Сўнгги янгиликлар
Янгиликлар
Ҳурматли ишбилармон ва тадбиркорлар!
Сиз қурилиш материаллари ишлаб чиқариш соҳасида янги иш бошлаб, замонавий корхона бунёд этишни истайсизми? Унда Сиз учун катта имконият пайдо бўлди.
Наманган вилоятининг 4 та туманида қурилиш соҳасида замонавий кўринишда кичик саноат зоналари барпо этилмоқда. Булар, Чуст туманида “Нурафшон”, Поп туманида “Ҳазрати Боб”, Учқўрғон туманида “Ёғду”, Уйчи туманида “Юксалиш” кичик саноат зоналаридир.
Ушбу кичик саноат зоналарида ўз корхонасини йўлга қўймоқчи бўлган тадбиркорлар учун барча шароитлар яратилган. Сиз бу ерда ўз бизнесингизни йўлга қўйиб, шу ернинг ўзида ўз маҳсулотларингизни хорижга тўғридан-тўғри экспорт қилиш имкониятига эга бўласиз. Энг асосийси, «Ўзсаноатқурилишбанк» қурилиш материаллари соҳасида тадбиркорлик фаолиятини бошлаган фуқароларга имтиёзли кредитларни таклиф этади. Сиз учун қулай ва манфаатли бўлган имкониятни қўлдан бой берманг!
Шошилинг, ўз бизнесингизни бошланг!
Мурожаат учун: “Ўзсаноатқурилишбанк” Наманган филиали, тел: 692341494 Манзил: Янги Наманган тумани, Ислом Каримов кўчаси, 19-уй.
ҚИШЛОҚ ХЎЖАЛИГИДА ДОЛЗАРБ ЮМУШЛАР уларни кечиктиришга ҳаққимиз йўқ
Пахтачиликда узоқ йиллик тажрибалардан келиб чиқиб, ерни чигит экишга тайёрлаш ниҳолларнинг бир текис ва тўлиқ ҳамда бақувват униб чиқишининг асосий шарти ҳисобланади ва мўл ҳосил етиштиришнинг гарови ҳамдир.
“Комилов Турсунбой” фермер хўжалигининг дала шийпонида фермерлар, хизмат кўрсатувчи ташкилотлар вакиллари, нуронийлар иштирокида қишлоқ хўжалигидаги долзарб юмушлар мавзусида семинар бўлиб ўтди.
Қиш ойлари ўртача об-ҳаводан илиқ келиб, ёғингарчилик нисбатан кам кузатилди. Демак, чигит экиладиган майдонларда намгарчилик етарли эмас. Шунинг учун пайкалларда яҳоб сувини бериш, тупроқ унумдорлигини оширувчи, ўз навбатида зарарли ҳашоратларни йўқ қиладиган минерал ўғитлар ва препаратларни қўллаш агротехнологияларини зудликда ташкиллаш лозим.
Бу ва бошқа вазифалар ҳақида туман ҳокими Зулайҳо Маҳкамова, Наманган илмий тажриба станцияси раҳбари Ҳабибулло Ҳожиматовлар тавсиялар беришди.
#RASMIY_XABAR
НАВРЎЗ УМУМХАЛҚ БАЙРАМИНИ НИШОНЛАШ БЎЙИЧА ПРЕЗИДЕНТ ҚАРОРИ ҚАБУЛ ҚИЛИНДИ
2022 йил 17 февраль куни Ўзбекистон Республикаси Президентининг "2022 йилги Наврўз умумхалқ байрамига тайёргарлик кўриш ва уни ўтказиш тўғрисида"ги қарори қабул қилинди.
Бу йилги Нарвўз байрами юртимизда "Ассалом, Наврўз – янгиланиш, меҳр-оқибат ва қадр-қиммат айёми!" деган бош ғоя асосида умумхалқ сайиллари шаклида кўтаринки руҳда ва юқори савияда нишонланади.
Байрам муносабати билан Иккинчи жаҳон уруши қатнашчилари ва фахрийлари, кекса авлод вакилларини ҳар томонлама эъзозланади.
Меҳрибонлик ва Мурувват уйлари тарбияланувчилари, Саховат уйларида яшаётганлар, "Темир дафтар", "Аёллар дафтари", "Ёшлар дафтари" ва "Меҳр дафтари"га киритилган ҳамда кўмакка муҳтож инсонларнинг ҳолидан хабар олиш, уларга беғараз ёрдам бериш билан боғлиқ хайрия тадбирлари амалга оширилади.
Туманимиз аҳолиси диққатига!
Муҳтарам Юртбошимиз раҳбарликларида жорий йилнинг 16 феврал куни ўтказилган “Чорвачилик ва ипакчилик соҳасида 2022 йилда амалга ошириладиган устивор вазифалар”га бағишланган кенгайтирилган видеоселекторда аҳоли жон бошига қишлоқ хўжалиги маҳсулотлари ишлаб чиқариш ҳажмларини кўпайтириш ҳамда истеъмол бозорига кафолатли ва арзон нархларда етказиб берилишини ташкил этиш юзасидан берилган топшириқларни Тўрақўрғон туманида ижросини таъминлаш мақсадида 5 та доимий ишловчи ишчи гуруҳ ташкил этилди.
1-ишчи гуруҳ раҳбари – туман ҳокимининг инвестициялар ва ташқи иқтисодий алоқалар масалалари бўйича ўринбосари Элёрбек Исматуллаев (тел:+99890-261-90-09, телеграмм: +99890-261-90-09).-Наслли қорамолчилик, қўйчилик, эчкичиликни ривожлантириш, қишлоқ хўжалиги маҳсулотларини қайта ишлаш корхоналари фаолиятини кенгайтириш ва янги ташкил этиш масалалари.
2-ишчи гуруҳ раҳбари – туман ҳокимининг биринчи ўринбосари Элёрбек Турғунов (тел:+99899-970-71-00, телеграмм: +99899-970-71-00).-паррандачилик, қуёнчилик, асаларичилик ва балиқчилик соҳаларини ривожлантириш, соҳада янги ташаббускорларни аниқлаш ҳамда фаолиятини йўлга қўйишда амалий ёрдам бериш масалалари.
3-ишчи гуруҳ раҳбари – туман ҳокимининг ўринбосари Ҳакимжон Раҳимов (тел:+99897-426-98-48, телеграмм:+99897-426-98-48).-янги боғ ва токзорлар барпо этиш, эски боғ ва токзорлар ўрнида замонавий интенсив боғлар ва токзорлар ташкил этиш, иссиқхона ва музлаткичли омборлар қуриш ва мазкур соҳада ташаббускорларни аниқлаб, амалий ёрдам бериш масалалари.
4-ишчи гуруҳ раҳбари – туман ҳокимининг ўринбосари Шерзодбек Собиров (тел:+99893-671-00-30, телеграмм: +99893-671-00-30).-Аҳоли хонадонларида томорқадан самарали фойдаланишни йўлга қўйиш, томорқада интенсив боғлар ва токзорлар ташкил этиш, мазкур йўналишда оилавий тадбиркорликни ривожлантириш ва аҳоли даромадларини янада ошириш масалалари.
5-ишчи гуруҳ раҳбари – туман маҳалла ва оилани қўллаб-қувватлаш бўлими бошлиғининг биринчи ўринбосари, ҳоким маслаҳатчиси Шоҳиста Қамбарова (тел:+99891-293-88-40, телеграмм: +99891-293-88-40).-пиллачиликни ривожлантириш, тут плантациялари ташкил этиш ва улардан самарали фойдаланиш, пиллани қайта ишлаш соҳасини ривожлантириш ва соҳада янги ташаббускорларни аниқлаш ҳамда амалий ёрдам бериш масалалари.
**Ушбу йўналишлар бўйича фаолият олиб боришни истаганлар ҳамда янги лойиҳаларга эга фуқаролар ҳар қандай масала ва муаммолар ечими юзасидан ишчи гуруҳ раҳбарларига тўғридан-тўғри мурожаат қилишлари мумкин.
Имкониятдан фойдаланинг ва ўз режа-мақсадингизни амалга оширишга бугундан киришинг!
Тўрақўрғон тумани ҳокимлиги.
Тайинлов
Тўрақўрғон тумани ҳокимининг Инвестициялар ва ташқи савдо масалалари бўйича ўринбосари тайинланди
Ушбу лавозимда Исматуллаев Элёржон Нематжонович иш бошлади. У 1989 йилда Уйчи туманида туғилган, маълумоти олий-Наманган муҳандислик педагогика институтини битирган.
Меҳнат фаолиятини 2014 йилда Наманган шаҳар ҳокимлиги ҳузуридаги Тадбиркорлик субъектларини рўйхатдан ўтказиш инспекциясининг 1-тоифали мутахассислигидан бошлаб, сўнгра бир қатор ташкилотларда давом эттирган.
Ҳозиргача Наманган вилояти ҳокимлигининг ишлаб чиқаришни маҳаллийлаштириш ва саноатда кооперация алоқаларини кенгайтириш масалалари котибияти мудири бўлиб ишлаб келган.
Элёржон Исматуллаев лавозимига кўра, туман ҳокимининг ўринбосари-инвестициялар ва ташқи савдо бўлими бошлиғи ҳисобланади.