Янгиликлар

05.03.2022

Эртаси бугундан порлоқ ёшлар

4-сектор ҳудудидаги Олчин маҳалласида жойлашган 35-мактаб бугун чинакамига байрам тусини олди. Маҳалла мутасаддилари, ҳоким ёрдамчиси Азизбек Ғуломжонов, мактаб жамоаси бирлашиб, бугунги ёшлар қандай иқтидорга эга, уларнинг орзу-ниятлари қандай эканлигини кўргазмаларда, бадиий чиқишларда намойиш этиб беришди.

Президентимизнинг 5 та муҳим ташаббуси доирасидаги тадбир “Тўрақўрғон ёшлар фестивали” дея ном олди ва бунга муносиб равишда ташкилланди.

Тадбирда Ўзбекистон Ёзувчилар уюшмаси раисининг Ёшлар сиёсати бўйича ўринбосари, таниқли ижодкор Ботиржон Эргашев, туман ҳокимининг ўринбосари Азамат Абдукаримов иштирок этишди.

Синф хоналарида бўлиб ўтган очиқ дарслар жараёни ўқувчиларнинг билим олиш, китобхонликни севиш бобида моҳир эканликларини кўрсатган бўлса, уларнинг дарсдан бўш вақтлари спорт, каштачилик, санъат, ҳунар эгаллаш билан банд эканликларининг амалий исботига айланди.

04.03.2022

Тўрақўрғон туманида чигит экишга киришилди

Туманда жорий йилда 4269 гектар майдонда 86 та фермер хўжаликлари томонидан пахта етиштириш режалаштирилган.

Баҳор об-ҳавосининг мўътадил келгани ҳисобга олиб, туманда бугун чигит экиш бошлаб юборилди. Бободеҳқонларимиз бежизга “эрта эккан эрта йиғар”, дейишмаган.

Кўп тармоқли “Аҳмаджонов Абдуллажон” фермер хўжалиги далаларида Хитой давлатида ишлаб чиқарилган, бир пайтнинг ўзида очар олиш, чигит экиш, плёнка қадаш, ўғит солиш жараёнларини тенг бажарадиган техника ёрдамида яхши ният билан ерга уруғ қадалди.

03.03.2022

Энди хотин-қизларга нисбатан тазйиқ ва зўравонлик ҳолатлари бўйича хабар бериб борилади

Ўзбекистон Республикаси Гендер тенгликни таъминлаш масалалари бўйича комиссияси томонидан Бирлашган Миллатлар ташкилотининг Аҳолишунослик жамғармаси билан ҳамкорликда мамлакатимизда гендер тенгликни таъминлаш борасида амалга оширилаётган ишлар ҳақида аҳолини тезкор ва тўғри хабардор қилиш учун “Зўравонликка йўл йўқ” лойиҳаси амалга оширилмоқда.

Ушбу лойиҳа доирасида ижтимоий тармоқларда махсус саҳифалар ташкил этилган бўлиб, унда хотин-қизларга нисбатан тазйиқ ва зўравонлик ҳолатлари, вазирлик ва идоралар томонидан бу борада амалга оширилаётган ишлар ҳақида мунтазам равишда хабарлар бериб борилмоқда.

Аёлларга нисбатан зўравонликларнинг олдини олиш борасида қилинаётган ишлардан хабардор бўлишни хоҳласангиз, ижтимоий тармоқлардаги “Зўравонликка йўл йўқ! Нет насилию!” саҳифаларига аъзо бўлишингиз мумкин.

Лойиҳанинг ижтимоий тармоқлардаги саҳифалари:

телеграмда: https://t.me/zoravonlikka_yol_yoq_netnasiliyu

фейсбукда: https://www.facebook.com/netnasiliyu/

инстаграмда: http://instagram.com/zoravonlikka_yol_yoq

Facebook (https://www.facebook.com/netnasiliyu/)Зўравонликка йўл йўқ / Нет насилиюЗўравонликка йўл йўқ / Нет насилию. 595 likes · 8 talking about this · 1 was here. Non-profit organisation

02.03.2022

To‘raqo‘rg‘ontumanida 2022 yil uchun yuridik va jismoniy shaxslarning qishloq xo‘jaligiga mo‘ljallanmagan yerlar uchun bazaviy soliq

stavkalarini  belgilash to‘g‘risida

O‘zbekiston Respublikasi Prezidentining 2020-yil 3-dekabrdagi “Resurs soliqlari va mol-mulk solig‘ini yanada takomillashtirish to‘g‘risida”gi PF-6121-son Farmonining 4-bandiga muvofiq, viloyat moliya bosh boshqarmasi va davlat soliq boshqarmasining “Qishloq xo‘jaligiga mo‘ljallanmagan yerlar uchun jismoniy va yuridik shaxslar bo‘yicha mutloq miqdorda belgilangan bazaviy soliq stavkasiga kiritilayotgan kamaytiruvchi va oshiruvchi koeffitsientlar” loyihasi bo‘yicha kiritgan takliflarini muhokama etib, O‘zbekiston Respublikasi “Mahalliy davlat hokimiyati to‘g‘risida”gi Qonunining 24-moddasiga asosan  Xalq deputatlari tuman Kengashi

Q A R O R   Q I L A D I:

• O‘zbekiston Respublikasi Moliya vazirligining hamda Davlat soliq qo‘mitasining 2021-yil 8-noyabrdagi “Qishloq xo‘jaligiga mo‘ljallanmagan yerlar uchun mutloq miqdorda belgilangan bazaviy soliq stavkasiga kamaytiruvchi va oshiruvchi koeffitsientlar qo‘llash to‘g‘risida”gi 06/04-01-32/2248 va 19/10-68220-sonli qo‘shma xatida quyidagilar:

yer solig‘ining amaldagi soliq stavkalari 2022-yilda 1,07 baravarga indeksatsiya qilinishi kutilayotganligi;

kelgusi yil bazaviy soliq stavkasiga nisbatan kamaytiruvchi va oshiruvchi koeffitsientlar qo‘llashda keyingi yil mahalliy byudjet daromadlari prognozidan kelib chiqish bo‘yicha tavsiyalari ma’lumot uchun qabulqilinsin.

• 2. “Qishloq xo‘jaligiga mo‘ljallanmagan yerlar uchun jismoniy va yuridik shaxslar bo‘yicha mutloq miqdorda belgilangan bazaviy soliq stavkasiga kiritilayotgan kamaytiruvchi va oshiruvchi koeffitsientlar” miqdorlarini belgilash bo‘yicha tuman Moliya bo‘limi hamda tuman Davlat soliq inspeksiyasi qo‘shma taklifi ma’qullansin.
• Quyidagilar:

To‘raqo‘rg‘on tumani hududida qishloq xo‘jaligiga mo‘ljallanmagan yerlar uchun yuridik shaxslar bo‘yicha mutloq miqdorda  belgilangan bazaviy soliq stavkasiga kiritilayotgan kamaytiruvchi va oshiruvchi koeffitsientlar miqdorlari  1-ilovaga muvofiq,

To‘raqo‘rg‘on tumani hududida qishloq xo‘jaligiga mo‘ljallanmagan yerlar uchun jismoniy shaxslar bo‘yicha mutloq miqdorda belgilangan bazaviy soliq stavkasiga kiritilayotgan kamaytiruvchi va oshiruvchi koeffitsientlar miqdorlari 2-ilovaga muvofiqtasdiqlansin.

Bunda,

Soliq idoralariga jismoniy shaxslardan olinadigan yer solig‘i (yakkatartibdagi tadbirkorlardan tashqari) summasi 2021-yil uchun hisoblangan soliq summasining 1,3 baravaridan oshmasligi lozimligi;

tuman xalq deputatlari Kengashlariga tuman xalqdeputatlari Kengashi tomonidan belgilangan yersolig‘i stavkalariga qishloq xo‘jaligiga mo‘ljallanmagan yerlar uchun, ularning hududlarida joylashgan daha, massiv, mahalla, ko‘chakesimida 0,7 dan 3,0 gacha kamaytiruvchi va oshiruvchi koeffitsientlarni kiritish huquqi berilganligi alohida ko‘rsatib o‘tilsin.

• Tuman Moliya bo‘limi (U.Axmedxodjayev), tuman Davlat soliq inspeksiyasi (Sh.Azbekov) 3 kun muddatda qishloq xo‘jaligiga mo‘ljallanmagan yerlar bo‘yicha mutloq miqdorda belgilangan bazaviy soliq stavkasiga kiritilayotgan koeffitsientlarni yetkazilishini ta’minlasin.
• Tuman xalq deputatlari Kengashlari 1 hafta muddatda ushbu qarorning 1 va 2-ilovalariga asosan belgilangan soliq stavkalariga hududlarida joylashgan daha, massiv, mahalla, ko‘cha kesimida 0,7 dan 3,0 gacha kamaytiruvchi va oshiruvchi koeffitsientlarni qo‘llash bo‘yicha muhokamalar o‘tkazib, joriy yilning 19-fevralga qadar muhokamalar yakuni bo‘yicha tasdiqlangan soliq stavkalarni joylardagi soliq organlariga taqdim etsin.
• Tuman xalq deputatlari Kengashlari ushbu qarorning 1 va 2 ilovalariga asosan belgilangan soliq stavkalariga nisbatan kamaytiruvchi va oshiruvchi koeffitsientlarni kelgusi yil uchun mahalliy budjet daromadlari prognozidan hamda mamlakatimizda iqtisodiy faollikning tiklanganligi hamda aholi va tadbirkorlarning daromadlari barqarorlashganligidan kelib chiqqan holda qo‘llashlari tavsiya etilsin.
• To‘raqo‘rg‘on tumani Davlat soliq inspeksiyasi (Sh.Azbekov) yer solig‘i bo‘yicha tasdiqlangan soliq stavkalarini zudlik bilan barcha soliq to‘lovchilarga soliq to‘lovchining shaxsiy kabineti orqali yetkazilishini ta’minlasin.

O‘zbekistonRespublikasiSoliqkodeksidabelgilangan vakolatlaridankelibchiqib:

Soliqlarningto‘liqvato‘g‘rihisoblanishinihamdao‘zvaqtidabudjetgaundirilishininazoratgaolibborish;

tegishlibudjetningijroyetilishijarayonidaungatushumlarniko‘paytirishbo‘yichaqo‘shimchazaxiralarnianiqlash;

yersolig‘iningsoliqbazasinioshirish, ya’nixatlovishlarinisamaralitashkiletibborsinlar.

• Tuman moliya bo‘limi (U.Axmedxodjayev), tuman Davlat soliqin speksiyasi (Sh.Azbekov) tuman Davrgazetasi (Z.Kenjaeva), bilan birgalikda ushbu qaror 1-, 2-ilovalariga muvofiq soliq stavkalari, soliq solish tartib-taomillari hamda boshqa masalaga oid ma’lumotlarni ommaviy axborot vositalarida keng yoritilishini ta’minlasinlar.
• Xalq deputatlari tuman Kengashining 2022-yil 7-yanvardagi VI-31-1-6-85-K/22-sonli qarori o’zkuchini yo’qotgan deb xisoblansin.
• Mazkur qaror tuman “Davr” gazetasida e’lon qilinsin hamda tuman hokimligining rasmiy veb-saytiga joylashtirilsin, ushbu qaror rasman e’lonqilingan kundan boshlab kuchga kiradi.
• Ushbu qarordan norozi shaxslar belgilangan tartibda yuqori turuvchi organga yoki sudga shikoyat qilish huquqiga ega.
• Mazkur qaror bajarilishini nazorat qilish xalqdeputatlari tuman Kengashining Mahalliy budjetni shakllantirish va ijro etish, iqtisodiy islohotlarni amalga oshirish va tadbirkorlikni rivojlantirish masalalari doimiy komissiyasi hamda tuman hokimining birinchi o‘rinbosari E.Turg‘unov zimmalariga yuklansin.

ИЛОВА: 1

Xalq deputatlari To‘raqo‘rg‘on tuman Kengashi tomonidan tumanga 2022 yiluchun "Qishloqxo‘jaligi uchun mo‘ljallanmagan yerlar uchun yuridik shaxslar bo‘yicha mutloq miqdorda belgilangan bazaviy soliq stavkasiga kiritilayotgan kamaytiruvchi va oshiruvchi koeffitsientlar

                                                                                                                                                         ming.so‘mda

ИЛОВА: 2

Xalq deputatlari To‘raqo‘rg‘on tuman Kengashi tomonidan tumanga Jismoniy shaxslar bo‘yicha  (dehqon xo‘jaligini yuritish uchun berilgan qishloq xo‘jaligiga mo‘ljallagan yerlardan tashqari) mutloq miqdorda 1 kv.m. uchun belgilangan bazaviy soliq stavkalariga nisbatan kiritilayotgan kamaytiruvchi va oshiruvchi koeffitsientlar

                                                                                                                                                                        So‘mda

02.03.2022

Тумандаги дафн этиш жойларини сақлаш қоидаларини тасдиқлаш тўғрисида

Ўзбекистон Республикасининг “Дафн этиш ва дафн иши тўғрисида”ги Қонунининг 15-моддасини, Вазирлар Маҳкамасининг 2011 йил 4 апрелдаги “Дафн этиш ва дафн иши тўғрисида”ги Ўзбекистон Республикасининг Қонунини амалга ошириш чора-тадбирлари ҳақидаги 101-сон қарорини ижросини таъминлаш мақсадида “Маҳаллий давлат ҳокимияти тўғрисида”ги Қонунининг 6, 25-моддаларига асосан,

Қ А Р О Р      Қ И Л А М А Н:

• Тўрақўрғон ободонлаштириш бошқармасининг 2022 йил 28 январдаги 14-сонли хати маълумот учун қабул қилинсин.
• Тўрақўрғон туманида дафн этиш жойларини сақлаш қоидалари иловага мувофиқ тасдиқлансин.
• Тўрақўрғон туман ободонлаштириш бошқармаси, санитария-эпидемиологик осойишталик ва жамоат саломатлиги бўлими ҳамда экология ва атроф муҳитни муҳофаза қилиш бўлими ва туман қурилиш бўлими:

тумандаги барча қабристонларда дафн этиш жойларини сақлаш қоидаларини бир хилда ижро этилишини;

мазкур қоидаларда белгиланган нормаларни аҳоли ўртасида кенг ёритилиши таъминлансин.

• Мазкур қарор туман ҳокимлигининг “Давр” газетасининг навбатдаги сонида расман эълон қилинсин ва бир кун муддатда туман ҳокимлигининг ахборот хизмати расмий веб-сайтига жойлаштирилсин.
• Ушбу қарор расман эълон қилинган кундан бошлаб кучга киради.
• Мазкур қарорнинг бажарилишини назорат қилиш туман ҳокимининг ўринбосари А.Тўраев зиммасига юклатилсин.

ИЛОВА: 1

Тўрақўрғон туманида дафн этиш жойларини сақлаш қоидалари

• Умумий қоидалар
• Тўрақўрғон туманидаги дафн этиш жойларини сақлаш қоидалари (кейинги ўринларда – Қоидалар) тумандаги барча дафн этиш жойларини (кейинги ўринларда – қабристон) белгиланган тартибда сақлаш ва улардан фойдаланиш тартибини белгилайди.
• Қабристонларни ободонлаштириш, сақлаш ва улардан фойдаланиш, дафн этиш хизматлари кўрсатиш бўйича бевосита фаолият Ободонлаштириш бошқармаси томонидан туманнинг маҳаллий аҳолиси, шунингдек бошқа миллатлар ва халқларнинг мавжуд анъаналари, урф-одатлари ва удумларига мувофиқ амалга оширилади.
• Қабристонларни сақлаш
• Тумандаги барча қабристонлар Тўрақўрғон туман ҳокимлигининг бевосита тасарруфида бўлиб, ҳокимликка қабристонларни зарур даражада сақлаш ва ободонлаштириш мажбурияти юкланади.
• Тумандаги қабристонларни ободонлаштириш объектларини сақлаш ва улардан фойдаланиш, дафн этиш хизматлари кўрсатиш бўйича бевосита фаолият Тўрақўрғон туман ободонлаштириш бошқармаси томонидан амалга оширилади.
• Ҳар бир қабристон қонун ҳужжатларига мувофиқ белгиланган меъёрлар бўйича тегишли ходимларга эга бўлиши керак.
• Тумандаги қабристонларни ободонлаштириш, мукаммал ва жорий таъмирлаш, уларни зарур даражада сақлаш маҳаллий бюджет маблағлари ҳисобидан амалга оширилиб, харажатларнинг алоҳида моддаси бўйича маблағлар ажратилади.

Гўр қазиш ва маросим хизматлари бўйича ишчиларга эга бўлиш кўрсатилган пулли хизматлар учун аҳолидан тушган маблағлар ҳисобидан, вилоят ёки Тўрақўрғон туман ҳокимининг тегишли қарори билан белгиланадиган тарифлар бўйича амалга оширилади.

Шунингдек, қабристонларни сақлаш ва ободонлаштиришда юридик ва жисмоний шахсларнинг ихтиёрий хайр-эҳсонларидан фойдаланилади.

Қабристонларни ободонлаштириш фуқароларнинг ўзини ўзи бошқариш органлари кўмагида ҳашар йўли билан ҳам амалга оширилиши мумкин.

• Қабристонга асосий кириш жойида (ички томонида) қуйидагилар ўрнатилган бўлиши керак:

маъмурий ва бошқа бинолар, йўллар, хиёбонлар, тарихий ва мемориал қабрлар, жамоат ҳожатхоналари ва бошқа объектларнинг жойлашиши белгиланган ҳолда қабристоннинг схематик тархи;

қабристоннинг иш жадвали (зиёрат қилиш қоидалари) ва бошқа йўл-йўриқ ҳужжатлари қўйилган тахта;

манзиллари ва алоқа боғлаш телефонлари кўрсатилган ҳолда Тўрақўрғон туман ободонлаштириш бошқармаси ва қабристон маъмурияти тўғрисидаги маълумотлар.

• Туман ободонлаштириш бошқармасининг таклифига асосан тумандаги барча қабристонлар зиёратлар ва дафнлар учун баҳор ва куз ойларида ҳар куни соат 06:00 дан 19:00 гача, ёз ойида ҳар куни соат 05:00 дан 20:00 гача, қиш ойида 07:00 дан 18:00 гача очиқ ҳисобланади.

Тумандаги қабристонларни очиш ва ёпиш вақтларини уларнинг диний конфессия ва маҳаллий анъаналарга мансублигига боғлиқ ҳолда туман ободонлаштириш бошқармасининг таклифи асосида ўзгартирилиши мумкин.

• Қабристонлардаги қабрлар ва бошқа жойларга турли хил зарар етказилишини олдини олиш мақсадида тумандаги барча қабристонларга 7 ёшга тўлмаган болалар фақат ота-оналари ёки уларнинг ўрнини босувчи шахслар (васий, ҳомий, патронат ва бошқалар) ёҳуд бошқа вояга етганлар ҳамроҳлигида киритилади.
• Қабристон ҳудудида қуйидагилар таъқиқланади:

жамоат тартиби ва сокинликни бузиш;

маст-аласт, гиёҳвандлик ва бошқа хил кайфлар ҳолатида бўлиш;

қабр усти ёдгорликларига ва яшил ўсимликларга шикаст етказиш;

қуруқ ўт, барг, шох-шабба ва дарахтларнинг шохчаларини ёқиш;

мол ва бошқа уй ҳайвонларини боқиш;

мевали кўчатлар ўтқазиш;

қишлоқ хўжалиги экинлари ўстириш.

• Тумандаги барча қабристонларда қабристон маъмурияти томонидан қуйидагилар юритилиши керак:

қабрларни рўйхатдан ўтказиш ва қабр усти ёдгорликларини рўйхатдан ўтказишнинг рақамланган ва ип билан тикилган дафтарлари;

ҳужжатлар тикиб қўйиладиган йиғмажилд.

Дафн этишни амалга ошириш ҳуқуқини берадиган барча ҳужжатлар белгиланган тартибда тикилиши ва сақланиши керак.

• Туман ободонлаштириш бошқармаси ва қабристонларнинг маъмурияти қуйидагиларни таъминлаши шарт:

қабристон ҳудудида зарур даражадаги тартибни таъминлаш ва мазкур Қоидалар ҳамда бошқа қонун ҳужжатларининг талабларини қатъиян бажариш;

бош хиёбон, асосий ва иккинчи даражали йўлларда тўсиқсиз юриш ва ўтиш имкониятини (қордан тозалаш, музни парчалаш, қум сепиш ва шу кабиларни) таъминлаш;

эскирган (қуриган) дарахтларнинг ағдарилиши ва қабр усти ёдгорликларини шикастлашига йўл қўймаслик учун уларнинг ўз вақтида кесилишини таъминлаш;

умумий фойдаланиш жойларини тоза сақлаш, хиёбонлар бўйлаб маиший чиқиндилар учун махсус яшик ва қутилар ўрнатиш, маиший чиқиндиларнинг қабристон ҳудудидан ўз вақтида олиб чиқилишини таъминлаш;

муҳандислик иншоотларининг зарур даражада ишлашини таъминлаш, ташқи тўсиқ, бино ва иншоотлар, йўллар, муҳандислик тармоқлари ва иншоотларининг жорий ва мукаммал таъмирланишини амалга ошириш ҳамда кўкаламзорлаштириш;

барча турдаги яшил ўсимликларни суғориш ва парваришлашни таъминлаш, уларни янгилаш, зараркунандалар, касалликлар ва бегона ўтларга қарши курашиш;

фуқароларга (ташкилотларга) уларнинг буюртманомаларига кўра дафн учун участкаларни бепул бериш;

марҳумларни гўр қазиш меъёрлари ва қоидаларига риоя этган ҳолда дафн этишни таъминлаш;

қабрнинг рўйхат рақамини кўрсатилган бетон устунга ўрнатиш;

анжомларнинг (белкурак, паншаха, пақир, хокандоз, супурги, замбил ва ҳоказоларнинг) етарли миқдорда бўлишини ва уларнинг фуқароларга қабрларга қараш учун бепул (тилхат билан) берилишини таъминлаш;

қабристонда зарур даражадаги тартибни таъминлаш бўйича, шу жумладан умумхалқ ҳашари, хотирлаш кунлари ва бошқа тадбирларни ташкил этишда фуқароларнинг ўзини ўзи бошқариш органлари билан яқин алоқада бўлиш;

хизматлар учун қатъиян белгиланган тарифлар бўйича ҳисоб-китоб қилган ҳолда фуқароларнинг қабристонда кўрсатиладиган хизматларга доир буюртмаларини ўз вақтида ва сифатли бажариш;

қабр усти ёдгорликларини ўрнатиш тартибига, ҳудудни кўкаламзорлаштириш учун дарахт ва буталарнинг турларини тўғри танлашга риоя этилишини назорат қилиш;

дафн этилганнинг қариндошларига эскириб кетган қабр усти ёдгорлиги тўғрисида ёзма хабар қилиш ва уни тузатишни талаб қилиш;

гўр қазувчи ишчилар ҳамда марҳумларни ювувчи ва кийинтирувчи ишчиларга санитария қоидаларини ҳамда диний ва маҳаллий анъаналарни ҳисобга олиб меъёрларни қатъиян бажарган ҳолда ишларни бажаришнинг хавфсиз усулларини ўргатишни ташкил қилиш;

қабр усти ёдгорликларининг сақланишини таъминлаш, улар ўғирланган, бузилган, вайрон қилинган тақдирда ҳуқуқни муҳофаза қилиш органларини ва ёдгорликларнинг эгаларини хабардор қилиш;

ёнғин хавфсизлиги қоидаларига риоя этилишини таъминлаш, ёнғинга қарши шчитларни зарур миқдорда ёнғинга қарши анжомлар билан бутлаш;

қабристоннинг бутун ҳудудини ҳар йили камида икки марта ҳар томонлама супуриб-сидиришни амалга ошириш.

• Тумандаги қабристонлар хизматларидан фойдаланувчи фуқаролар (ташкилотлар) қуйидаги ҳуқуқларга эга:

тегишли диний конфессия қабристонида вафот этган яқинлари ва қариндошларини дафн этиш учун бепул участка олиш;

санитария қоидалари ҳамда бошқа қоидалар ва меъёрларга зид бўлмаган диний маросимлар ва маҳаллий анъаналарга риоя этган ҳолда дафн этиш удумини бажариш;

маросим хизматларидан фойдаланиш ва уларга белгиланган тарифлар бўйича ҳақ тўлаш;

буюртирилган хизматларнинг ўз вақтида ва сифатли бажарилишини қабристон маъмуриятидан талаб қилиш;

қабрга ва қабр усти ёдгорликларига қараш учун қабристон анжомларидан бепул фойдаланиш;

туман ободонлаштириш бошқармаси билан келишган ҳолда яқинлари ва қариндошларининг қабрларига қабр усти ёдгорликларини ўрнатиш.

III. Қабрларни сақлаш ва қабр усти ёдгорликларини ўрнатиш

• Дафн этишни амалга оширган фуқаролар ва ташкилотлар қабрлар ҳамда қабр усти ёдгорликларини зарур ҳолатда сақлаши шарт.
• Алоҳида дафн этишга ажратилган участка доирасида, туман ободонлаштириш бошқармаси ва қабристон маъмурияти билан келишган ҳолда, узунлиги 1,5 метр, эни 1 метр ва баландлиги 0,5 метр (қабр устидаги тупроқ тепалиги баландлиги даражасида), ёзувлар учун вертикал плитанинг баландлиги 1 метргача бўлган ўлчамда қабр усти ёдгорликларини ўрнатиш (қуриш)га йўл қўйилади (ер ости сувлари сатҳи юқори бўлган ер юзасида “сағана” кўринишида барпо этиладиган мусулмон қабрларидан ташқари).

Қабр атрофида металлдан ясалган ва бошқа тўсиқларни ўрнатиш (ўсимликлардан иборат яшил тўсиқлардан ташқари), қўшни қабрларнинг ҳудудларини ва бўш ер участкаларини эгаллаб оладиган қабр усти ёдгорликларини барпо этиш тақиқланади.

• Қабр усти ёдгорликларини дафн этиш чоғида қилинган тупроқ кўтарма чўкканидан кейин, қисмларга ажратиш — йиғиш мумкинлигини назарда тутадиган зарур пойдеворлар барпо этган ҳолда ўрнатиш тавсия этилади.
• Бюстлар, ҳайкалтарошлик ёдгорликлари ёки алоҳида архитектура шаклига эга бўлган иншоотларни ўрнатишга фақат лойиҳа-смета ҳужжатлари ҳамда Наманган вилояти ҳокимининг қарори мавжуд бўлгандагина рухсат берилади.
• Қабр усти ёдгорликларининг ўлчамлари ва жойлаштирилиши, шунингдек дарахт ва буталар ўтказиш олдиндан қабристон маъмурияти билан келишилади.
• Қабр усти ёдгорликларининг ўрнатилиши қабристон маъмурияти томонидан қабр усти ёдгорликларини рўйхатдан ўтказиш дафтарида рўйхатдан ўтказилиб, унда қабрнинг сектори, участкаси, қатори ва рақами, дафн этилган кишининг фамилияси, исми-шарифи, ўрнатилган сана, ёдгорликнинг қисқача тавсифи, тайёрловчи, уни ўрнатган шахсларнинг манзил ва фамилиялари кўрсатилади.
• Барча қабр усти ёдгорликлари уларни ўрнатган фуқаролар ва ташкилотларнинг мулки ҳисобланади. Қабристон маъмурияти ташаббуси билан қабр усти ёдгорликларини бузиб ташлашга йўл қўйилмайди, қабристон Вазирлар Маҳкамасининг 2011 йил 4 апрелдаги 101-сонли қарори билан тасдиқланган Дафн этиш жойларини сақлаш, улардан фойдаланиш ва қабр усти ёдгорликларини ўрнатиш тартиби тўғрисидаги низомнинг 18-бандига кўра ёпилаётган (кўчирилаётган), қариндошларнинг эскириб кетган қабр усти ёдгорликларини тузатишдан бош тортган, улар белгиланган тартибда эгасиз деб топилган ҳоллар бундан мустасно. Қабр усти ёдгорликларини бузиб ташлаш қабр усти ёдгорликларининг элементлари албатта тавсифланган, бузиб ташлаш далолатномаси расмийлаштирилган ҳолда қабристон маъмурияти томонидан амалга оширилади.
• Тўрақўрғон туман ҳокимлиги томонидан тасдиқланган рўйхатга кўра раҳбарлар ва таниқли давлат арбобларининг қабрлари ва қабр усти ёдгорликларини, тарихий обидаларни намунали тартибда сақлаш маҳаллий бюджет маблағлари ҳисобига амалга оширилади.
• Тумандаги барча қабристонлар маъмурияти ёдгорликлардаги ёзувларнинг мазмунини назорат қилиши, уларда ўлим тўғрисидаги ҳужжатлардаги маълумотларга номувофиқликлар бўлишига йўл қўймаслиги шарт.
• Якунловчи қоидалар
• Ушбу Қоидалар бажарилишини назорат қилиш туман ҳокимлиги, туман ободонлаштириш бошқармаси ва барча қабристонлар маъмурияти томонидан амалга оширилади.
• Мазкур Қоидаларда белгиланган талабларнинг бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.