Сўнгги янгиликлар
Янгиликлар
Давлат хизматини ривожлантириш Агентлиги томонидан давлат фуқаролик хизматчилари учун ташкил этилаётган навбатдаги маърифат соатида Тўрақўрғон тумани ҳокимлиги аппарати ходимлари ҳам иштирок этишди.
Унда дастлаб Ўзбекистон ва хориждаги муҳим жараёнлар дайжести ҳавола этилди. Жумладан, Президентимиз Ш. Мирзиеёв иштирокидаги муҳим сиёсий тадбирларнинг қисқача мазмуни баён қилинди. Мамлакатимизнинг дунё оламидаги обрў-эътибори ҳақида Республика маънавият ва маърифат маркази раҳбари Отабек Хасановнинг мулоҳазалари тингланди.
Сиёсий-маърифат соати давомида Таълим ва тарбия бўйича Япония тажрибаси ҳақидаги видеофильм, “Маҳалладан гапирамиз”, “Мутолаа вақти” рукнлари ҳам намойиш этилди.
Техникалар созлиги қишлоқ хўжалигида асосий манба
Вилоят прокуратураси томонидан Вазирлар Маҳкамасининг 29.04. 2023 йилдаги "Қишлоқ хўжалиги, мелиорация ва йўл-қурилиш техникаларидан фойдаланиш соҳасида давлат хизматлари кўрсатиш тизимини такомиллаштириш чора-тадбирлари тўғрисида" ги 170-сонли қарори ва бошқа норматив-ҳуқуқий ҳужжатлар ижроси юзасидан Агросаноат мажмуи устидан назорат қилиш инспекцияларида текшириш ўтказилди.
Тўрақўрғон туманидаги "Бураматут гулшани" фермер хўжалигида ана шу текшириш якунлари, навбатдаги вазифалар бўйича семинар ташкилланди. Унда вилоят прокуратураси бўлим прокурори Сарваржон Тўхтабоев, бўлим прокурори Хусанбой Аҳмаджонов, Агроинспекциянинг вилоят бошқармаси бошлиғи Нўъмонжон Каримов, туман ҳокими Аҳрорбек Мансуров иштирок этишди.
Маълумотда акс этганидек, вилоят бўйича 22759 та қишлоқ хўжалиги, мелиорация ва йўл-қурилиш техникалари рўйхатга олинган бўлиб, шундан, 1460 та жисмоний ва юридик шахсларга тегишли янги намунадаги техник паспорт, техник гувоҳнома, давлат рақам белгиси ва тракторчи-машинист гувоҳномаси, ID пластик шаклидаги ҳужжатлар алмаштириш чораси кўрилмаган.
Семинарда масъулларга ана шу камчиликларни бартараф этиш топшириқлари берилди. Техникалардан фойдаланиш соҳасида давлат хизматлари кўрсатиш юзасидан ишлаб чиқилган "Тавсиялар китоби" ҳамда буклетлар тарқатилди. Шунингдек, ўқув курсларини тамомлаган 20 нафар ёшларга тракторчи-машинист гувоҳномалари топширилди.
Тўрақўрғон тумани прокурори А.Юсупов томонидан фуқаролар ва тадбиркорларни қийнаб келаётган муаммоларни ўрганиб ҳал этиш мақсадида “Истиқлол” маҳалласида сайёр қабул ўтказилди.
Унда фуқаролар ўзларини қизиқтирган саволларга ҳамда ечимини кутаётган муаммоларига жавоб олдилар.
Шу каби соғлиқни тиклаш, бола пулига ўтиш, янги тадбиркорлик субъектини ташкил этиш учун имтиёзли кредит ажратиш ва электр таъминотини яхшилаш каби масалалар бўйича мурожаатлар келиб тушди. Билдирилган масалаларнинг аксарияти шу куннинг ўзида ижобий ҳал этилмоқда.
Ўрганиш талаб этадиган мурожаатларни белгиланган муддат ва режа асосида ҳал этиш чоралари кўрилмоқда.
Муборак Каъбатуллоҳни тавоф қилиш ҳар бир мўмин-мусулмоннинг энг катта орзуларидан. Юртимиздаги тинчлик, хотиржамлик туфайли ватандошларимизнинг ушбу истаги амалга ошмоқда.
Тўрақўрғон туманидан бу йил жами 110 нафар фуқаро ана шу улуғ сафарга бориш бахтига муяссар бўлишди. Улар сафида узоқ йиллар юрт ривожи учун хизмат қилган азиз инсонлар талайгина.
Бир ой аввал кузатилган зиёратчилар бугун Ҳаж амалларини бажариб, эсон-омон юртга қайтиб келдилар. Туман маданият марказида уларни катта мамнуният ва эҳтиром билан кутиб олинди. Айниқса, ҳожиларнинг яқинлари дийдорлашув онларини сабрсизлик билан кутганлари юз-кўзларида намоён бўлди.
Қўллар дуоларга очилди, юртимизга тинчлик, хотиржамлик, Президентимизга миннатдорчилик сўзлари айтилди.
Вахабова Дилрабо Абдубанно қизи - Тўрақўрғон тумани ҳокимининг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси лавозимида иш бошлади
Д. Вахабова 17.09.1990 йилда Тўрақўрғон туманида туғилган, маълумоти олий, 2012 йилда Наманган давлат университетини, 2023 йилда Ўзбекистон Республикаси Вазирлар Маҳкамаси ҳузуридаги Бизнес ва тадбиркорлик олий мактаби (сиртқи)ни тугатган. Меҳнат фаолияти давомида Тўрақўрғон хизмат кўрсатиш касб-ҳунар коллежи, Исҳоқхон тўра Ибрат номли ижод мактаби, Тўрақўрғон туман 1-сон касб-ҳунар мактабида ўқитувчи, сўнгра шу муассасада ёшлар етакчиси, янги тайинловга қадар ёшлар билан ишлаш бўйича директор ўринбосари бўлган.
Мазкур тайинлов туман ҳокимининг тегишли қарорига асосан амалга оширилди.