, Ҳамид Аҳмадхўжаев, Шавкат Отажонов, Рустам Муродов, Ҳадича Қодирова, Собитхон Турғунов, Абдулла Расулов сингари таниқли профессорлар билан ҳақли равишда фахрланади.
Наманган вилоятини ривожлантириш ва аҳоли турмушини фаровон қилишга муносиб ҳисса қўшиб келаётган Икромхон Нажмиддинов, Муҳаммаджон Каримов, Латифжон Султонов, Хадича Мирзаева, Ойшахон Қўчқорова, Иброҳим Юсупов, Жамолхон Сиддиқов, Мухторхон Ҳошимхонов, Ҳайдарали Ҳожиакбаров, Умматали Шамсиев, Рауфхон Муртозаев, Абдусаттор Ғофуров, Хорунхон Аюбхонов, Ботирали Ҳакимов, Абдулхай Турсунов каби ҳурматли нуроний ва оқсоқолларга алоҳида ташаккур билдираман."- Шавкат Мирзиёев
УЧ КУНДА МИЛЛИОН ТОПГАН ТЕРИМЧИ
Куни кеча ижтимоий тармоқларда бир аёлнинг кунига 200 килодан пахта тераётгани ҳақидаги хабарга кўпчилик ишонқирамади.
Рост экан, бунга ўзимиз ҳам гувоҳ бўлдик. “Забардаст Оқтош” фермер хўжалигида Юқори Мўғултой маҳалласидан келган опа-сингиллар теримда иштирок этишяпти. Улардан бири Руқия Каримова 6 кунда 1,2 тоннадан ортиқ пахта терибди. Қўлига олган пули 1.100.000 сўмдан ошибди. “Агробанк” туман филиали ходимлари ҳар уч кунда пулни тарқатиб кетишяпти.
-Кеча 230 кило терганман. Турмуш ўртоғим доим ёнимдалар. Этагим тўлишига бошқасини алмаштириб берадилар. Тарозига олиб чиқадилар. Ютуғимнинг сири шу,-дейди илғор теримчи.
Маҳалладошларига ўрнак бўлаётган Гулнора Муҳитдинова, Фотима Тошбоевалар ҳам теримдан дурустгина даромад топишаётганидан хурсанд.
ПАХТАЗОР – МИСЛИ ОҚ ГУЛЛАРГА ТЎЛГАН ГУЛЗОР
Мана бу пахталарни кўриб, кимни белига этак боғлагиси келмайди. Туманимизнинг энг забардаст фермерлар хўжаликларидан бири “Бураматут гулшани”да Қўшқайрағоч, Бураматут, Хўжанд, Ўрда маҳаллаларидан чиққан 300 дан зиёд хотин-қизлар зўр ғайрат билан пахта теришмоқда.
Бураматут маҳалласи раиси Насибахон Шокированинг айтишича, Олима Мамаджонова, Муқаддас Исмоилова, Адолат Эрназарова сингари теримчилар 130-140 килограммдан ҳосил йиғиб олишяпти. Бундай ҳокисор аёлларни кўриб, арзимаган баҳоналар билан теримга чиқаолмаслигини айтадиганларга ҳайрон қолади киши. Ахир бир кунда рўзғорига 150 минг сўм пул олиб киришнинг ўзи шукроналик белгиси.
Фермер хўжалиги 106 гектар майдондан 400 тоннадан ортиқ пахта топширишмоқчи. Гектаридан 50 центнергача ҳосил чиқяпти. -Теримчи опалардан миннатдормиз, илғорлар сафида эканимизда уларнинг ҳиссаси беқиёс,-дейишади иш юритувчилар Рустамжон Тошбоев ва Қодиржон Умаровлар.
