Сўнгги янгиликлар
Янгиликлар
|
|
|
|
O‘ZBEKISTON RESPUBLIKASI NAMANGAN
VILOYATITO‘RAQO‘RG‘ONTUMANI HOKIMINING
|
To‘raqo‘rg‘onsh. To‘raqo‘rg‘onko‘chasi16.
20_____-yil ____ - _______________ ________-son To‘raqo‘rg‘on sh. |
QARORI
Тўрақўрғон туманида мактаб ёшидаги болаларни умумий ўрта таълимга тўлиқ қамраб олиш юзасидан тумандаги умумтаълим муассасаларининг микроҳудудларини белгилаш тўғрисида
“Маҳаллий давлат ҳокимияти тўғрисида”ги Ўзбекистон Республикаси Қонунининг 6, 25-моддалари, “Таълим тўғрисида”ги Қонунининг 27-моддаси, Ўзбекистон Республикаси Вазирлар Маҳкамасининг 2017 йил 15 мартдаги 140-сонли қарори билан тасдиқланган “Умумий ўрта таълим тўғрисида”ги Низомнинг 39-бандига асосан туманда мактаб ёшидаги болаларни умумий ўрта таълимга қамраб олиш жараёнида умумтаълим муассасаларига бириктирилган ҳудудлар (микроҳудуд)ни аниқ белгилаб олиш мақсадида,
Қ А Р О Р Қ И Л А М А Н:
- Тўрақўрғон туманида мактаб ёшидаги болаларни умумий ўрта таълимга тўлиқ қамраб олиш бўйича умумтаълим муассасаларига бириктирилган ҳудудлар (микроҳудуд) рўйхати иловага асосан тасдиқлансин.
- Туман ҳокимлиги (А.Абдукаримов), туман халқ таълими бўлими (Ф.Бозоров), тумандаги умумтаълим муассасалари раҳбарлари зиммасига мактаб ёшидаги болаларни умумий ўрта таълимга тўлиқ қамраб олиш, ўқувчиларнинг дарсларга қатнашиш ҳолати юзасидан мониторинг олиб бориш ва унинг натижасида аниқланган муаммоларни бартараф этиш бўйича зарур чоралар кўриш вазифаси топширилсин.
- Белгилансинки, тумандаги умумтаълим муассасалар раҳбарлари ўзлари раҳбарлик қилаётган муассасага бириктирилган ҳудуддаги мактаб ёшидаги болаларни ўз вақтида умумтаълим муассасасига ўқишга жалб қилиш учун масъул ҳисобланади.
- “Маҳалла” хайрия жамоат фонди туман бўлинмаси (Ж.Болтабоев)га маҳалла фуқаролар йиғини раисларига мактаб ёшидаги болаларни умумтаълим муассасаларига жалб этиш жараёнида туман халқ таълими бўлими ҳамда умумтаълим муассасаларга амалий ёрдам бериш тавсия этилсин.
- Туман ҳокимининг 2019 йил 29 августдаги 1433-сонли қарори ўз кучини йўқотган деб ҳисоблансин.
- Мазкур қарор “Давр” газетасида (З.Кенжаева) расмий эълон қилинсин ва ҳокимликнинг расмий веб-сайтига жойлаштирилсин.
- Мазкур қарор расмий эълон қилинган кундан эътиборан кучга киради.
- Ушбу қарорнинг бажарилишини назорат қилиш туман ҳокими ўринбосари А.Абдукаримов зиммасига юклатилсин.
.
Туман ҳокими З.Маҳкамова
ЛОЙИҲА
ТЎРАҚЎРҒОН ТУМАНИ ҲОКИМИНИНГ ҚАРОРИ
“____” ___________2021 йил №____ Тўрақўрғон тумани
Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларини 2022 йил учун
банд қилиб қўйиш тўғрисида
“Аҳоли бандлиги тўғрисида”ги Ўзбекистон Республикаси Қонунининг 12-моддаси, “Ногиронлиги бўлган шахсларнинг ҳуқуқлари тўғрисида”ги Ўзбекистон Республикаси Қонунининг 14-моддаси, Ўзбекистон Республикаси Вазирлар Маҳкамасининг 2017 йил 5 декабрдаги 965-сон қарори билан тасдиқланган “Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш ва захирага қўйиш тартиби тўғрисида”ги Низом, шунингдек Ўзбекистон Республикаси Бандлик ва меҳнат муносабатлари вазирининг 2019 йил 10 майдаги 19-2019-Б-сон буйруғи билан тасдиқланган “Ўзбекистон Республикаси Бандликка кўмаклашиш давлат жамғармаси маблағлари ҳисобидан субсидия ва грантлар ажратиш тартиби тўғрисида”ги Низомга (рўйхат рақами 3163, 2019 йил 31 май) асосан, ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш мақсадида туманда 2022 йил учун иш ўринларини банд қилиб қўйиш мақсадида
Қ А Р О Р Қ И Л А М А Н
- Тумандаги ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш жойларининг энг кам миқдорини белгилаш бўйича комиссия таркиби 1-иловага мувофиқ;
2022 йилда мазкур тоифадаги шахслар учун иш жойларининг энг кам миқдори белгиланган корхоналар, ташкилотлар ва муассасалар рўйхати 2-иловага мувофиқ тасдиқлансин.
- “Аҳоли бандлиги тўғрисида”ги Ўзбекистон Республикаси Қонунининг 12-моддасига асосан туманда ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахслар (Кейинги ўринларда ижтимоий муҳофазага муҳтож шахслар деб юритилади) учун иш ўринларининг энг кам миқдори (2-илова) ходимларнинг рўйхат бўйича ўртача 51 та иш ўрнини ташкил этадиган 10 фоиз миқдорида, шу жумладан:
- ногиронлиги бўлган шахслар учун 4.2 фоиз (23 та);
- умумий ўрта ва ўрта махсус, касб-ҳунар таълими муассасаларини тамомлаган ёшлар, шунингдек, олий таълим муассасаларининг давлат грантлари бўйича таълим олган битирувчилари 1,8 фоиз (10 та);
- ўн тўрт ёшгача ва ногирон болалари бўлган ёлғиз ота, ёлғиз оналар ва кўп болали оилалар учун 0,7 фоиз (4 та);
- пенсияолди ёшидаги шахслар учун 0,7 фоиз (4 та);
-сафарбарлик чақируви захирасида хизматни ўтаган ва Ўзбекистон Республикаси Қуролли Кучлари сафларидан муддатли ҳарбий хизматдан бўшатилган шахслар учун 0,4 фоиз (2 та);
- жазони ижро этиш муассасаларидан озод қилинган ёки суднинг қарорига кўра тиббий тусдаги мажбурлов чоралари қўлланилишидан озод қилинган шахслар учун 1,3 фоиз (7 та);
- ижтимоий муҳофазага муҳтож шахсларнинг бошқа тоифалари, шу жумладан одам савдоси қурбонлари учун 0,1 фоиз (1 та) миқдорида иш ўринлари захираси белгилансин.
- Ижтимоий муҳофазага муҳтож шахслар учун иш ўринлари санитария-гигиена меъёрларига ва ходим ўз меҳнат мажбуриятларини тўсиқсиз бажаришини таъминлайдиган меҳнат қилиш шароитларига, шу жумладан, қуйидагиларга мувофиқ бўлиши керак:
- ўн тўрт ёшгача ва ногирон болалари бўлган ёлғиз ота, ёлғиз оналар ва кўп болали оилалар учун — болаларни тарбиялаш ва меҳнат мажбуриятлари бўйича мажбуриятлар бажарилишини бирга қўшиб олиб бориш имконини берувчи ишнинг мослашувчан жадвалига эга бўлган иш ўринлари;
- умумий ўрта ва ўрта махсус, касб-ҳунар таълими муассасаларини тамомлагандан кейин касбни эгаллаган ёшлар, шунингдек, олий таълим муассасаларининг давлат грантлари бўйича таълим олган битирувчилари учун — уларнинг касбий тайёргарлигига мувофиқ бўлган иш ўринлари;
- сафарбарлик чақириқ захирасида хизматни ўтаган ва Ўзбекистон Республикаси Қуролли Кучлари сафларидан муддатли ҳарбий хизматдан бўшатилган шахслар учун — уларнинг профессионал тайёргарлигига мос бўлган иш ўринлари;
ногиронлар учун — меҳнат шароитлари бўйича аттестациядан ўтказилган ва ходимга уларнинг соғлиги ҳолатини ва меҳнат фаолиятига тўғри келмайдиган белгиланган зидликлар ҳисобга олинган ҳолда меҳнат операцияларини тўсиқсиз бажариш имконини берадиган иш ўринлари;
пенсияолди ёшидаги шахслар учун — уларнинг касбий тайёргарлигига мос бўлган ёки махсус малакани талаб этмайдиган иш ўринлари;
жазони ижро этиш муассасаларидан ёки суднинг қарорига кўра тиббий тусдаги мажбурлов чоралари қўлланилган шахслар учун — уларнинг касбий тайёргарлигини ҳисобга олган ҳолда ёки махсус малакани талаб этмайдиган иш ўринлари;
одам савдоси қурбонлари учун — уларнинг касбий тайёргарлигини ҳисобга олган ҳолда ёки махсус малакани талаб этмайдиган иш ўринлари характерли талабларга мувофиқ бўлган меҳнат шароитларини таъминлайдиган иш ўринлари деб ҳисобланади.
- Қуйидаги иш ўринлари банд қилиб қўйиладиган касблар ва лавозимлар этиб белгилансин:
муҳандис, иқтисодчи, ҳисобчи, ҳуқуқшунос, зоотехник, агроном, шифокор, ҳамшира, кичик тиббий ходим, иш юритувчи, ўқитувчи, тарозибон, электрик, фаррош, ўт ёқувчи, ободонлаштириш ишчиси, омборчи, ЭҲМ оператори, юкчи, ишчи, боғбон, қоровул, ўқитувчи.
- Тумандаги мавжуд корхона, ташкилот ва муассасаларнинг раҳбарлари:
-Ўзбекистон Республикаси Вазирлар Маҳкамасининг 2017 йил 5 декабрдаги 965-сон қарори билан тасдиқланган “Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш ва захирага қўйиш тартиби тўғрисида”ги Низомга мувофиқ ушбу қарорнинг 2-иловасида кўрсатилган иш ўринлари ташкил этилишини таъминласин;
-2022 йил бошланишидан камида 10 кун олдин, захирага қўйиладиган умумий иш ўринлари сонининг камида 25 (йигирма беш) фоизи ижтимоий муҳофазага муҳтож шахсларни ишга жойлаштириш учун захирага қўйилишини ва тайёрлигини таъминласин, шунингдек, бу ҳақда йил бошлангунга қадар туман Аҳоли бандлигига кўмаклашиш марказини хабардор қилсин;
- ижтимоий муҳофазага муҳтож шахслар учун иш ўринларининг қолган қисмини захирага қўйиш ташкилот (иш берувчи) томонидан 2021 йилнинг биринчи чораги мобайнида таъминласин, бу ҳақда туман Аҳоли бандлигига кўмаклашиш марказига биринчи чорак тамом бўлгандан кейин 10 кундан кечикмай хабардор қилсин;
- ҳар ойда ҳисобот ойидан кейинги ойнинг 5-кунигача туман Аҳоли бандлигига кўмаклашиш марказига “Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш ва захирага қўйиш тартиби тўғрисида”ги Низомнинг 5-иловасига мувофиқ шакл бўйича ахборот тақдим этсин;
- ижтимоий муҳофазага муҳтож шахсларни ишга жойлаштириш учун иш ўринлари тайёрлиги тўғрисида ахборот тақдим этилмаслиги, тенг даражада захирага қўйиладиган иш ўринларининг белгиланган сони ҳисобига ишга жойлаштириш учун иш ўринларининг амалда тайёр эмаслиги туман Аҳоли бандлигига кўмаклашиш маркази томонидан туман ҳокимининг қарори бажарилмаслиги сифатида қаралиши лозимлиги қайд этилсин.
- Туман ҳокимининг ижтимоий муҳофазага муҳтож шахслар учун иш ўринларининг энг кам сонини белгилаш бўйича ушбу қарори бажарилмаганда, шунингдек, бундай шахсларни ишга қабул қилиш асоссиз равишда рад этилганлиги учун ташкилот, корхона ва муассасаларнинг мансабдор шахсларига нисбатан Ўзбекистон Республикасининг амалдаги қонун ҳужжатларига асосан маъмурий жавобгарлик белгиланганлиги алоҳида қайд этилсин.
- Туман аҳоли бандлигига кўмаклашиш маркази “Ўзбекистон Республикаси Бандликка кўмаклашиш давлат жамғармаси маблағлари ҳисобидан субсидия ва грантлар ажратиш тартиби тўғрисида”ги Низомга (рўйхат рақами 3163, 2019 йил 31 май) асосан субсидиялар ажратиб бериш тартиби амалиётга жорий этилганлигини ҳисобга олиб, ижтимоий эҳтиёжманд аҳоли қатламларига мансуб шахсларни квоталанган энг кам сондан ортиқ миқдорда ишга қабул қилган ташкилотларга – ҳар бир ходим учун 12 ой давомида ҳар ойда базавий ҳисоблаш миқдорининг 2 баравари миқдорида ҳақ тўлашни таъминлансин.
- Туман Аҳоли бандлигига кўмаклашиш маркази (Қ.Ахмаджонов) мазкур қарорни беш кун муддатда қарорнинг 2-иловасида кўрсатилган ташкилот, корхона ва муассасаларнинг раҳбарлари эътиборига етказилишини таъминласин.
- Мазкур қарор “Давр” газетасида расман эълон қилинсин ва туман ҳокимлигининг расмий веб сайтига жойлаштирилсин.
- Ушбу қарор расман эълон қилинган кундан бошлаб кучга киради.
- Мазкур қарор ижросини назорат қилиш туман ҳокимининг биринчи ўринбосари Э.Турғунов зиммасига юклатилсин.
Туман ҳокими З.Б.Маҳкамова
Киритилди:
Туман Аҳоли бандлигига
кўмаклашиш маркази директори Қ.Ахмаджонов
Келишилди:
Келишилди:
Туман хокимининг
биринчи ўринбосари Э.Турғунов
Туман хокимининг
ўринбосари А.Абдукаримов
Туман хокимлиги
Умумий бўлим мудири Б.Худойқулов
Савдо-саноат палатаси ҳудудий
бош бошқарма қошидаги
тадбиркорликка кўмаклашиш
маркази туман бўлинмаси раҳбари Э.Искандаров
Доимий аҳолиси сони энг кўп бўлган ТОП 10 ҳудудлар
Давлат статистика қўмитаси маълумотларига кўра, 2021 йилнинг 1 октябрь ҳолатига республикамиз туман ва шаҳарлари орасида доимий аҳолиси сони энг кўп бўлган ҳудудлар:
🔹 Наманган шаҳри – 657 минг киши
🔹 Самарқанд шаҳри – 559,4 минг киши
🔹 Ургут тумани – 528,9 минг киши
🔹 Андижон шаҳри – 456,4 минг киши
🔹 Чироқчи тумани – 428,8 минг киши
🔹 Денов тумани – 397,3 минг киши
🔹 Олмазор тумани – 383,1 минг киши
🔹 Пасдарғом тумани – 365,3 минг киши
🔹 Юнусобод тумани – 356,9 минг киши
🔹 Шайхонтоҳур тумани – 352,8 минг киши
Тўрақўрғон туман ҳокимлигининг Ахборот хизмати расмий канали👇Telegram: https://t.me/turakurganaxborotxizmati
Ўзбекистон Республикасида Аҳолини рўйхатга олишнинг асосий вазифалари
Аҳолини рўйхатга олишнинг асосий вазифалари куйидагилардан иборат:
-аҳолининг соғлиғини мустаҳкамлаш, хотин-қизлар ва болалар яшаш шарт-шароитларини яхшилаш, оилаларга ёрдам кўрсатиш бўйича чораларни ишлаб чиқиш мақсадида аҳоли таркибидаги, мамлакатнинг демографик вазиятдаги ўзгаришларни баҳолашга доир маълумотлар базасини кенгайтириш;
-шаҳарларни ва бошка аҳоли пунктларини ижтимоий-иқтисодий ривожлантиришнинг, меҳнат ресурсларини жойлаштириш ҳамда улардан фойдаланишнинг узоқ, ўрта ва қисқа муддатли прогнозлари ҳамда дастурларини тайёрлаш;
-аҳолини рўйхатга олишлар оралиғидаги даврда аҳоли сони ва таркибининг жорий ҳисобини, ҳисоб-китобларини ҳамда прогнозларини амалга ошириш;
-ижтимоий-иқтисодий ривожлантириш масалалари бўйича илмий тадқиқотларни ўтказиш.
ТЎРАҚЎРҒОНДА «ХАЛҚАРО ҚИЗЛАР КУНИ» БАЙРАМГА АЙЛАНИБ КЕТДИ
“Халқаро қизлар куни”га 2011 йил, 11 октябрда Бирлашган Миллатлар Ташкилотининг Бош ассамблясида асос солинган. БМТ ўсмир қизларнинг камситилишини тугатиш, уларнинг ҳуқуқ ва ваколатларини кенгайтиришни рағбатлантириш учун ҳукуматлар, фуқаролик жамиятлари, давлат ва хусусий ташкилотларни бирдамликка чақириб келмоқда. Қисқача айтганда, 11 йилдирки, бутун жаҳон бўйича қизларнинг камситилиши, уларнинг ижтимоий муаммоларига (мажбурий никоҳ, таълим ва соғлиқни сақлаш хизматларидан фойдаланишларини таъминлаш кабилар) эътибор қаратиш 11 октябрни нишонлашга бош мақсад бўлиб келаяпти. Мустақил Ўзбекистонимизда эса қонун устуворлиги, инсон азизлиги туфайли қизларимиз давлатимиз ғамхўрлиги остида яйраб яшашяпти, таълим олишяпти, севган машғулотлари билан шуғулланишяпти, қисқача айтганда, ўз ҳуқуқ ва эркинликларидан фойдаланишяпти. Ана шунинг учун ҳам юртимизда 11 октябрь қизлар учун муҳим саналар қаторидан ўрин олган. Бугун туманимиздаги қизлар учун яна бир байрамга айланиб кетди. Маҳалла ва оилани қўллаб-қувватлаш туман бўлими хотин-қизлар бўлинмаси ташаббуси билан туман халқ таълими бўлими, республика маънавият-маърифат маркази туман бўлинмаси, туман Ёшлар иттифоқи, туман маданият бўлими, Болалар-ўсмирлар спорт мактаби ҳамкорликда қизларнинг истеъдод-у маҳоратларини намойиш этишга имконият берувчи тадбирлар ташкиллади. Ўтказилган кўрик-танловлар ва намойиш этилган кўргазмаларда уларнинг ҳар соҳада илғор эканликлари акс этди. Тўрақўрғон маданият саройида бошланган байрамда мусиқага, санъатга, адабиётга, спортга ва бошқа соҳаларга меҳри баланд қизлар ўз чиқишлари билан фаол қатнашдилар. Даврага туман маданият бўлими санъаткорлари ижросидаги куй-қўшиқлар кўтаринки руҳ бағишлади. Миллий либослар кўргазмаси ҳам намойиш этилган тантана якунида энг намунали, энг ҳунарманд, энг китобхон, энг раққоса, энг ижодкор, энг хушовоз, энг билимдон, зўр спортчи, моҳир мўйқалам устаси, тарихда қолган аёллар тимсолини яратган қизлар ҳамда уларнинг устозлари туман ҳокимлигининг Ташаккурномалари билан тақдирландилар. - Бир неча йилдирки, мазкур кун муносабати билан ташкилланаётган кўрик-танловлар, беллашувлар, кўргазмалар қизларимизга ўз иқтидорларини намойиш этиш баробарида келажаги сари тўғри йўл танлаш имкониятини бермоқда, - дейди туман ҳокимининг маслаҳатчиси Шоҳиста Қамбарова. - Бугунги “Қизлар куни” тадбирлари Манзура Абдуллаевадек Зулфия номидаги Давлат мукофоти совриндорлари, Дилобар Маҳмудовадек 5 та тилни биладиган билимдонлар, Гуласал Султоналиева, Дилдора Исроилжонова, Шириной Йўлдошевадек жаҳон чемпионлари, Анора Мўйдинова, Мухлиса Абдумаликовадек мусиқа ва санъат йўналишида халқаро танловлар совриндорлари қаторини янада кенгайтириши аниқ!
"Энг чекка қишлоқлардаги ички кўчалар ҳам асфальт қилинади!"
Наманган вилояти ҳокими Шавкатжон Абдуразаков соҳа мутасаддилари билан ўтказган режалаштириш муҳокама тақдимотида шундай деди.
- Марказдаги йирик кўчаларимиз янгитдан қурилди. Навбат энг чекка қишлоқларимиздаги ички кўчаларга! Лойиҳа ҳужжатлари пухта бўлиши, қуриладиган кўчаларимиз кўп йиллар хизмат қилиши шарт!
Шунингдек, яқин келажакда амалга оширилиши режалаштирилган йирик қурилиш ишлари ҳам тақдимот қилинди.
