Сўнгги янгиликлар
Янгиликлар
Вилоят ҳокими Шавкатжон Абдураззоқов Тўрақўрғон туманида пахта йиғим-теримининг бориши билан танишди.
Туманда жорий йилда 4009 гектар майдонда пахтачилик бўйича меҳнат қилинди. Айни кунда қуёшли кунларни ғанимат билиб, ҳосилни йиғиб олиш авжи паллага кирган. 16089 тонналик хирмонни яратиш сари ҳаракат давом этмоқда.
Вилоят ҳокими “Шарқ замин ёғдуси”, “Тўрақўрғон файз толаси”, “Аҳмаджонов Абдуллажон” фермер хўжаликларида машаққатли меҳнат маҳсули бўлган пахтани тез ва сифатли териб олиш бўйича масъулларга кўрсатмалар берди. Ҳам даромад, ҳам саховат топиш учун далага чиққан ташаббускор ҳамда аҳоли вакилларига совғалар тақдим этилди.
Тўрақўрғон тумани ҳокимлиги Ахборот хизмати.
Тўрақўрғон туманидаги Тепа Найманча маҳалласи фуқаролари “Очиқ бюджет” платформаси орқали аҳоли томонидан овоз йиғиш натижасида ғолибликка эришган эди.
Ҳозирда, мазкур маҳалланинг ички йўллари асфальтланмоқда. Тўрақўрғон тумани прокурори А.Юсупов туман ҳокимининг қурилиш ишлари бўйича ўринбосари Ф.Махмудов ҳамроҳлигида бажарилаётган ишлар аҳволи ўрганилди.
Бундан ташқари, давлат дастури доирасида маҳаллани бошқа ҳудудлар билан боғлаб турувчи кўприк қурилиши ишлар изчил давом этмоқда. Шу ерда жам бўлган нуронийлар қурилиш ишларини назорат қилиб боришаётганини айтиб, халқнинг узоғи яқин бўлишига қаратилган эътибор учун Президентимизга миннатдорчилик билдириб, дуода бўлишди.
Сектор раҳбарлари ёшлар ҳузурида
Ҳафтанинг бугунги кунида барча сектор раҳбарлари тумандаги ташкилот ва муассасалар масъуллари иштирокида ёшлар билан очиқ мулоқотда бўлиши доимий тартибга айланди.
Маданият марказида ўтказилган навбатдаги учрашувда туман ҳокими, 1-сектор раҳбари Ш. Қосимовга уй-жой олиш, тадбиркорликни кенгайтириш, ўқиш учун шартнома пулини қоплаб бериш ва деҳқончилик қилинадиган ерга сув чиқариш, 2-сектор раҳбари, туман прокурори А. Юсуповга тадбиркорлик учун кредит маблағи ажратиш, ишга жойлашиш, субсидияга жиҳоз олиш, 3-сектор раҳбари, туман ИИБ бошлиғи У. Муродиллаевга ўзини ўзи банд қилишга чок машина берилиши, маҳаллани асфальтлаш, 4-сектор раҳбари, ДСИ раҳбари М. Исомиддиновга узоқ муддатга берилган ерни алмаштириш, субсидияга асбоб-ускуна олиш каби масалаларда мурожаатлар тушди.
Тадбир давомида иш сўраганларни талаб этилаётган корхоналарга йўналтирилди, бошқа масалалар ҳам масъуллар томонидан ўрганиб чиқилади.
Тинчликдек бебаҳо неъматни сақламоқ, авайламоқ шу заминда яшаётган ҳар бир фуқаронинг муқаддас бурчидир. Мусаффо осмонимиз, фуқароларнинг фаровон умр кечириши юртимиздаги тинчлик туфайлидир.
Тўрақўрғон маданият марказида шу муносабатлар қамраб олинган семинар-йиғилиш бўлиб ўтди. Туман ҳокимининг ўринбосари Икромжон Парпиев тадбирни очиб берар экан, тинчлигимиз баракали меҳнат қилишимиз, фарзандларимиз ўсиб-улғайишлари, комил инсон бўлиб етишишларига шубҳасиз осуда кунларимиз асос эканлигини таъкидлади.
Тадбирда вилоят Мудофаа ишлари бошқармаси бошлиғи вазифасини бажарувчи Абдурасул Жалилов иштирок этиб, фарзандлар таълим-тарбияси доимий долзарб эканлиги, йигитларимиз жисмоний ва маънавий жиҳатдан юрт ҳимоячиси деган номга лойиқ бўлишликлари ҳақида гапирди. Шунингдек, ҳарбий хизматга чақириш тартиб-таомиллари, бу борада ёшлар етакчиларининг ўрни ҳақида маълумот берди.
Давлат раҳбари томонидан “Камбағалликни қисқартириш ва аҳоли турмуш фаровонлигини ошириш борасидаги чора-тадбирларни янги босқичга олиб чиқиш тўғрисида”ги фармон қабул қилинди.
Фармонга кўра, 2024 йилнинг қолган даврида 500 минг, 2025 йилда 1 миллион нафар аҳолини камбағалликдан чиқариш давлат ижтимоий-иқтисодий сиёсатининг ҳамда барча даражадаги давлат органлари ва ташкилотларининг биринчи даражали вазифаси этиб белгиланди.
Туман ҳокимлигининг мажлислар залида бўлиб ўтган йиғилиш шу мавзуга бағишланди. Унда республика Савдо-саноат палатаси раисининг ўринбосари Зоҳиджон Камолов, туман ҳокими Шерали Қосимов иштирок этишди.
Йиғилишда тумандаги раҳбарларга бириктирилган 5 тадан кам таъминланган хонадонлар, уларни ўрганиш жараёнлари, аниқланган муаммолар ва бартараф этиш чоралари ҳақида сўз борди. Бу оилалар аъзоларини ишга жойлаштириш, ўзини ўзи банд қилиш, тадбиркорликка йўналтиришга амалий ёрдам бериб, камбағалликдан чиқишга кўмаклашиш вазифалари топширилди.