Сўнгги янгиликлар
Янгиликлар
⚡️⚡️⚡️Ўзбекистон Республикаси Президентининг маҳаллаларда ёшлар билан ишлаш тизимини тубдан такомиллаштиришга доир Қарорлари, шунингдек, маҳаллаларда ёшлар ўртасида оммавий спорт мусобақаларини тизимли ташкил этиш орқали соғлом турмуш тарзини кенг тарғиб қилиш, уларни оммавий спортга жалб этишни янги босқичга олиб чиқиш, 2022-2026 йилларга мўлжалланган Янги Ўзбекистоннинг тараққиёт стратегиясида белгиланганвазифаларнинг ижросини таъминлаш мақсадида Тўрақўрғон туманида Беш ташаббус олимпиадасининг 2-мавсуми доирасида спортнинг шахмат ва шашка тури бўйича сектор босқичи бўлиб ўтди.
Ғолиблар эсдалик совғалари ҳамда диплом билан тақдирланди.
Ўзбекистон ёшлар ишлари агентлиги Тўрақўрғон тумани бўлими.
Ҳаммамизга маълумки, “Save Aral – 2022” (Оролни асраш) спорт оммавий югуриш мусобақалари 2019 йилдан бери жамоатчилик эътиборини Орол денгизи фожиаси ва Оролбўйи минтақасини қайта тиклаш масалаларини ҳал қилиш учун чораларни фаоллаштириш мақсадида ўтказиб келинади.
Бугунги кунда аҳолининг экологик билими ва маданиятини оширишга қаратилган ушбу ижтимоий лойиҳа кенг кўламли ташаббусга айланиб улгурган. Хайрия тадбирига жамоатчиликнинг қизиқишини таъминлаш мақсадида Енгил атлетика федерацияси томонидан доимий равишда оммавий югуриш мусобақаларини ноодатий ўтказиш форматлари режалаштирилган .
Ўзбекистон Республикаси Президентининг 2022 йил 1 августдаги “Ўзбекистон Республикаси давлат мустақиллигининг 31 йиллик байрамига тайёргарлик кўриш ва уни юқори савияда ўтказиш тўғрисида”ги қарори ҳамда Вазирлар Маҳкамасининг 2022 йил 15 августдаги “Save Aral – 2022” халқаро марафони ва “Ўзбекнефтгаз” АЖ бошқаруви раиси кубоги учун оммавий югуриш мусобақаларига тайёргарлик кўриш ва уни юқори савияда ўтказиш тўғрисидаги йиғилиш баёнига кўра ушбу спорт байрами бугун Тўрақўрғон туманида бўлиб ўтди. Унда вилоятимизнинг барча шаҳар ва туманларидан вакиллар иштирок этишди.
Марафон ғолиблари турли номинациялар бўйича ташкилотчиларнинг қимматбаҳо совғалари билан тақдирландилар.
“Миллий тикланиш” партияси Наманган вилояти кенгаши ҳамда Тўрақўрғон туман ҳокимлиги ҳамкорлигида “Туризм салоҳиятини янада ошириш ва маданий мерос объектларини муҳофаза қилишнинг долзарб масалалари” мавзусида Фарғона водийси илмий-амалий семинари бўлиб ўтди
Семинарда партиянинг Фарғона ва Андижон вилояти кенгашлари вакиллари ҳам иштирок этди. Меҳмонлар дастлаб Наманган шаҳрининг Давлатобод туманидаги “Янги Ўзбекистон — ёшлар зиё маскани” ахборот-кутубхона марказида бўлиб, бу ерда яратилган шароитлар билан танишди.
Шундан сўнг иштирокчилар Тўрақўрғон туман маданият маркази келди. Бу ерда миллий ҳунармандчилик маҳсулотлари, қўл меҳнати буюмлари, тасвирий санъат намуналаридан иборат кўргазма билан танишишди.
Илмий-амалий семинарда туризмни миллий иқтисодиётнинг стратегик тармоғи сифатидаги мавқейини ошириш, унинг халқимиз тарихи, урф-одатларини тарғиб этишдаги ўрни, Ўзбекистонни сайёҳлик ривожланган давлатга айлантириш, бу борадаги имконият ва муаммолар, маданий мерос объектларини асраб-авайлаш билан боғлиқ масалалар муҳокама қилинди.
Тадбирни “Миллий тикланиш” партияси Наманган вилояти кенгаши вилоят кенгаши раиси Дилноза Азизова очди ва олиб борди. У туризмни ривожлантириш ва маданий мерос объектларини муҳофаза қилиш партиянинг устувор йўналишларидан бири эканлигига урғу қаратди.
Вилоятда туризм салоҳиятини ошириш борасида амалга оширилаётган ишлар хусусида вилоят ҳокими ўринбосари Ботиржон Нуриддинов сўз олиб, бу борадаги режаларни очиқлаб ўтди.
—Мутахассислар туризм соҳасини ривожлантириш мамлакатнинг барча секторларининг ривожланишига бевосита таъсири юқори эканлигини асослаб берган. Ҳозирги кунда туманимизда ҳам туризм салоҳиятини ошириш, бу борадаги имкониятлардан унумли фойдаланиш учун астойдил саъй-ҳаракатларга киришганмиз. Ибрат мажмуаси, Ахсикент очиқ осмон остидаги музейи, Тўрақўрғон узумлари ва гилослари аллақачон туманимизнинг ўзига хос брендига айланишга улгурган, – деди Тўрақўрғон тумани ҳокими Аҳрорбек Мансуров.
НамДУ магистранти Жавоҳир Ёқубжонов, Наманган вилоят Маданий мерос бошқармаси бошлиғи ўринбосари Латифа Аҳмадалиева ўз маърузаларида сайёҳлар учун Фарғона водийси жозибадорлигини оширишда туризм ва маданий мерос объектларининг аҳамияти, водий вилоятларининг бу йўналишдаги алоҳида жиҳатларига тўхталиб ўтди.
Тадбир якунида Андижон вилоят кенгаши раиси Ҳамиджон Омонов, Фарғона вилоят кенгаши мутахассиси Муҳаббат Жўраева таассуротлари билан ўртоқлашиб, Наманганда ташкил этилган мазкур семинарга таклиф учун миннатдорлик билдирди. Партиянинг устувор мақсадларини электоратга етказишга қаратилган бундай амалий семинарларни мунтазам ўтказиш зарурлиги, ушбу тадбир эса бу борадаги дадил қадар бўлганин таъкидлашди.
Семинарнинг кейинги босқичлари амалий тарзда ўтди. Водийлик меҳмонлар Исҳоқхон тўра Ибрат мажмуаси, Ахсикент очиқ осмон остидаги музейида бўлишди, Хўжанддаги машҳур узумчилар маҳалласи билан танишишди.
“Дафтар”даги аёлларга чок машиналари тарқатилди
“Инсон қадрини улуғлаш ва фаол маҳалла йили”нинг мазмун-моҳияти ҳар бир соҳада ўз натижаларини кўрсатяпти. Айниқса, аҳолининг ишсиз, кам таъминланган қатламига кўрсатилаётган эътибор туфайли оилаларнинг турмуш даражаси мустаҳкамланиб бораётир.
Тикувчилик аёл киши учун энг муносиб ҳунар. Шароитга қараб уйда ҳам ишлаш мумкин. Шу жиҳат ҳисобга олиниб, Тўрақўрғон туманидаги 24 та маҳаллада истиқомат қилувчи 41 нафар хотин-қизларга субсидия асосида чок машиналари тарқатилди.
Асосан “Аёллар дафтари”да турувчи, шу масалада жойлардаги ҳоким ёрдамчиларига мурожаат қилган фуқароларнинг истаги инобатга олинди.
-Мумкин қадар ёнларингга чеварчиликка интилиши бор маҳалладошларингни ҳам олиб, ҳунарларингни ўргатинглар. Орамизда ишсизлар сони қанча камайса бу ҳам бир ютуқ,-деди туман ҳокимлигида бўлиб ўтган кичик тадбирда маҳаллабай ишлаш ва тадбиркорликни ривожлантириш маркази раҳбари Элёрбек Турғунов.
Чок машинали бўлганлар Юртбошимизга миннатдорчилик рамзи сифатида юртимизга тинчлик-фаровонлик тилаб дуо қилишди.
To‘raqo‘rg‘on tuman 1-sonli kasb-hunar maktabining kimyo fani o‘qituvchilari D.Vaxabova va N.Asqarova ''Oksidlanish va qaytarilish jarayoni'' mavzusida ''Ochiq dars'' tashkillandi. Ushbu ochiq dars ommalashtirilgan holda o‘tkazilib, unga Namangan Davlat Universiteti noorganik kimyo fani o‘qituvchisi doktorant A. Nodirov va magistrant M. Mahmudovlar tashrif buyurishdi. Ustozlar tomonidan o‘quvchilarga oksidlanish va qaytarilish jarayoni to‘g‘risida bilim~ko‘nikmalarini berib, kundalik hayotimizdagi o‘rni, ahamiyati aytib o‘tildi. So‘ngra o‘quvchi yoshlar uchun qiziqarli kimyoviy tajribalar o‘tkazildi. Tajribada ammoniy xloridning hosil bo‘lishi, mis kuporosi va vodorod peroksidlar o‘rtasida tajriba olib borildi.