Янгиликлар
ВАКЦИНАЦИЯЛАШНИНГ «БУСТЕР ДОЗА»СИ НИМА?
Бугунги кунда «КОВИД-19»га қарши вакцинациялашнинг «бустер дозаси» тўғрисида гап кетмоқда. У нима ва аҳоли қандай қилиб бу билан эмланади?
- Мамлакатимизда «КОВИД-19»га қарши эмлаш ишлари давом этмоқда ва аҳолининг асосий қисми вакцинанинг керакли дозаларини олиб бўлди. Эндиги босқичда 2 ва 3-дозаларни олганларда иммун тизими мустаҳкамлигини таъминлаш мақсадида улар «бустер доза»ни олишлари шарт, деган қарорга келинди, - дейди туман тиббиёт бирлашмаси бошлиғининг даволаш ишлари бўйича ўринбосари Абдусаттор Тўйчибоев.- Шунинг учун жорий йилнинг 15 ноябридан бошлаб республика аҳолисини «бустер доза» билан эмлаш бошланди.
Мутасаддининг билдиришича, туманимиз бўйича 4 декабргача бўлган муддатда 109 минг 604 киши «КОВИД-19»га қарши эмланди. Эндиги босқичда организмда инфекцияга қарши иммунитетни янада мустаҳкамлаш учун эмланганига 6 ой ва ундан ортиқ муддат ўтганлар «бустер доза»ни қабул қиладилар.
Айни пайтда туманда 5 та турдаги вакциналар билан эмлаш ишлари давом этмоқда. «Бустер доза»ни эса вакциналарнинг ҳар қанақа туридан фойдаланган ҳолда олса бўлади. Фуқаро мазкур доза билан икки ёки уч марта эмас, балки бир маротаба эмланади холос. Эмлаш тумандаги профилактика тиббиёт муассасаларида бепул амалга оширилади.
Яна бир бор эслатамиз, «Бустер доза»ни олиш учун аввалги вакцинацияланишдан сўнг 6 ой муддат ўтган бўлиши шарт. Вакцинанинг фақат биринчи дозасини олган фуқаро бу гуруҳга кирмайди.
ЯНА БИР ЯНГИ БИНО ФОЙДАЛАНИШГА ТОПШИРИЛДИ
Тўрақўрғоннинг республикада ўзига хос ўрни бор. Деҳқончилик ва боғдорчиликда бой тажрибага эга туман аҳли кейинги йилларда тадбиркорлик, саноат ва қишлоқ хўжалигида ҳам донг таратмоқда. Наманган марказини пойтахтга йўналтирадиган йўл Тўрақўрғондан ўтганида ҳам ўзига хос рамзий маъно бордек. Маҳаллаларида эса ўрганса арзийдиган тажрибалар бисёр, - дея эътироф этди тумандаги «Истиқлол” маҳалласи учун қурилган бинонинг тақдимот маросимида иштирок этган «Маҳалла» хайрия жамоат фонди Республика бошқаруви раиси Дилшод Усмонов.Туман ҳокими Зулайҳо Маҳкамова меҳмонга миннатдорлик изҳор этар экан, тўрақўрғонликлар бундан буён ҳам ҳар соҳада илғор бўлишга, айниқса, оила мустаҳкамлигини таъминлаш, ҳудудларни ободонлаштириш, уларни «яшил макон»га айлантириш борасида юқори натижага эришиш йўлида астойдил ҳаракат қилишларига ваъда берди. Шундан сўнг МФЙ биноси қурилишида фаоллик кўрсатган «Юсуф қурилиш дизайн» хусусий корхонаси вакилларига совғалар тақдим этилди. МФЙ бошқарувига «Маҳалла» хайрия жамоат фонди томонидан компьютер жамланмалари топширилди. Кейин эса рамзий тасма қирқилиб, бино ичкарисига қадам қўйилди. Маҳаллий бюджетнинг қўшимча маблағлари ҳисобидан 350 миллион сўм сарфланиб қад ростлаган иморат ҳамманинг ҳавасини келтирди. Чунки шинам ва ёруғ хоналар бир-биридан гўзал. Уларда фуқароларни қабул қилиш ва самарали ишлаш учун қулай шароитлар яратилган. Эътиборлиси, замонавий мебель жиҳозлари ҳам фонднинг маблағи ҳисобидан олинган.- Бундай қулай шароитдан, албатта, хурсандмиз ва эътиборга яраша сидқидилдан фаолият кўрсатишга ҳаракат қиламиз, - деди биз билан суҳбатда МФЙ раиси Муқаддас Тўрабоева. Маълумот учун: йилнинг ўтган даври мобайнида тумандаги 5 та МФЙ бошқаруви янги бинога кўчиб кирди, йил охиригача янги иморатлар сони яна 6 тага кўпаяди.
Tugatilgan mehribonlik uyi aniq va tabiiy fanlarga ixtisoslashtirilgan DIMIga aylantirilmoqda
Yangi Namangan tumanidagi 26-sonli Mehribonlik uyining faoliyatini tugatib, uning negizida aniq va tabiiy matematika-fizika fanlarga ixtisoslashtirilgan davlat maktab-internatini tashkil etish bo‘yicha viloyat hokimining qarori imzolandi.
(https://e-qaror.gov.uz/oz/site/filter?DocumentSearch%5Bauthority_id%5D=7550&di=326922)Qarorga ko‘ra, 26-sonli Mehribonlik uyining balansidagi bino va inshootlar, egallab turgan yer maydoni, asosiy vositalari, tovar moddiy boyliklar, mebel va o‘quv-laboratoriya jihozlari, sport inventarlari, o‘quv adabiyotlari yangi tashkil etilayotgan DIMI tasarrufiga bepul o‘tkaziladi.
Mehribonlik uyining balansidagi “Mehrjon” dam olish oromgohini viloyat xalq ta’limi boshqarmasi balansiga qabul qilib olinadi va kelgusida oromgohda viloyatdagi iqtidorli o‘quvchilarni yozgi ta’til davrini o‘tkazish uchun 4 navbatlilik asosida bepul dam olishlarini tashkil etiladi.
ЖАСОРАТ ВА МАҲОРАТ НАМОЙИШИ
Ўзбекистон Республикаси Президентининг 2021 йил 18 майдаги “Паралимпия ҳаракатини ривожлантиришга доир ПҚ-5114-сонли қарори 9-бандига мувофиқ жисмоний имконияти чекланган ва ногиронлиги бўлган шахсларни пара спорт турлари билан кенг қамраб олиш, уларни ижтимоий қўллаб-қувватлаш ҳамда жамиятга интеграция қилиш мақсадида бир йилда бир марта Пара спорт халқаро фестивали ўтказиш ва 3 декабр-“Халқаро ногиронлар куни”га бағишлаб Тўрақўрғон туман туризм ва спорт бўлими томонидан тадбирлар ташкилланди.
2-БЎСМга қарашли “Ёшлик” ўйингоҳида “Спорт ҳамма учун” шиори остида туманда ногиронлиги бўлган ёшлар ўртасида “Пара –футбол” ҳамда 48-сонли мактаб-интернатида ўқувчилар ўртасида спорт фестиваллари бўлиб ўтди.
Футбол, шашка, енгил атлетика, қувноқ стартлар, стол тенниси бўйича беллашувларда иштирокчилар имконияти чекланган бўлишларига қарамай чинакам жасорат ва маҳорат намойиш этишди.Беллашувлар ғолиблари туман туризм ва спорт бўлими томонидан эсталик совғалар топширилди.
САНЪАТ БИЛОҲАНГ ҲАЁАН ҲАМТ
Наманган вилояти маданият бошқармаси тасарруфидаги 9-мусиқа ва санъат мактабида бугунги кунда Тўрақўрғон туманидаги оилаларнинг 243 нафар ўғил-қизлари нафис санъат сирларидан баҳраманд бўлишмоқда. Бу ерда 47 нафар малакали устозлар ўзбек халқ чолғу асбоблари, назарий ва гуруҳли фанлар, фортепиано, зарбли ва дамли чолғулар, анъанавий ва эстрада хонандалик, санъат бўлимларида 11 та йўналишда билим беришяпти. Ўқувчилар вилоят, республика, ҳатто хорижий давлатларда бўлиб ўтаётган танловларда катта натижаларни қўлга киритиб келишмоқда.
Албатта, болалардаги иқтидорни эл олдида намойиш этишнинг самараси юқори. Шу боис бугун “Санъат билан ҳамоҳанг ҳаёт” деб номланган тадбирга вилоят туманларидаги жамики мусиқа ва санъат мактаблари мутасаддилари ва ота-оналар таклиф этилдилар. Унда туман ҳокимининг ўринбосарлари қатнашиб, жумладан, Азамат Абдукаримов ёшлар масаласи давлат сиёсати даражасига кўтарилгани ва бу борада амалга оширилган ишларга тўхталди.
Меҳмонлар ёш санъатсеварларга яратилган шароитлар билан танишдилар, улар ижросидаги куй-қўшиқлар, оҳангларни тинглаб, рақсларни томоша қилдилар. Дастурда ушбу муассаса директори Юлдузхон Ўринбоева ўз ижросидаги қўшиқ билан иштирок этгани янада ҳаяжонли бўлди.
Мутахассислар семинар ишини юқори баҳоладилар, ҳам ҳавас, ҳам намуна олишга арзигани эътироф этилди.