Сўнгги янгиликлар
Янгиликлар
Наманган туризмида туб бурилиш ясайдиган ноёб объектга айланади, бу ер вилоятга катта шуҳрат ва иқтисодиётга манфаат келтиради”
Бугун Наманган вилояти ҳокими Шавкатжон Абдураззоқов "Ахсикент" археология паркида бўлиб, давом этаётган қурилиш ишлари, шунингдек, ички ва ташқи туризмни ривожлантириш мақсадида режалаштирилаётган экотуризм дам олиш масканига ишланган лойиҳа-таклифлар билан танишди.
"Ахсикент" улкан ихтиролар, ўз даврининг инновациялари маркази, тамаддун ўчоғи бўлган. Ёдгорлик 100 гектар ҳудудни эгаллаган бўлиб, унинг 15 гектари Ғарбий работ қисмини ташкил этади.
Айни пайтда бу ерда тўртта очиқ осмон музейлари барпо этилмоқда. Ушбу объектлар шу йилнинг охиригача битказилиши режалаштирилган. Улар юқоридаги кириш қисмидан то тубигача яхши сақланган бўлиб, устки томонларини тиклаш жараёнлари давом этмоқда. "Ахсикент" экспедицияси раҳбари, Ўзбекистон фанлар академияси Миллий археология маркази бўлим бошлиғи, профессор Абдулҳамид Анорбоев қазиш ишларига оид янги маълумотларни тақдим этди.
Вилоят ҳокими қурилиш ишларини тезлаштириш, бунинг учун барча шароитлар яратилиши ҳақида кўрсатмалар берди.
Тўрақўрғон тумани ҳокимлиги Ахборот хизмати.
Кўплаб касалликларнинг шаклланиши инсонларнинг болалик даври билан бевосита боғлиқ. Хусусан, ўғил-қизлардаги дудуқланиш ёки нутқий бузилишларга ўз вақтида эътибор қаратилмаса, бир умрлик нуқсонларга сабаб бўлиши мумкин.
Тўрақўрғон туманида 2 та кўп тармоқли махсус мактабгача таълим ташкилотлари бўлиб, унда таянч-ҳаракат, нутқида муаммоси бор 70 нафардан болалар тарбияланади. Бироқ, статистик маълумотлар талаффузда тенгдошларидан орқада қолаётган фарзандлар сони бирмунча кўпроқлигини билдирмоқда.
Наманган давлат университетининг мактабгача таълим ҳамда дефектолог йўналиши бўйича тамомлаган Дилшода Маҳмуджонова “Логопед+мед” марказини очиб, унда нутқ ривожланиши, талаффузнинг бузилиши каби муаммоси бор болаларга ёрдам бериш ташаббуси билан чиқди.
Маданият марказида ташкилланган марказнинг тақдимот маросимида туман ҳокими Аҳрорбек Мансуров, туман прокурори Аҳмадхон Юсупов, нуронийлар, умумтаълим мактаблари ва мактабгача таълим ташкилотлари раҳбарлари иштирок этдилар.
Эътиборлиси, бола бу ерда мактаб фанларини ўқиши, мактабга тайёрланиши ва машғулотларда иштирок этиши учун барча шароитлар яратилган.
Xalqaro tavsiyalarga ko‘ra, aholini ro‘yxatga olish quyidagi muhim tamoyillarga asoslanadi: 1. Markazlashtirish. Aholini ro‘yxatga olishni boshqarishning qat’iy markazlashtirilishi ushbu tadbirni muvaffaqiyatli o‘tkazishning asosiy shartlaridan biridir. 2. Aholini ro‘yxatga olishning muntazamligi. BMT tavsiyalariga ko‘ra, aholini ro‘yxatga olish 10 yilda kamida bir marotaba o‘tkazilishi belgilangan. 3. Aholini ro‘yxatga olish maxsus tayyorlangan mutaxassislar – hisobchilar tomonidan o‘tkazilishi. Mazkur tadbirni amalga oshirish uchun ko‘p miqdorda maxsus xodimlar yollanadi, ularning tarkibiga ziyolilar, talabalar ham kiritilishi mumkin. 4. Aholini ro‘yxatga olishni aniq bir muddatda o‘tkazish. Bu tadbirni amalga oshirishga odatda 10–12 kun talab etiladi. Aholini ro‘yxatga olish bir necha kun davomida o‘tkazilsa ham, ma’lumotlar aniq bir vaqtda – ko‘pincha aholini ro‘yxatga olishning birinchi kunining 0 soatdagi holati bo‘yicha qayd etiladi. Bu aholini ro‘yxatga olishning nozik vaqti, deb ham ataladi. Masalan, chaqaloq aholini ro‘yxatga olish davrida, ammo ana shu aniq muddatdan keyin tug‘ilgan bo‘lsa, u aholi ro‘yxatiga kiritilmaydi. Lekin, kimdir bu aniq nozik muddatda hayot bo‘lib, shundan keyin, ya’ni aholini ro‘yxatga olish davrida vafot etsa, u aholi ro‘yxatiga kiritiladi. 5. Aholini ro‘yxatga olishning belgilab qo‘yilgan aniq dasturining mavjudligi va tadbirni unga qat’iy rioya qilgan holda o‘tkazish. Aholini ro‘yxatga olish dasturi – ro‘yxatga olishda muayyan talablarni hisobga olgan holda, aholiga murojaat qilinadigan savollar ro‘yxatini, ma’lumotlarni qayd etish, to‘plash, qayta ishlash, yakuniy ma’lumotlarni e’lon qilish tartiblarini o‘z ichiga oladi. 6. Aholining to‘liq qamrab olinishi. Aholini ro‘yxatga olishda kimdir unutib qoldirilishi yoki ikki marta ro‘yxatga olinishi hollari uchrasa ham, mavjud aholining ro‘yxatdan joy olinishini ta’minlash asosiy vazifa hisoblanadi. 7. Ma’lumotlarning maxfiyligi va shaxsiylashtirilishi. Aholini ro‘yxatga olishda individual asosda har bir shaxs to‘g‘risidagi yakka ma’lumotlar to‘planadi. Shu bilan birga, respondentlardan olingan ma’lumotlarning nomsizligi kafolatlanadi. Aholini ro‘yxatga olish varaqasidan faqat natijalarni umumlashtirish uchun foydalaniladi. 8. Ixtiyoriylik. Shaxs to‘g‘risidagi ma’lumotlar so‘ralayotgan (respondent)ning javoblari (kichik yoshdagilar uchun – ota-onalari yoki ularning o‘rnini bosadigan shaxslarning) asosida qayd qilinadi va buni hujjat bilan tasdiqlash talab etilmaydi
Тадбирни туман ҳокимининг ўринбосари Ҳ.Маҳмудова очиб берди.
Ижтимоий-маънавий муҳитни соғломлаштириш бўйича амалга оширилиши лозим бўлган вазифалар ҳақида Дин ишлари бўйича қўмита ходими Н.Абдукаримов тумандаги маҳалла фуқаролар йиғинлари раислари, хотин-қизлар фаоллари ва умумтаълим мактабларнинг маънавий-маърифий ишлар бўйича директор ўринбосарларига тушунтиришлар берди.
Тадбир ўзаро савол-жавоб тарзида кўтаринки кайфиятда ўтказилди.
Мулоқотларда бугунги кунда дунё мамлакатлари ўртасида ўзаро интеграциялаш жараёнлари, халқаро майдонда мафкуравий, ғоявий ва информацион курашлар кучайиб бораётган ҳозирги мураккаб ва таҳликали даврда маънавий-ахлоқий тарбия ишларини кучайтириш, ёшларни турли ёт ғоялар ва мафкуравий ҳуружлардан ҳимоя қилиш, юртимизда ҳукм сураётган тинчлик ва осойишталикни қадрига етиш, эҳтиёткорлик ва огоҳликни ошириш лозимлиги таъкидланди.
Инсон саломатлигини асраш ва мустаҳкамлаш, қолаверса, узоқ умр кўришнинг гарови соғлом турмуш тарзи эканлиги бугун барчага аён ҳақиқат. Зеро, ҳар биримиз, энг аввало, ўз соғлиғимизни ўйлашимиз даркор. Ана шунда хотиржам ва фаровон ҳаёт кечирган, кўплаб асоратли хасталикларнинг олдини олган бўламиз.
Олимларнинг фикрича, соғлом турмуш тарзи олти асосий шартга амал қилишга асосланар экан. Булар тўғри овқатланиш, доимо ҳаракатда бўлиш, кун тартиби ва ишни биологик режим асосида ташкил қилиш, руҳий осойишталикни таъминлаш ва зарарли одатлардан тийилиш.
Шу мақсадда бугун эрта тонгдан “Ёшлик” ўйингоҳида уюшмаган аҳоли ҳамда туман тиббиёт бирлашмаси ишчи-ходимлари иштирокида веломарафон, юриш машқлари ўтказилди. Шунингдек, соғлом овқатланиш тавсиялари ва спорт ўйинларига ҳам ўрин берилди.