Янгиликлар

26.10.2022

#Тайинлов

Икромжон Ғайбуллаевич Парпиев Тўрақўрғон тумани ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари этиб тайинланди. И. Парпиев 1979 йилда Наманган вилояти, Уйчи туманида туғилган, маълумоти олий, 2001 йилда Наманган давлат университетини тарих фани ўқитувчиси мутахассислиги бўйича тамомлаган, ҳозирда мустақил тадқиқотчи сифатида илмий иш олиб бормоқда.

Меҳнат фаолиятини 2001 йилда Наманган муҳандислик-педагогика институтининг академик лицейи ижтимоий фанлар кафедраси мудири сифатида бошлаган. Сўнгра 2002-2004 йилларда Наманган Давлат университети магистранти, тайинловга қадар эса Тўрақўрғон тумани ҳокимлигининг Болалар ҳуқуқларини ҳимоя қилиш шўъбаси мудири сифатида ишлаб келган.

И. Парпиевга янги вазифада куч-ғайрат, саломатлик, ташаббускорлик тилаймиз.

25.10.2022

#sayyor_qabul

Вилоят ҳокимининг Тўрақўрғон туманидаги сайёр қабулида юздан ортиқ мурожаат кўриб чиқилди

Бугун Тўрақўрғон тумани Исвахон МФЙда жойлашган маданият маркази биносида вилоят ҳокими Шавкатжон Абдураззақовнинг навбатдаги сайёр қабули ўтказилди.

- Фуқаролар мурожаатлари ўз вақтида ва ўрнида кўриб чиқилиши, ижобий ҳал этилишига эришамиз. Инсон қадрини улуғлаш ҳар бир давлат хизматчисининг асосий вазифаси ҳисобланади.

Унда туманлардан келган жами юздан ортиқ фуқаро уй-жой, ер ва кредит ажратиш, бандлик, тадбиркорлик, ҳудудларда йўл, сув ва электр таъминотини яхшилаш, тиббий хизматдан фойдаланишга кўмаклашиш масалалари бўйича мурожаат этди.Мурожаатларнинг аксарияти ўз ўрнида ҳал этилди.

24.10.2022

«Янги Ўзбекистонда эл азиз, инсон азиз!» шиори остида ташкилланган маънавият фестивали Тўрақўрғонда ҳам бошланди.

Муқаддас қадамжо ва зиёратгоҳлар ҳар бир ҳудуднинг маънавий бойликлари ҳамдир. Пойтахтдан келган ва айнан тўрақўрғонликлар учун ажойиб учрашувларда иштирок этадиган меҳмонлар Яккатом маҳалласида жойлашган “Хўжакалон Абдулмоний” зиёратгоҳида бўлдилар.

Ўзбекистон Ёзувчилар уюшмаси аъзоси Зилола Хўжаниёзова, филология фанлари номзоди, доцент Тўлқин Тоғаев, таниқли актриса Зарифа Алимқулова, эл суйган санъаткорлар-Ўзбекистонда хизмат кўрсатган артист Нилуфар Саидова, Олим Мирзаев,актёрлар Хуршид Тўхтаев, Дилшодбек Каттабеков, Ҳилола Хўжаева, Камрон Отажонов, Жасур Раҳимовлар зиёратгоҳда амалга оширилаётган ишлар, қадим Ахсикентга оид топилган осори-атиқалар жамланган музей фаолияти билан танишдилар.

22.10.2022

⚡️ Беш босқичли «Беш ташаббус олимпиадаси» доирасида спортнинг шахмат-шашка тури бўйича Тўрақўрғон тумани босқичи ўтказилди.

📌 Мусобақанинг асосий мақсади - маҳалла ёшларида жисмоний тарбия ва спортга қизиқишни ошириш, жамиятга соғлом турмиш тарзи тамойилларини янада кучайтириш, ёш иқтидорли спортчиларни танлаб олиш, уларда профессионал маҳорат ва кўникмаларни ривожлантириш, ёшларни спорт машғулотларига узлуксиз жалб этишдан иборат.

🔥Беш ташаббус олимпиадаси давом этади!

Ўзбекистон ёшлар ишлари агентлиги Тўрақўрғон тумани бўлими

21.10.2022

Янги таҳрирдаги давлат пенсияларини тайинлаш ва тўлаш тартиби тўғрисида низом ҳукумат томонидан тасдиқланди

❗️Ўзбекистон Республикаси Вазирлар Маҳкамасининг “Давлат пенсияларини тайинлаш ва тўлаш тартиби тўғрисидаги низомни тасдиқлаш ҳақида”ги 2022 йил 13 октябрда 592-сон қарори қабул қилинди.

🔰 Янги таҳрирда қабул қилинган низомга асосан пенсия тайинлаш ва тўлашда қуйидаги қулайликлар яратилди:

✅ Шахс пенсия тайинлаш учун Пенсия жамғармасининг расмий электрон почтасига (Адрес электронной почты защищен от спам-ботов. Для просмотра адреса в вашем браузере должен быть включен Javascript.) мурожаат қилиш имконияти яратилди;

✅ Шахснинг аризаси Пенсия жамғармасининг ахборот тизимида рўйхатдан ўтказилиши белгилаб ўтилди;

✅ Шахснинг иш стажи ва ойлик иш ҳақи тўғрисидаги маълумотлар ахборот тизимларида мавжуд бўлган тақдирда шахсдан қўшимча ҳужжатлар талаб қилмасдан ахборот тизимларидаги мавжуд маълумотлар асосида пенсиялар тайинланади ва ҳисоблаб чиқилади;

✅ 2005 йил 1 январдан аввалги даврлар учун иш стажи меҳнат дафтарчасидаги мавжуд ёзувлар ёки электрон меҳнат дафтарчасида тегишли маълумотлар бўлган тақдирда пенсия тайинлаш Комиссияси томонидан текшириш тўғрисида қарор қабул қилмаслик белгиланди;

✅ Пенсия тайинлашни сўраб мурожаат қилган шахс зарур ҳужжатларни тақдим этмаган тақдирда, Пенсия жамғармаси бўлими ушбу ҳужжатларни яъни, архив ёки ташкилотларга сўровномалар юбориш бўйича амалий ёрдам беради;

✅ Аризага барча зарур ҳужжатлар илова қилинмаган ҳолларда Пенсия жамғармаси бўлими қўшимча яна қандай ҳужжатлар тақдим этилиши лозимлигини ариза берувчига 5 кунлик муддатда ёзма равишда ёки ариза берувчининг мобил телефон рақамига “СМС” хабарномани юборган ҳолда маълум қилиш жорий этилмоқда;

✅ Пенсия жамғармаси бўлими шахсга ва/ёки ташкилот маъмуриятига пенсия тайинлаш (қайта ҳисоблаш) масалалари бўйича тушунтиришлар ҳамда маълумотлар бериши шартлиги белгиланди;

✅ Пенсия жамғармаси фуқароларнинг давлат пенсия таъминотига оид маълумот ва ахборотлар оммавий ахборот воситалари орқали ёритиб боради;

✅ Ногиронлиги бўлган болани ўз қарамоғига олган оиланинг аъзоси ушбу ногиронлиги бўлган болага қараб турилган вақтини иш стажи сифатида ҳисобга олиш тартиби белгиланди;

✅ Пенсия тайинлаш (қайта ҳисоблаш) учун зарур бўлган маълумотлар жамғариб бориладиган пенсия тизимидан, Пенсия жамғармасига ўтказилган суғурта бадалларини якка тартибда ҳисобга олишнинг марказлаштирилган электрон реестридан ва фуқаролар иш ҳақининг якка тартибдаги ҳисобини юритишнинг марказлаштирилган электрон реестридан, Ягона миллий меҳнат тизими идоралараро дастурий-аппарат комплекси ва бошқа вазирлик идораларнинг ахборот тизимларидан олинганида Пенсия жамғармаси бўлими пенсия тайинлаш учун мавжуд маълумотларни текшириш тўғрисида қарор қабул қилишига йўл қўйилмайди;

✅ Электрон меҳнат дафтарчаси ҳам иш стажини тасдиқлайдиган асосий ҳужжат сифатида ҳисобга олинади;

✅ Пенсия, нафақа ва бошқа тўловлар тўланиши керак бўлган ойнинг биринчи санаси узоқ муддатли дам олиш ёки байрам кунларига тўғри келганида Молия вазирлигининг қарорига асосан аввалги ой якунига қадар муддатидан аввал пенсия, нафақа ва бошқа тўловларнинг тўлов қайдномаларини шакллантириш хуқуқи берилди;

✅ Пенсионер вафоти муносабати билан олинмай қолган пенсия пули кўрсатиб ўтилган оила аъзоларига вафот этган ой учун тўлиқ миқдорда тўланади;

✅ Пенсионер вафот этган ойда унинг банк пластик картасига кирим қилинган маблағлар Пенсия жамғармасига қайтарилмайди;

✅ Фуқаронинг хоҳишига кўра пенсиялар доимий яшаш ёки вақтинча турган жойи бўйича тайинланади ва тўланади.