Сўнгги янгиликлар
Янгиликлар
Ҳар шанба – Ёшлар куни бўлади
Ёшлар масалалари бўйича ҳоким ёрдамчиларидан умид ҳам, ишонч ҳам катта. Уларнинг фаолияти туфайли жойларда ишсизлар, касб-ҳунарсизлар, келажагини ўзи таъминлашга интилмайдиган йигит-қизлар умуман қолмаслиги керак. Бундан ташқари бўш вақтлари ҳам мазмунга бой бўлсин.
1-сонли Тўрақўрғон касб-ҳунар мактабида ўтказилган навбатдаги семинарда етакчиларга шу вазифалар яна бир бор топширилди. Туман ҳокими Зулайҳо Маҳкамова, туман прокурори Элёрбек Талабоевлар аниқ механизмларни кўрсатиб беришди. Яъни, ҳафтанинг ҳар куни навбати билан бир йўналишга, масалан, спорт, туризм, маданият, санъат, соғлом ҳаёт, кутубхона фаолиятига бағишланиши мақсадга мувофиқ. Ушбу тадбирларда мусобақалар, кўрик-танловлар, беллашувлар, саҳна кўринишлари, мушоиралар ўрин олади.
Шанба эса алоҳида Ёшлар куни бўлади. Бунда сиёсий-маърифат соатлари ўтказилиб, республикамиз ҳаётидаги энг муҳим воқеалар, меёрий-ҳуқуқий ҳужжатлар мазмун-моҳияти билан танишилади. Ибратли кинофилмлар, роликлар намойиш этилади.
Етакчилар намуна сифатида бугуннинг ўзида ҳамюртимиз, тарихчи, ҳаттот, шоир, ношир Исҳоқхон Ибрат ҳаётига бағишланган “Ибрат” филмини томоша қилишди.
Ғаллачиликда зараркунандаларга қарши кураш долзарб юмуш
Мамлакатимизда етиштирилаётган ғаллани турли зараркунандалардан асраш долзарб масалалардан ҳисобланади. Наманган вилоят ҳокимлиги, Ўсимликлар карантини ва ҳимояси вилоят бошқармаси ҳамкорлигида Тўрақўрғон туманида ташкил этилган кўргазмали семинарда Мингбулоқ, Чуст, Поп, Косонсой, Наманган туманларидан ҳам фермерлар, кластер раҳбарлари, агроном инспекторлар иштирок этишди.
Жорий йил ҳосили учун вилоятда 67750 гектар майдонда бошоқли дон экинлари парвариш қилинмоқда. Об-ҳавонинг илиқ келиши ғалла майдонларида бегона ўтларнинг тарқалиши, занг касаллиги ва зарарли хасва зараркунандалари тарқалиши хавфини оширди. Ўсимликлар карантини ва ҳимояси вилоят бошқармаси агроном инспекторлари, энтомологлари томонидан ўтказилган мониторинглар асосида даладаги фитосанитар ҳолатни назорат қилиш мақсадида ғаллазорларга дала назорати белгилари ўрнатилмоқда. Эндиликда экинларни минерал ўғитлар билан суспензия қилишга тайёргарлик кўриш вақти келди. Бу буғдойнинг занг ва бошқа касалликларга чидамлилигини оширади, кўчатлар соғлом ва бақувват ўсади, ўсимлик учун фосфорли ва калийли минерал ўғитларнинг етишмайдиган миқдорини барги орқали бериш натижасида ҳосилдорликни ошириш имконияти яратилади. Кўргазмали семинарда нафақат ғаллачилик, балки пахтачилик, боғдорчиликда ҳам зараркунандаларга қарши курашиш бўйича мутахассисларнинг тавсиялари тингланди.
Семинар
Ёшлар етакчиси: залворли вазифани қай тартибда уддалайди, унинг ёрдамчилари ким?
Президентимизнинг “Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида”ги қарорига кўра, ёшлар билан ишлашнинг янгича бошқарув механизмларини жорий этиш, улар билан ишлашнинг вертикал тизимини яратиш, ёшлар муаммоларини бевосита маҳаллаларда ҳал этиш, таълим муассасаларида маънавий-маърифий ва тарбиявий ишларнинг самарадорлигини янада ошириш мақсадида ҳар бир маҳаллада ёшлар етакчиси лавозими жорий этилди. Улар “Ёшлар баланси”ни шакллантириш, ёшлар тўғрисидаги зарур маълумотларни “Ёшлар дафтари” ва “Ёшлар портали” электрон платформаларига киритиб бориш, улар билан самарали иш ташкил қилишдан бошлаб ўзларига бириктирилган маҳаллаларда фаолиятини маданият ва санъатни тарғиб қилиш, соғлом турмуш тарзи ва спортни оммалаштириш, ахборот технологияларидан самарали фойдаланишни ташкил қилиш, маънавият ва китобхонликни тарғиб қилиш, ватанпарварлик руҳида тарбиялаш ва ҳуқуқий саводхонликни ошириш, тадбиркорлик ғояларини қўллаб-қувватлаш каби асосий йўналишларда амалга оширади.
Кўриб турганимиздек, етакчининг вазифалари залворли. Ўрда маҳалласида ташкилланган семинарда ёшлар масалалари бўйича ҳоким ёрдамчиси Умиджон Ваҳобжонов фаолияти мисолида бу масала намуна қилиб кўрсатиб берилди. Унда иштирок этган туман ҳокими Зулайҳо Маҳкамова, туман прокурори Элёрбек Талабоевлар маҳалла, мактаб, иқтисодий масалалар бўйича ҳоким ёрдамчиси, спорт, мусиқа йўналишларида бириктирилган вакиллар ҳамкорлигида кутилган натижаларга эришиш усулларини батафсил ўргатиб беришди.
Шундай семинарларни ташкиллаш ташаббуси билан чиққан етакчилар қўллаб-қувватланди.
Ўзбекистон Республикасида 2023 йилда мустақиллик йилларида бўлиб ўтадиган аҳолини рўйхатга олиш тартибларидан хабардормисиз?
Ўзбекистон Республикаси Президентининг Фармонига ҳамда Ўзбекистон Республикаси Вазирлар Маҳкамасининг 710-сон Қарорига мувофиқ 2023 йил 1-25 ноябрь кунлари аҳолини рўйхатга олиш белгилаб ўтилган.Аҳолини рўйхатга олиш тадбирига пухта тайёргарлик кўриш мақсадида Қонун ишлаб чиқилди. Ушбу Қонунда аҳолини рўйхатга олиш тартиблари белгиланган бўлиб, Жумладан;-Ўзбекистон Республикасида аҳолини рўйхатга олишда респондентларнинг ҳуқуқ ва мажбуриятлари-ўзининг шахсга доир маълумотлари нима мақсадда йиғилаётганлигини, ушбу маълумотлардан ким ва қандай тарзда фойдаланишини билиш; - ўзи учун тўлдирилган рўйхатга олиш варақлари билан танишиб чиқиш, рўйхатга олиш варақларига киритилган шахсга доир маълумотларнинг тўлиқлиги ва ишончлилигини аниқлаштириш; - рўйхатга олувчи ходимлардан тегишли гувоҳномани кўрсатишини талаб қилиш, рад этилган тақдирда эса рўйхатга олиш варағидаги саволларга жавоб бермаслик; -рўйхатга олиш варағининг шаклига биноан шахсга доир ишончли маълумотларни тақдим этиш ҳуқуқига эга. Ушбу тадбир орқали энг аввало Мамлакатимизнинг ижтимоий-иқтисодий ривожланиш дастурлари учун муҳим маълумотлар тайёрланадиб Жумладан; -Аҳолини аниқ сони -Ёшга доир маълумотларга асосан, 3-7 ёшгача бўлган болаларимизни боғчаларга жалб қилишиимиз, улар учун етарли шароитга эга бўлган, ўзларига яқин ҳудудларга боғчалар қуриш учун аниқ маълумотлар шакллантиришга -Аҳоли бандлиги маълумотларига асосан эса фуқароларимизнинг иш билнад таъминлаш учун корхоналар, кичик саноат зоналари ташкил этиш, уларга бугунги кун талабидан келиб чиққан ҳолда меҳнат ҳақ тўлаш тизимини такомиллаштириш, миграция кўрсаткичларини пасайтирган ҳолда ўзимизда иш ўринлари яратишга - Аҳоли саломатлигини ҳамда таълим сифатини яхшилаш мақсадида ҳудудларда шифохоналар ва олий ўқув юртлари, мактаблар қурилишига - Маҳаллаларнинг инфратузилма шароитларини яхшилаш, жойларда асфалтлаш, электрлаштириш, газ, сув ва канализация тармоқлари тортилиши ҳамда интернет тармоқларини яхшилашга -Хонадонларда яшаб келаётган оилалар сонидан келиб чиққан ҳолда уларнинг уй жойларга бўлган талабларини қондириш мақсадида, мақсадли дастурлар ишлаб чиққан ҳолда уларга қулай нархларда уй-жой билан таъминлашга -Маҳаллаларда истиқомат қилиб келаётган ёшлар, хотин-қизлар, иш билан банд аҳоли, кексалар сони ҳамда ушбу маҳалланинг паспорт маълумотлари шакллантирилади. Янги Ўзбекистоннинг бир қисми бўлинг!!!
Миллий спорт ўйинларимиз ҳам халқларимизни яқинлаштиради
Наманган вилояти ҳокими Шавкатжон Абдуразаков ҳамроҳлигида Панжоб вилояти губернатори Муҳаммад Сарвар Чаудхари бошчилигидаги делегация Тўрақўрғон туманидаги "Денгиз тулпори" от спорти майдонида ташкил этилган улоқ-кўпкари мусобақаси ва халқ сайлини томоша қилдилар.
6,5 гектар ер майдонидан иборат бўлган ушбу спорт майдони 2000 отлиқни ўз ичига олиш қувватига эга. Кейинги пайтларда Қирғизистон, Қозоғистон, Туркманистон, Россия Федерацияси мамлакатлари ҳамда қўшни вилоятларнинг чавандозлари иштирокида улоқ мусобақалари тез-тез ўтказиб келинмоқда.
Миллий ўйинларимизнинг энг гўзал намунаси бўлган мусобақа меҳмонларда катта таассурот қолдирди.
