Янгиликлар
Aholini ro‘yxatga olish – nafaqat davlat uchun balki barcha fuqarolar uchun ham zarur!O‘ylab ko‘ring: siz yashayotgan mahallada maktab yetishmaydi, shifokorlar kam, transport qatnovi kamdan-kam. Shu muammolarning asosiy sababi nimada deb o‘ylaysiz?Yechim shunda: aholini ro‘yxatga olish!Bu qanday foyda beradi?🏥 1. Shifoxona kerakmi? Shahar yoki qishloq bo‘lishi farq qilmaydi!Agar aholining soni, yoshi va sog‘lig‘i haqida aniq ma’lumot bo‘lsa, qayerga qanday shifoxona kerakligi aniqlanadi. Masalan, keksalar ko‘p yashaydigan hududga yurak va qandli diabet shifoxonasi kerak. Bolalar ko‘p bo‘lsa – pediatrlar soni oshiriladi.📚 2. Bolalar maktabda siqilib o‘tiryaptimi?Ro‘yxatga olish orqali yoshlar soni, maktabga boradiganlar soni ma’lum bo‘ladi. Natijada, yangidan maktablar quriladi, o‘qituvchilar soni ko‘paytiriladi. Har bir bola qulay sharoitda o‘qiydi.🚌 3. Jamoat transporti kammi?Aholining zichligi va harakatlanish yo‘nalishlari tahlil qilinadi. Shunga qarab avtobuslar soni ko‘paytiriladi, yangi yo‘nalishlar ochiladi. Ro‘yxatga olish sizga tezroq va qulayroq manzilingizga yetib borish imkonini beradi.💸 4. Davlat yordamidan kimlar foydalanadi?Ayniqsa, kam ta’minlangan oilalar, yolg‘iz keksalar va nogironligi bo‘lgan fuqarolar haqida aniq ma’lumot kerak. Ro‘yxatga olish orqali yordam kimga kerakligini aniqlash osonlashadi, yordam bevosita sizga keladi.🏘 5. Yangi uylar, yangi imkoniyatlar!Aholi soni oshsa – uy-joyga ehtiyoj ham oshadi. Ro‘yxatga olish bu ehtiyojni aniq ko‘rsatadi. Yangi uylar, arzon ipoteka loyihalari – barchasi sizning ishtirokingizga bog‘liq.Bu jarayon xavfsiz va maxfiy!Siz haqingizdagi ma’lumotlar hech qayerda e’lon qilinmaydi. Faqat raqamlar sifatida qayd etiladi. Ismingiz, manzilingiz, shaxsiy ma’lumotlaringiz maxfiy saqlanadi.
Xulosa: bu ish sizsiz bo‘lmaydi!Siz ro‘yxatdan o‘tsangiz – davlat sizning qayerda, qanday yashayotganingizni biladi. Bu esa siz uchun qulaylik, farzandlaringiz uchun imkoniyat, mahallangiz uchun yangi infratuzilma demakdir!________________________________________📣 Ro‘yxatga olish bu – siz uchun, oilangiz uchun, kelajagingiz uchun!Mustaqillikda ilk bor o'tkazilishi rejalashtirilayotgan Aholini ro'yxatga olish tadbirida faol ishtirok eting!!
Юрт қудрати – соғлом авлоди
1 июнь - Халқаро болаларни ҳимоя қилиш куни. Бу байрам бутун дунёда 1950 йилдан бери нишонланади. Ўзбекистон фарзандлари эса ҳар куни, ҳар доим ардоқда.
Тўрақўрғон туманида ана шу сана муносабати билан байрам тадбири ўтказилди. Унда туман ҳокими Шерали Қосимов, Ижтимоий ҳимоя миллий агентлиги вилоят бошқармаси шўъба мудири Баҳодир Алимов, кенг жамоатчилик вакиллари иштирок этишди.
Бугунги кунда туманда 3-7 ёшлиларнинг қарийб 90 фоизи мактабгача таълимга қамраб олинган. 2 ҳамда 21-кўп тармоқли махсус ДМТТларда имконияти чекланган ўғил-қизлар алоҳида эътиборда.
Байрам тадбири ана шу махсус боғчаларнинг тарбияланувчиларини йўқлашдан бошланди. Уларнинг бадиий дастурдаги чиқишлари олқишлар билан кутиб олинди. Сўнгра тумандаги муассасалар болалари қўшиқ, рақс, спорт, расм чизиш бўйича иқтидорларини намойиш этишди. Барчаларига ҳокимлик ва ҳомийларнинг ажойиб совғалари топширилди.
Наманганда 64-Халқаро "Гуллар фестивали" доирасида “Namangan chess festival” халқаро шахмат турнирига старт берилди!
Гуллар шаҳри Наманган 64-Халқаро "Гуллар фестивали" доирасида ўтказилаётган “Namangan chess festival” халқаро шахмат турнирига мезбонлик қилмоқда.
Бугун Давлатобод туманида жойлашган "Янги Ўзбекистон - Ёшлар зиё маскани"да турнирнинг очилиш маросими ўтказилди.
Тадбирда Наманган вилояти ҳокимининг ўринбосари Отабек Бозоров ҳамда Республика Шахмат федерацияси бош котиби Бобуржон Сатторлар сўзга чиқиб, бугунги кунда юртимиз ёшлари ўртасида шахмат спорт турига қизиқиш ортиб бораётгани ва бу боради амалга оширилаётган ишлар хусусида алоҳида тўхталдилар. Турнир иштирокчиларига омад тиладилар.
Эслатиб ўтамиз, мазкур турнирда жаҳоннинг энг ёш гроссмейстерлари ҳамда юртимиздаги шахмат ихлосмандлари иштирок этишмоқда.
#ғалла_2025
Мавсумни соз ва кўнгилли ўтказамиз
Наманган вилоятида жорий йилда 66 минг гектар майдонда бошоқли дон етиштирилмоқда. Гектаридан 87,3 центнердан, жами 576 минг тонна сара ғалла йиғиштириб олиш, шундан 197 минг тонна давлат ресурслари учун жамғариш белгиланган.
Дастлабки ҳисоб-китобларга қараганда Поп ва Чуст туманларида 5-6 июндан, қолган туманларда 7-8 июндан оммавий ўрим-йиғимга киришилади. Бу мавсумни талаб даражасида, нобудгарчиликка йўл қўймасдан ўтказишда техникалар ва уларга бириктирилган масъуллар фаолияти жуда муҳим.
Тўрақўрғон маданият марказида ўтказилган йиғилиш шу масалага бағишланди. Унда Ички ишлар вазири ўринбосари С. Нишонбоев, вилоят ҳокимининг ўринбосари А. Ҳакимов, Косонсой, Чуст, Поп, Мингбулоқ, Наманган ҳамда Тўрақўрғон туманларидан тегишли вакиллар иштирок этишди.
Мавсумда 245 та комбайнлар ўримга жалб қилинган ва шунча отрядлар ташкил этилади.
Йиғилиш давомида донни ўриш ва ташишда белгиланган тартибларга риоя қилиш, нобудгарчиликка йўл қўймаслик, ёнғин ҳодисаларидан огоҳ бўлиш каби вазифалар бўйича тегишли топшириқлар берилди.
Бугун Тўрақўрғон тумани прокурори А.Юсупов “Туркистон” ва ”Шарқ” маҳаллалари аҳолиси билан сайёр қабул ўтказди
Унда фуқаролар томонидан ободонлаштириш, моддий ёрдам ажратиш, автомобиллар ҳаракатини секинлатувчи белги ўрнатиш, кредит ҳамда бошқа соҳаларга оид муаммо ва таклифлар билдирилди.
Шунингдек маҳаллада жиноятларга бефарқ бўлмасликни кенг жамоатчилик ўртасида тарғибот қилиш, жанжалкаш оилалар билан профилактик тадбирларни амалга ошириш бўйича қўшимча топшириқлар берилди.