Сўнгги янгиликлар
Янгиликлар
YIRIK TIJORAT TAShKILOTLARI RAXBAR VA XISOBChILARI DIQQATIGA!!!
Tijoratchi tashkilot bo‘lgan yuridik shaxslar (kichik korxonalar, mikrofirma va qishloq xo‘jaligi ishlab chiqaruvchilaridan tashqari), tijoratchi tashkilot bo‘lgan yuridik shaxslarning alohida bo‘linmalari va notijorat tashkilotlar O’zbekiston Respublikasi Davlat statistika qo‘mitasining 2021 yil 11-oktyabrdagi 10-mb-son qaroriga 109-son ilovasi 12-korxona shakli oylik (tashkilot faoliyati to‘g‘risida) Davlat statistika xisobotini hisobot davridan keyingi oyining 5-sanasidan kechiktirmay elektron tarzda taqdim etishning eslatadi.
To‘raqo‘rg‘on tuman statistika bo‘limi
Тўрақўрғон тумани ҳокими вилоят спорт курашлари Ассоциацияси Президенти этиб сайланди
Мамлакатимизда спортнинг барча турларини оммавийлигини таъминлаш борасида олиб борилаётган кенг кўламли ислоҳотлар самарасини беряпти. Бу жаҳон миқёсидаги мусобақаларда эришилаётган ютуқларда мужассам. Хусусан, эркин кураш ва Юнон рум кураш турлари бўйича шуғулланаётган ёшларнинг бу муваффақиятларда улуши катта.
Ҳозирги кунда вилоятимизда жами 1136 нафар, шундан Юнон рум курашида 689 нафар спортчилар шуғулланиб келишмоқда.
Бу ҳақда Тўрақўрғон тумани ҳокимлигида вилоят спорт курашлари Ассоциациясининг ташкилий йиғилишида спортни ривожлантириш бош бошқармаси бошлиғи Анваржон Тўйчиев маълумот бераркан, тўрақўрғонлик курашчиларга алоҳида тўхталди. Улар сафида 15 нафар Жаҳон чемпионлари, юзлаб Осиё ва Ўзбекистон чемпионлари бор. Биргина мисол; Шермуҳаммад Шарипжонов шу йил июн ойида Бишкек шаҳрида ўсмирлар ва ёшлар ўртасида бўлиб ўтган Осиё чемпионатида ўз ваз тоифасида олтин медални қўлга киритди.
Муваффақиятлар замирида ҳеч шубҳасиз, туман ҳокимлигининг спортчиларга ғамҳўрлик ва эътибор кўрсатиши мужассам. Мана шулар ҳисобга олиниб, Тўрақўрғон тумани ҳокими Аҳроржон Мансуров вилоят спорт курашлари Ассоциацияси Президенти этиб сайланди.
Йиғилишда А. Мансуров сўзга чиқиб, билдирилган ишонч учун миннатдорчилик билдириб, спортчиларни доимий қўллаб-қувватлашга ваъда берди.
TIJORATCHI TASHKILOT BO’LGAN YURIDIK SHAXSLAR, ULARNING ALOHIDA BO’LINMALARI VA NOTIJORAT TASHKILOTLAR DIQQATIGA
(kichik korxonalar va mikrofirmalardan tashqari, O’zbekiston Respublikasi davlat statistika qo‘mitasi tomonidan belgilangan ro‘yxat bo‘yicha)
Statistika organlariga (xar oyning yakuni bo‘yicha) taqdim etiladigan «Tashkilotning moliyaviy ahvoli to‘g‘risida»gi 12-moliya shakli (oylik) davlat statistika hisobot shaklini, hisobot davridan keyingi oyning 18-sanasidan kechiktirmay, internet tarmog‘i vositasida, elektron shakldagi statistik hisobotlarni yig‘ishning avtomatlashtirilgan axborot tizimi «eStat 4.0» dasturi orqali, elektron raqamli imzodan foydalangan holda taqdim etishingiz so‘raladi.
To’raqo’rg’on tuman statistika bo’limi.
Murojaat uchun telefonlar: 69-4421604
Мукаммал таъмирланган мактаб ўқувчиларни бағрига олди
Президентимиз Шавкат Мирзиёев байрам муносабати билан ўтказилган тантанали йиғилишдаги маърузаларида 2026 йилгача энг аввало эътибор қаратиладиган 5 та асосий соҳани санаб, биринчи навбатда таълим соҳасида фарзандларимиз замонавий билим ва кўникмаларни пухта эгаллашлари учун энг қулай шароитлар яратиш изчил давом эттирилиши, бунинг учун мактабларнинг ўқув дастурлари, ўқитиш услуби, дарсликлар мазмуни тубдан қайта кўриб чиқилишини билдирдилар.
Мамлакатимизда таълим соҳасида олиб борилаётган ислоҳотлар ўқувчиларнинг билим олишга бўлган қизиқиши ва иштиёқини тобора кучайтиришга, ўқитувчилик касбининг обрўсини тиклаш ва оширишга қаратилгани билан аҳамиятлидир.
Бугун, янги ўқув йилининг бошланиши Тўрақўрғон туманидаги Бордимкўл маҳалласи ҳудудида жойлашган 25-сонли умумий ўрта таълим мактаби жамоаси учун қўшалоқ байрамга айланди. Давлат бюджетидан ажратилган 5 млрд. 212 млн. сўм эвазига 844 ўринли ўқув биноси мукаммал таъмирдан чиқарилди.
Бутунлай янгича қиёфа касб этган мактаб биносининг очилиш маросимида туман ҳокими Аҳроржон Мансуров, туман халқ таълими бўлими мудири Носиржон Тўхтаназаров, қишлоқ фахрийлари, ота-оналар иштирок этишди.
Туман раҳбари ўз сўзида жорий йилда тумандаги мактабларнинг 11-синфларини 2616 нафар ўқувчилар битириб, уларнинг 1772 нафари олий таълим муассасаларига ўқишни давом эттириш мақсадида ҳужжат топширгани, уларнинг 567 нафари олий таълим муассасаларига талабаликка қабул қилинганига тўхталиб, бу кўрсаткични янада яхшилаш учун тайёргарликни ҳозирдан бошлаш зарурлигига тўхталди.
Тадбирда бу йил илк марта мактаб остонасига қадам қўйган жажжи ўқувчиларга Президент совғалари-ўқув қуроллари жамланган сумкалар топширилди.