Сўнгги янгиликлар
Янгиликлар
“ОБОД ҚИШЛОҚ”ҚА ТУШИБ, ОБОД БЎЛГАН МАКТАБ КЎЧАТЛАР БИЛАН ЙЎҚЛАНДИ
Туман халқ таълими бўлимига қарашли 58 та умумтаълим мактаблари жамоалари ҳам кўчат экиш бўйича эълон қилинган зарбдор 40 кунликда фаол иштирок этишяпти. 2587 туп мевали кўчат, 3560 туп терак, минг тупдан ортиқ турли манзарали дарахтлар, 6500 туп терак қаламчаси ва бошқа турдаги кўчатлар экиш ҳисоб-китоб қилинган.
“Обод қишлоқ” дастурига тушган ва салкам 3 миллиард сўм маблағ эвазига бутунлай янгича қиёфа акс этган 22-умумтаълим мактабига 1-сектор ҳудудидаги мактаб директорлари туман халқ таълими бўлими мудири Файзулло Бозоров раҳбарлигида кўчатлар олиб муборакбод этгани келишди. Каттагина майдонга кўплаб мевали дарахтлар, қаламчалар экилди.
-Буларни асраб-авайлаб ўстирамиз, ҳамкасбларимизнинг совғалари билан яшил майдонимиз кенгайди,-деди мактаб директори Дилоромхон Тожибоева.
ТЎРАҚЎРҒОН ЯШИЛ МАЙДОНГА АЙЛАНАДИ
Республикамизнинг барча худудларида бўлгани каби туманимизда ҳам бугуннинг долзарб юмушларидан бири манзарали ва мевали кўчатлар экишга айланди. Ҳам экологик мусаффолик, ҳам витаминларга бой мева-сабзавот етиштиришни кўпайтириш мақсадидаги ушбу ташаббус кенг қўллаб-қувватланаётганлиги билан аҳамиятлидир.
Туманда 2021 йил кузи ва 2022 йилнинг баҳор мавсумларида 1 миллион 674 минг 477 туп манзарали, мевали ҳамда бутали кўчатлар ва қаламчалар экиш режалаштирилган. Шу билан бирга яшил худуд ташкил этиш учун Кумидон маҳалласида икки нафар тадбиркор ўз ҳисобидан жами 50 гектар майдонда 175 минг тупдан зиёд кўчатлар экиб, кичик ўрмонзор барпо қилиш ҳаракатида.
Бу жараёнларда туман раҳбарлари ҳам фаол иштирок этишмоқда. Бугун туман ҳокими Зулайҳо Маҳкамова, прокурор Элёрбек Талабоевлар Тўрақўрғон-Наманган йўлига кўчат экишда қатнашишди.
Ихтисослаштирилган ва умумий ўрта таълим мактабларининг энг юқори 10 талиги эълон қилинди
Жорий йилнинг 3 ноябрь куни Таълим сифатини назорат қилиш давлат инспекциясида умумтаълим муассасалари рейтингини эълон қилишга бағишланган матбуот анжумани ташкил этилди.
Унда республикамиздаги энг юқори натижа кўрсатган ихтисослаштирилган ва умумий ўрта таълим мактаблари номи маълум қилинди.
Хусусан, рейтинг натижаларига кўра, ихтисослаштирилган мактаблар бўйича юқори ўнталикдан Қоракўл халқаро математика мактаби, Мингбулоқ туманидаги 13-сонли, Тўрақўрғон туманидаги 4- ва 17-сонли, Шаҳрихон туманидаги 4-сонли, Марҳамат туманидаги 3-сонли, Китоб туманидаги 1-сонли, Вобкент туманидаги 6-сонли, Пахтаобод туманидаги 21-сонли ҳамда Асака тумани 42-сонли ихтисослаштирилган мактаблар ўрин олишди.
ТЎРАҚЎРҒОНДА “ЯШИЛ МАЙДОН” УМУММИЛЛИЙ ҲАРАКАТИ ДОИРАСИДА КЎЧАТ ЭКИШ АКЦИЯСИ ҚИЗҒИН ТУСГА КИРДИ
Маълумки, муҳтарам Президентимиз раҳбарликларида ўтказилган селектр йиғилишида мамлакатимизнинг ҳар бир гўшаси яшил майдонга айланиши учун кўплаб манзаралари ва мевали кўчатлар экиш акцияси эълон қилинганди.
Ушбу лойиҳа доирасида Тўрақўрғонда режа асосида ҳаракат бошлаб юборилди. Томорқалар, кўча бўйлари, дала майдонларининг четларига турли дарахтлар экиляпти.
Катта Қўрғонча маҳалласида шу мавзуда ташкилланган семинарга кўпни кўрган отахонлар, учта боғбонлар, кўчатчилик мутахассислари таклиф этилдилар. “Тўрақўрғон агрофирма”сига қарашли “Бахтли шарқ юлдузи” фермер хўжалиги масъули Абдуллажон Боймирзаев, тажрибали боғбон Абдумалик Пўлатовлар қайси дарахтни қачон ва қай тартибда экиш, парвариши, иқлимга мослаштириш каби тавсияларни беришди.
Семинарда туман ҳокимининг биринчи ўринбосари Элёрбек Турғунов иштирок этди ва туманда, айниқса, узумчиликни ривожлантириш учун ҳамма имкониятлар борлиги, хусусан, ишкомлар ўрнатишда арзон ва чидамли материаллардан фойдаланиш, даромад олиш бошлангандан сўнг бошқа чораларни кўриш имкониятлари яратилиши ҳақида сўзлади.
Табаррук отахонлар юртимизга тўкинлик тилаб дуолар қилишди ва бир нечта кўчатларни ўзлари экиб беришди.
#Иқтисодий_тараққиёт
Наманган вилоятида 9 ой давомида қишлоқ хўжалиги соҳасида амалга оширилган ишлар.
Батафсил: nameconomy.uz
Иқтисодий тараққиёт бош бошқармаси