Сўнгги янгиликлар
Янгиликлар
ТЎРАҚЎРҒОНДА ҲОКИМ ТАШАББУСИ БИЛАН “СПОРТ ҲАФТАЛИГИ” ЎТКАЗИЛМОҚДА
Спорт нафақат машҳурлик омили, балки инсон саломатлиги учун бебаҳо манбадир.
Туман ҳокими Зулайҳо Маҳкамованинг ташаббуси билан Тўрақўрғонда спорт ҳафталигига старт берилди.
2-сонли Болалар-ўсмирлар спорт мактабида ҳафталик доирасида ташкилланган дастлабки тадбирда кўплаб спорт ихлосмандлари ҳозир бўлдилар. Туман ҳокимининг ўринбосари Азамат Абдукаримов олти кун давом этадиган мусобақалар, учрашувлар ва бошқа режалар ҳақида гапириб, барчани фаолликка чорлади.
Дастлаб раҳбар аёллар ўртасида стол тенниси беллашуви бошланди.
Ҳафталикда аёллар ўртасида баскетбол, стол тенниси, эркаклар ўртасида жамоавий футбол ўйинлари, шунингдек, шахмат-шашка, веломарафон, 5000 қадам юриш ташкилланади. Тадбирларда уюшмаган ёшлар иштирокига алоҳида аҳамият қаратилади.
Ғолиблар ва нуфузли мусобақаларда катта ютуқларни қўлга киритган спортчиларимизни муносиб тақдирлаш ҳам тадбирлар режасидан ўрин олган.
СПОРТ ҲАФТАЛИГИДА ФАОЛ ИШТИРОК ЭТИНГ ВА ТУМАН ҲОКИМИНИНГ СОВРИНИГА САЗОВОР БЎЛИНГ!
ОҚТОШ СОЧИҚЛАРИ ЭНДИ ЕВРОПАГА ЖЎНАТИЛАДИ
Бир пайтлар донг таратган ва турли сабабларга кўра инқирозга юз тутган Оқтошдаги қурилиш ва саноат корхоналари ўрнида янгидан-янги тадбиркорлик субъектлари фаолияти йўлга қўйилмоқда. Давлат томонидан кўрсатилаётган эътибор ва қулай муҳит туфайли қисқа муддатда салмоқли натижаларга эришилмоқда. Бундан 3 йиллар аввал иш бошлаган «Оқтош текстил» МЧЖда 100 киши меҳнат қиларди, ҳозир эса 500 га яқин одамнинг рўзғорига барака айни шу корхона орқасидан киряпти. Мазкур меҳнат жамоасида 20 хил ўлчамдаги, 10 турдаги сочиқлар тикилади. Муҳими, уларнинг барчаси экспортга йўналтирилган. Ҳозиргача асосий харидорлар ҳисобланган Россия, Украина, Қозоғистон сингари мамлакатлар қаторига энди Европа давлатлари ҳам қўшиладиган бўлди. Чунки корхона халқаро андозаларга жавоб берадиган ISO сертификатини қўлга киритди. - Аслида замонавий технологияга асосланган жиҳозлариз ёрдамида ишлаб чиқараётган маҳсулотларимиз сифат жиҳатидан ниҳоятда юқори, аммо махсус сертификатсиз жаҳон бозорига чиқиш имкониятимиз чекланган эди, - дейди ишлаб чиқариш бўлими бошлиғи Музаффар Абдураҳмонов. - ISOга эга бўлгач, имконият кўламимиз кенгайди. Эндиликда дунёнинг манаман деган давлатлари билан ўзаро алоқага киришишимиз мумкин. Ҳар ойда 250 тонна маҳсулот ишлаб чиқариб, 1 миллион АҚШ доллари қийматидаги товарни экспортга жўнатишга қодир бўлган корхонада иш шароитлари йирик шаҳарлардаги меҳнат жамоларидагидек: цехлар кенг ва ёруғ, озода ва шинам. Юқори унумли жиҳоз ҳамда ускуналарда ишлаш ниҳоятда қулай. Бир-биридан мазали таомлар тайёрланадиган 2 та ошхона эса тун-у кун меҳнаткашлар хизматида. “Тун-у кун” дейишимизнинг боиси бор: мазкур меҳнат масканида ишлар айланма – кечки ва кундузги қилиб ташкил этилган. Ишловчиларнинг саломатликлари ҳамшира томонидан алоҳида назоратга олинган. Айни пайтда қулай шароит ва мунтазам бериладиган ойлик маошлар орқали довруғи туфайли «Оқтош текстил»да ишлаш истагини билдирган ёшлар сони ортмоқда. - Кейинги йилларда ўнлаб йигит-қизларни ишга олдик, аммо ҳозирда яна 200 нафар ишга эҳтиёжмандларни ўз сафимизга қабул қилиш имкониятимиз бор, - дейди тикув цехи бошлиғи Билолхон Ҳабибуллаев.
Hurmatli Oʻzbekiston Respublikasi fuqarolari! Sizlarga maʼlumki, Oʻzbekiston Respublikasi Vazirlar Mahkamasining 2020- yil 11- noyabrdagi “Oʻzbekiston Respublikasida 2023- yilda aholini roʻyxatga olishga tayyorgarlik koʻrish va uni oʻtkazish chora-tadbirlari toʻgʻrisida”gi 710-son qaroriga muvofiq, aholini sinov tariqasida roʻyxatga olish 2021- yil 1–25- noyabr kunlari Andijon viloyatining Xoʻjaobod tumani, Toshkent viloyatining Yuqori Chirchiq tumani, Xorazm viloyatining Xiva shahri hamda Toshkent shahrining Yashnobod tumanida amalga oshiriladi.Aholini sinov tariqasida roʻyxatga olish ikki xil usulda, yaʼni 1-5-noyabr kunlari Internet tarmogʻi orqali va 11-22-noyabr kunlari qogʻoz shaklida roʻyxatga oluvchi xodimlar tomonidan uyma-uy yurgan holda amalga oshiriladi.Internet tarmogʻi orqali aholini roʻyxatga olish uchun maxsus axborot tizimi ishlab chiqilgan. Mazkur axborot tizimida sinov oʻtkazilishi belgilangan hududlar aholisi uchungina emas, balki, respublikamizning barcha hududlarida yashovchi va boshqa davlatlarda vaqtincha boʻlib turgan fuqarolar uchun ham tizimga kirib, roʻyxatdan oʻtish imkoniyati yaratilgan.Sinov tariqasida Internet tarmogʻi orqali aholini roʻyxatga olish natijasida ushbu axborot tizimining ishlash jarayonida yuzaga kelishi mumkin boʻlgan muammo va kamchiliklar aniqlanib, ularni bartaraf etish choralari koʻriladi hamda 2023- yilda respublikamizning barcha hududlarida oʻtkaziladigan aholini roʻyxatga olish davriga qadar foydalanuvchilar uchun yanada qulay holga keltiriladi.Hurmatli fuqarolar!Shu munosabat bilan, Sizlardan 1–5-noyabr kunlari ushbu axborot tizimiga (census.stat.uz) kirgan holda roʻyxatga olish jarayonlarida faol ishtirok etishingizni soʻraymiz!Unutmang, Sizning ishtirokingiz mamlakatimizning kelgusidagi ijtimoiy-iqtisodiy taraqqiyotini belgilashda muhim ahamiyat kasb etadi!
ТЎРАҚЎРҒОНДА ОТ СПОРТИ БАЙРАМИ
Тўрақўрғонлик моҳир чавандоз Алимардон Бозоров нафақат вилоятимиз, балки қўшни республикаларда ҳам ном қозонган. У замон билан ҳамқадам бўлиб, ўзи раҳбарлигидаги "Денгиз тулпори" МЧЖ қошида от спорти майдони ташкил этди. Бугун ушбу майдоннинг очилиш маросими туманда катта спорт байрамига айланиб кетди. Улоқ-кўпкари мусобақасида қатнашиш учун Қирғизистон, Қозоғистон республикалари, Фарғонанинг Қўқон, Марғилон шаҳарлари, Чуст, Наманган, Уйчи туманларидан жами 500 нафардан зиёд чавандозлар ҳозир бўлишди.
Тадбирда вилоят ҳокими Шавкатжон Абдураззоқов иштирок этиб, ўзида миллий халқ ўйинларини мужассам этган от спорти мамлакатимизда тобора ривож топаётгани, мазкур иншоот давлатимиз раҳбарининг август ойидаги икки Қарори ижроси вилоятимизда ҳам таъминланаётганига мисол эканлигини таъкидлаб ўтди. Вилоят раҳбари тўрт карра Жаҳон чемпиони Рустамжон Умаров ва ММА жангчиси Азамат Нуфтуллаевларга той совғаларини топширди.
Спорт байрами “Кўк бўри”, от устида кураш ўйинлари билан бошланиб, “улоқ”қа навбат берилди. Унда вилоят ҳокимининг махсус совринлари, ҳомий ва ташкилотчиларнинг қимматбаҳо совғалари ғолибларга тортиқ этилди.
Қарийб 6,5 гектар ер майдонидан иборат бўлган ушбу спорт майдони 2000 отлиқни ўз ичига олиш қувватига эга. Келгусида туризм салоҳиятини ошириш учун жамият қошида меҳмонхона, от спорти мактаби, дам олиш сиҳатгоҳи, даволаниш клиникасини ҳам барпо этиш йўлга қўйилиши режалаштирилган.
Байрам тадбирида Тўрақўрғон тумани ҳокими Зулайҳо Маҳкамова, Миллий гвардия вилоят бошқармаси бошлиғи Собитхон Мирзаев иштирок этишди.
❗️2023/2024 ўқув йилидан ТДЮУга ўқишга киришда ҳуқуқий фанлардан тест топшириш амалиёти жорий этилади
(https://t.me/huquqiyaxborot/10627)➡️ Бугунги кунда Тошкент давлат юридик университетига ўқишга киришда абитуриентлар 2 та бўлимдан иборат 5 та фан мажмуасидан тест синовлари топширади. Булар:
➖ 1-бўлимда барча йўналишлар учун мажбурий 3 та фан – Она тили (ўзбек, рус ёки қорақалпоқ тили), Математика ва Ўзбекистон тарихи;➖ 2-бўлимда “юриспруденция” таълим йўналиши бўйича 2 та фан – Тарих ва Чет тили фанлари.
✅ ТДЮУга ўқишга киришда 2023/2024 ўқув йилидан бошлаб тест синовларининг 2-блоки, яъни “юриспруденция” бакалавриат таълим йўналишига мос фанлар бўйича тарих фани ўрнига ҳуқуқий фанларни киритиш масаласи университет Кенгашида кўриб чиқилди ва маъқулланди.
☑️ Мазкур таклифнинг жорий этилиши бир қатор ижобий натижаларга хизмат қилади, хусусан:
● мактаб ёшиданоқ болаларни ҳуқуқий фанларни чуқур ўзлаштиришга, Конституция ва қонунларни пухта ўрганишга;● мактабларда сифатли, халқаро стандартларга мос юридик дарсликларнинг яратилишига;● ҳуқуқшунослик фанларидан таълим берувчи ўқитувчиларга нисбатан қўйиладиган талаблар ошиши натижасида уларнинг малакасини доимий ошириб бориши учун мустаҳкам замин яратилади;● ТДЮУга дастлабки ҳуқуқий билимларга эга ёш авлод вакиллари кириб келишига эришилади.
Маълумот учун: бугунги кунда умумий ўрта таълим мактабларида 4 йил давомида юқори синфларда Давлат ва ҳуқуқ асослари ҳамда Конституциявий ҳуқуқ асослари фанлари ўқитиб келинмоқда. Тест саволлари ушбу дарсликлар асосида тузилади.