Сўнгги янгиликлар
Янгиликлар
Туман ҳокимлигининг мажлислар залида умумтаълим мактаблари ҳамда ДМТТ директорлари иштирокида йиғилиш бўлиб ўтди. Унда ташкилий масала кўрилди. Акмал Абдураҳимович Мўминов Тўрақўрғон тумани мактабгача ва мактаб таълими бўлими раҳбари вазифасини бажарувчи этиб тайинланди.
Туман ҳокими Аҳрорбек Мансуров ўз сўзида таълим-тарбия масаласи ҳар доим долзарб эканлиги, чунки мамлакатимиз келажаги тафаккури бой, билимдон ва изланувчан ёшлар қўлида эканлиги ҳақида гапирди. Муассасаларда аввало тартиб-интизом сақланиши, жамоалар аҳил-иноқликда юқори натижаларга эришиш сари ҳаракат қилишларини таъкидлади.
Йиғилишда вилоят ММТБ бошлиғи ўринбосари Хайрулло Абдураҳмонов қатнашди ва туманда тизимда олиб борилаётган ижобий ишларни эътироф этиб, галдаги вазифаларга тўхталди.
☄️☄️Is’hoqxon Ibrat nomidagi Namangan davlat chet tillari instituti Jamoatchilik kengashining 2023/2024-o‘quv yilidagi 1-son Kengash majlisi bo‘lib o‘tdi
Bundan ko‘zlangan maqsad: mamlakatimizda mustaqil fuqarolik institutlarini rivojlantirish va mustahkamlash, ularning erkin faoliyati kafolatlarini ta’minlash, davlat organlarining fuqarolar bilan yaqin hamkorligini yo‘lga qo‘yish, ularning ochiq, shaffof va oshkora faoliyat ko‘rsatishini ta’minlash, davlat organlari faoliyati ustidan ta’sirchan jamoatchilik nazoratini o‘rnatishdan iboratdir.
🇺🇿 O‘zbekiston Respublikasi Prezidentining 2022-yil 9-iyundagi “Is’hoqxon Ibrat nomidagi Namangan davlat chet tillari institutini tashkil etish to‘g‘risida”gi PQ-275-son qarori ijrosi yuzasidan amalga oshirilgan ishlar Jamoatchilik Kengashining kun tartibidan o‘rin oldi. Shu tartib, Ta’lim sifatini nazorat qilish soha yo‘nalishlari, Ma’naviy-ma’rifiy soha, O‘quv uslubiy soha, Ilmiy ishlar va innovatsiyalar sohasi, Moliyaviy-xo‘jalik sohasi bo‘yicha hisobotlar tinglandi.
👩🏫 Jamoatchilik kengashi raisi sifatida To‘raqo‘rg‘on tuman hokimligining Axborot xizmati rahbari Zohida Kenjayeva, a'zolar esa viloyat hamda tumandagi nufuzli davlat tashkilotlari, shuningdek, nodavlat-notijorat tashkilot vakillaridan iborat bo‘lib, har birlari majlis davomida OTM faoliyati, salohiyati, ta’lim-tarbiya uzviyligida olib borilayotgan ishlar yuzasidan o‘z fikr-mulohazalarini bildirib o‘tdilar.
📌Majlis so‘ngida esa Kengash raisi Z.Kenjayeva hamda NamDChTI rektori R.Karimov tomonidan 2024-2025 o‘quv yili uchun kengashning ustuvor vazifalari belgilab olindi.
😨NamDChTI Axborot xizmati!
Туманда жорий йил ҳосили учун 4876 гектар майдонда бошоқли дон экинлари парвариш қилинди ва 47 минг тоннадан зиёд дон ўриб олиниб, бир гектарда ўртача ҳосилдорлик 97,3 центнерни ташкил қилди. Туман бўйича 2 та фермер хўжалиги 100 центнердан юқори, 3 та фермер хўжалиги 90 центнердан 100 центнергача, 16 та фермер хўжалиги 80 центнердан 90 центнергача ҳосил олишди.
Туман ҳокимлигида бўлиб ўтган маросимда мана шу маълумотлар келтирилди. Унда вилоят ҳокимининг ўринбосари Анваржон Ҳакимов иштирок этиб, вилоят ҳокимининг табригини етказди. Тўрақўрғонда қишлоқ хўжалигида инновацион технологиялар амалга кенг тадбиқ этилгани ва унинг натижаларини эътироф этди.
Тадбирда ғалла ўрим-йиғимида фаол иштирок этган ММТП раислари, фермерлар, отряд раҳбарлари ва аъзолари, механизаторлар, сектор раҳбарларига эсдалик совғалари топширилди.
-Мазкур натижага якдиллик ва бирдамлик туфайли эришдик. Олдимизда яна бир муҳим иш – пахтадан ҳам юқори ҳосил етиштириш вазифаси турибди. Шу мавсумда ҳам фидоийлик билан ишлаймиз,-деди туман ҳокими Аҳрорбек Мансуров.
Туман маданият бўлими санъаткорлари бадиий дастур намойиш этиб, иштирокчиларга аъло кайфият бахш этишди.
Тўрақўрғон тумани ҳудудидаги Ибрат массивидан 70 гектар майдон ажратилган бўлиб, бу ерда умумий қиймати бир миллиард долларлик, шундан 936 миллион доллар хорижий инвестиция киритиладиган, қарийб 12 мингтадан ортиқ иш ўрни яратиладиган 22 та лойиҳа амалга оширилади.
Бугун Наманган вилояти ҳокими Шавкатжон Абдураззоқов мазкур бунёд этилаётган "Наманган" ЭИЗда бўлиб, 3 та тўқимачилик саноати ҳамда битта фармацевтика тармоғи бўйича лойиҳаларини амалга оширишга киришган тадбиркорлар билан суҳбатлашди. Ҳозирда уларга ер майдони ажратиб берилган.
Мулоқот давомида вилоят раҳбари тадбиркорларнинг муаммоларини тинглади ва масъул раҳбарларга уларни тезроқ ҳал этиш бўйича кўрсатмалар берди.
Наманган вилояти ҳокимлиги Ахборот хизмати.
Ўзбекистон Республикаси Маданият вазирлиги ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси раиси Рустамбек Қурбанов вилоят ҳокимининг ўринбосари Жамшед Ҳатамов ҳамроҳлигида Тўрақўрғон туманидаги тарихий жойларда бўлишди.
Президентимиз Шавкат Мирзиёевнинг ташаббуслари билан ташкил этилган Исҳоқхон Ибрат ва Қатағон қурбонлари музейи бугунги кунда туманга келувчилар учун қутлуғ зиёратгоҳга айланди. Бу ерда 600 дан зиёд экспонатлар бўлиб, тарихчи ва тилшунос олим, ҳаттот, қози, педагог, рассом Исҳоқхон тўра Ибрат ҳаётидан сўзлайди. Меҳмонлар музейда турли хил маълумотлар, фотосуратлар, асарлар билан танишдилар.
Кейинги манзил Наманган туризмида туб бурилиш ясайдиган ноёб объектга айланаётган, 100 гектар ҳудудни эгаллаган Ахсикент тарихий обидаси бўлди. Ўз даврининг улкан ихтиролар, инновациялар маркази, тамаддун ўчоғи саналган Ахсикентда ички ва ташқи туризмни ривожлантириш мақсадида кенг миқёсдаги лойиҳалар ишлаб чиқилган ва қурилиш жараёнлари давом этмоқда.