Сўнгги янгиликлар
Янгиликлар
⚡️Ҳурматли Тўрақўрғон тумани фуқаролари!
Сиз яшаётган худуд ёки маҳаллада айнан сизни қийнаб келаётган, ечими маблағ билан боғлиқ муаммолар мавжудми?
✅Сиз ушбу муаммоларни ҳал этилишида туман бюджети маблағларини сизнинг ташаббусингиз билан йўналтирилишидан хабардормисиз?
📌Сизнинг эътиборингизга ташаббусли бюджетлаштириш жараёни навбатдаги босқичи жорий йилнинг 1 февралидан бошланганлигини маълум қиламиз. Мазкур жараёнда фаол иштирок этинг ҳамда ташаббус кўрсатинг!
🖋Бунинг учун https://openbudget.uz/ сайтида рўйхатдан ўтиб, ташаббусли бюджет жараёнида иштирок этишингиз лозим.
Маълумот учун:☎️69-442-35-55📲94-302-14-54
Тўрақўрғон тумани ҳокимлиги молия бўлими.
Аёл бахтиёр яшаса, оила мустаҳкам бўлади, жамият эса шундай оилалар билан ривож топади
Аёлни эъзозлаш, унга эҳтиром кўрсатиш ўзбек халқига хос олижаноб хусусиятлардан биридир. Шу маънода Ўзбекистонда хотин-қизларнинг жамиятдаги ўрни ва мавқеини мустаҳкамлаш борасида давлат аҳамиятига молик тарихий ишлар амалга оширилмоқда. Зеро, жамиятда сиёсий, ижтимоий-маънавий муҳит барқарорлиги ва тараққиёти аёлларга, ёшларга, оилага бўлган муносабат ва эътибор билан боғлиқ.
Вилоят хотин-қизлар тадбиркорлик маркази 2019 йилдан бери фаолият олиб боради ва ҳозиргача касб-ҳунар эгаллаш истагидаги 11 мингдан зиёд аёллар ўқитилди. Уларнинг аксарияти сертификатлар асосида имтиёзли кредитлар олиб, ўз бизнесларини йўлга қўйишган.
Тўрақўрғон туманида марказ томонидан айни кунларда “Аёллар дафтари”нинг 3-босқичига рўйхатга олиниши режалаштирилган 205 нафар хотин-қизлар иссиқхона фаолияти, тикувчилик, қандолатчилик, тадбиркорлик бўйича ўқитилмоқда.
Вилоят ҳокимининг хотин-қизлар масалалари бўйича маслаҳатчиси Ирода Қўчқорова касб-ҳунарга интилаётган тўрақўрғонлик аёллар билан суҳбатда бўлиб, бугунги тараққиёт даврида бу зотнинг жамиятдаги ўрни янада мустаҳкамланиб бораётгани, улар оиланинг мустаҳкам ва фаровонлиги учун ҳаракатда эканликлари ҳақида гапирди. Иштирокчиларга янги мотивациялар берди.
Тадбир қатнашчилари марказ раҳбари Наргиза Ибрагимова етакчилигида таҳсил олаётганларга амалиёт ўташ учун имконият яратиб берган “Космос протекс” МЧЖ ва қандолатчи Қундузой Долимованинг иш жойларида ҳамда “Озод” маҳалласида чорвачилик, иссиқхона, паррандачилик билаш шуғулланаётган, ойига 15 миллион даромад топаётган Носиржон Азизов хонадонида бўлдилар. - Шу тариқа туманимизда “Аёллар дафтари”га олинган хотин-қизларнинг ҳар бири билан жиддий ишлаймиз. Биринчи ва иккинчи босқичда ҳам жами 5717 нафар аёлларни турли соҳаларга йўналтириб, ўз розиликлари билан дафтардан чиқардик,-деди туман ҳокими Зулайҳо Маҳкамова.
#Қонунчиликдаги_янгиликлар
Ижтимоий нафақа олувчи ўзгалар парваришига муҳтож ёлғиз шахсларга компенсация тўлови жорий этилади
“Аҳолинниг ижтимоий ҳимояга муҳтож тоифаларини моддий қўллаб-қувватлаш тизимини янада такомиллаштириш тўғрисида”ги Президент фармони (ПФ–58-сон, 28.01.2022 й.) қабул қилинди.
Фармонга кўра, 2022 йил 1 мартдан:
👉 уй-жой коммунал хизматлар ҳақини тўлаш бўйича имтиёзлар ўрнига ойлик компенсация пул тўловлари, уни олиш ҳуқуқига эга бўлган барча имтиёзли тоифадаги шахсларга, ушбу шахсларнинг пенсия (ижтимоий нафақа) олиши ёки олмаслиги ҳамда меҳнат фаолиятини олиб бориши ёки олиб бормаслигидан қатъи назар тўлаб борилади;
👉 ижтимоий нафақа олувчи ўзгалар парваришига муҳтож ёлғиз шахсларга компенсация тўлови жорий этилади.
Бунда, ҳар ойлик компенсация тўлови – пенсияни ҳисоблашнинг базавий миқдорининг 45 фоизи (130 050 сўм) миқдорида тўланади.
Ёши 100 га тўлган ва ундан ошган ижтимоий нафақа олувчи шахслар учун ҳар ойда – пенсияни ҳисоблашнинг базавий миқдорининг 100 фоизи (289 минг сўм) миқдорида қўшимча тўлов белгиланади.
Бунда, қўшимча тўлов пенция ва нафақа тайинланган ташкилот орқали республика бюджети ва бюджетдан ташқари Пенсия жамғармаси маблағлари ҳисобидан молиялаштирилади.
Ёнғин ҳодисаларидан эҳтиёт бўлайлик,бу ҳар жиҳатдан огоҳликка боғлиқ
Ўтган йилнинг январ ойида туманимиз худудида 8 та ёнғин ҳодисалари содир бўлган экан, бу йил 4 та. Аслида биттаси ҳам ташвишланарли. Шундай ҳолатларнинг олдини олиш учун мутасаддилар томонидан тарғибот ишлари кучайтириляпти.
Куни кеча бутун мамлакатимизда кузатилган электр таъминотидаги муаммо аввало электр, табиий газни қадрлаб, қолаверса улардан эҳтиёткорлик бўлиб фойдаланиш лозимлигини яна бир бор уқтиргандек. Чунки бир куннинг ўзида Ибрат, Шоҳидон, Ермасжид маҳаллаларида ёнғин ҳодисалари кузатилди. Яхшики, уларда ҳеч ким жабрланмади.
Туман фавқулодда вазиятлар бўлимида тарғибот ишларини янада кучайтириш мақсадида ҳамкор ташкилотлар билан режалар белгилаб олинди. Унда вилоят ФВБ масъул ходими Бекзод Назаров иштирок этди.
Гуруҳ маҳаллалар бўйлаб ўрганишлар олиб боришди.
Namanganda nechta sanoat korxonalari faoliyat yuritmoqda?
🏢 Viloyat statistika boshqarmasi bergan ma'lumotlariga ko‘ra, 2022– yilning 1- yanvar oylarida Namangan viloyati bo‘yicha 8 361 ta sanoat korxonalari faoliyat yuritayotgan bo‘lib, 2020-yilning mos davriga nisbatan 1784 taga ko‘paygan.
✅ Faoliyat yuritayotgan sanoat korxonalarning hududlar bo‘yicha soni:
🔹 Namangan shahri – 3836 ta,
🔹 Mingbuloq tumani – 207 ta,
🔹 Kosonsoy tumani – 556 ta,
🔹 Namangan tumani – 533 ta,
🔹 Norin tumani – 389 ta,
🔹 Pop tumani – 290 ta,
🔹 Toʼraqoʼrgʼon tumani – 473 ta,
🔹 Uychi tumani – 565 ta,
🔹 Uchqoʼrgʼon tumani – 333 ta,
🔹 Chortoq tumani – 323 ta,
🔹 Chust tumani – 524 ta,
🔹 Yangiqoʼrgʼon tumani – 332 tani tashkil etdi.