Янгиликлар
Тўрақўрғонда “Янги Ўзбекистон – Олимпия чўққилари” мусобақасининг минтақавий босқичига старт берилди
Тўрақўрғонда “Янги Ўзбекистон – Олимпия чўққилари” мусобақасининг минтақавий босқичига старт берилди
Тумандаги спорт мактабида “Янги Ўзбекистон – Олимпия чўққилари” спорт мусобақасининг биринчи минтақавий босқичи доирасида дзюдо беллашувлари ташкил этилди.
Мусобақада Мингбулоқ, Чуст, Поп ва Тўрақўрғон туманларининг ёш дзюдочилари иштирок этиб, ғолиблик учун ўзаро баҳс олиб боришади. Натижаларга кўра, ғолиб ва совриндор спортчилар медал ва диплом билан тақдирланади.
Тадбирнинг очилиш маросимида туман ҳокимининг ўринбосари Икромжон Парпиев ва вилоятдан келган масъуллар сўз олиб, иштирокчиларга келгуси босқичларда ҳам омад тилашди.
#жойидан
Вилоят ҳокими Шавкатжон Абдураззоқов раҳбарлигидаги Ишчи гуруҳи бугун эрта тонгдан Тўрақўрғон туманида қишлоқ хўжалиги соҳасида олиб борилаётган ишлар билан танишмоқда.
Туманда жорий йилда 4876 гектар майдонда бошоқли дон етиштирилди. 44660 тоннадан зиёд ҳосил олиш режалаштирилган бўлиб, шундан 16269 тонна ғалла давлат ресурслари учун етказиб берилади.
Вилоят ҳокими дастлаб "Зумрад, Ибрат" фермер хўжалигида 38.2 гектар майдондаги ғаллазорда бошланган ўрим жараёнини кўрди. Пишиб-етилган донни нобуд бўлишига йўл қўймасдан тезкорлик билан йиғиштириб олиш, ҳосилдан бўшаган майдонларни пешма-пеш ҳайдаб, келгуси экинга тайёрлаш бўйича зарур топшириқлар берилди. Шунингдек, томчилатиб суғориш асосида парваришланаётган ғўза ниҳоллари ҳам кўздан кечирилди.
"Долзарб 90 кун": ўқувчиларнинг таътили мазмунли ўтмоқда
Президентимиз бошчилигида бўлиб ўтган видеоселекторда белгиланган “Долзарб 90 кун” доирасидаги вазифалар ижроси Тўрақўрғон туманидаги умутаълим мактабларида ҳам амалга ошириляпти. Жумладан, 5 та умумтаълим мактабларидаги кундузги оромгоҳларда 750 нафар ўқувчи қамраб олинган. Бошқа муассасаларда эса турли тўгараклар фаолияти йўлга қўйилган.
Бугун 526 нафар йигит-қизлар таълим оладиган 9-умумтаълим мактабида олиб борилаётган ишлар юзасидан семинар бўлиб ўтди. Унда туман ҳокими Шерали Қосимов иштирок этди.
Дарҳақиқат, мактабда шахмат-шашка, футбол, баскетбол, теннис, рақс, ҳунармандчилик, компютер саводхонлиги бўйича машғулотлар давом этмоқда. Ўқувчилар ўз қизиқишларидан келиб чиқиб, йўналиш танлашган. Бу билан улар фанларни янаям яхшироқ ўзлаштиришади.
Туман ҳокими давлат имтиҳонларини топшираётган битирувчилар билан суҳбатлашди, қувонарлиси, бу ёшларнинг ҳаммаси олий таълимда ўқишни танлашган.
Муассасада ҳар бир кун шундай қизғин жараёнда.
Сирдарё соҳилларида яна бир лойиҳа амалга оширилди
Ахсикент – нафақат Тўрақўрғон тумани, балки вилоятимизнинг ҳам эътиборга молик туризм манзилгоҳларидан бирига айланди. Шу муносабат билан бу тарихий обида жойлашган Сирдарё соҳиллари ободонлаштирилиб, саёҳатчиларга қулай дам олиш шароитлари яратилмоқда.Бугун “Ахсикент соҳили” МЧЖ томонидан яна бир лойиҳа амалга оширилди. Яъни. “Соҳил” спорт ва дам олиш маскани фойдаланишга топширилди. Унинг тақдимот маросимида вилоят ҳокими Шавкатжон Абдураззоқов, нуронийлар, ёшлар вакиллари иштирок этишди.
Таъкидлаш жоизки, мажмуадан сунъий қопламали футбол, варкаут майдони, бадминтон ва замонавий баскетбол майдонлари ўрин олган. Шунингдек, дарё соҳиллари бўйлаб 500 метрли юриш йўлакчаси барпо этилган. Бу спорт турларидан бир кунда 500 киши фойдаланиши учун имконият яратилди.
Тадбиркор Умаржон Мўминов томонидан 1 миллиард 600 миллион сўм сарфланган лойиҳа аҳолига беминнат хизмат кўрсатади. Вилоят ҳокими миннатдорчилик сифатида унга Ташаккурнома ва эсдалик совғалари тақдим этди.
Шу куннинг ўзидаёқ маҳаллалар ўртасида бошланган футбол бўйича мусобақанинг финал босқичи мазкур майдонда бошлаб юборилди.
#ғалла_2025
Тўрақўрғон туманида ҳам ғалла ўримига киришилди
Жорий йилда туманда 4876 гектар майдонда ғалла етиштирилди. Гектаридан 91 центнердан жами 44660 тонна ҳосил олиш режалаштирилган. Шундан 16269 тоннаси давлат ресурслари учун етказиб берилади.
Бугундан буғдой ўримига киришилиши муносабати билан "Комилов Турсунбой" фермер хўжалиги дала шийпонида эҳсон тадбири бўлиб ўтди.
Унда вилоят ҳокими Шавкатжон Абдураззоқов иштирок этди.
Ўрим-йиғимга барча тайёргарликлар пухта кўрилган. 19 та замонавий комбайнлар, шунингдек, дон ташишга мўлжалланган техникалар шай ҳолатда. 19 та отряд тузилиб, уларга мавсум тартиблари тушунтирилди. Кўчма шийпонларда шароит яратилди.
Тадбирда вилоят раҳбари сўз олиб, ўрим-йиғимни аввало адирлик ерларига экилган ва пишиб-етилган майдонлардан бошлаш, отрядга жалб этилган масъуллар ғоят ишчанлик билан фаолият юритишлари ҳақида тўхталди.
Эҳсон тадбирида жонлиқ сўйилиб, нуронийларнинг фотиҳаси билан комбайнлар ишга туширилди.