Янгиликлар
“Агробанк”да тадбиркорлар билан учрашув ўтказилди
Кеча Президент Шавкат Мирзиёев раислигида ҳудудларнинг туризм салоҳиятини ошириш, хорижий инвестиция лойиҳаларини жадаллаштириш масалалари муҳокамаси бўйича видеоселектор йиғилиши ўтказилди. Унда, жумладан, тадбиркорларни янада қўллаб-қувватлаш, уларнинг муаммоларини ҳал этиш бўйича мутасаддиларга қўшимча топшириқлар берилди.
Бугун туман ҳокими Шерали Қосимов “Агробанк” туман филиали биносида тадбиркорлар ва ишбилармонлик фаолиятини бошлаш ниятидаги фуқаролар билан учрашди. Унда асосан банк кредити олиш, боғларни томчилатиб суғориш учун технологиялар жорий этиш, чорвачилик, мебелсозликни ривожлантириш, коммунал хизматдаги айрим масалаларни ҳал этиш каби мазмунда мурожаатлар билдирилди.
Тадбиркорларнинг ҳаракатларини қўллаб-қувватлаган ҳолда муаммоларнинг аксариятига ечим борлиги айтилди. Савдо-саноат палатаси томонидан бу жараёнлар мувофиқлаштириб борилади.
Халқ депутатлари туман кенгашининг навбатдаги сессияси бўлиб ўтди
Сессияни туман ҳокими, Халқ депутатлари туман кенгаши раиси Шерали Қосимов бошқарди.
Депутатлар эътиборига туман ҳокимининг биринчи ўринбосари Қ. Соходуллаев Ўзбекистон Республикаси Президентининг 2025 йил 27 февралдаги “Хизматлар соҳаси барқарор ривожланиши учун қулай шарт-шароитлар яратишга оид қўшимча чора-тадбирлар тўғрисида”ги 78-қарорини туманда ижросини таъминлаш, ҳуфёна иқтисодиёт улушини камайтириш бўйича, ҳоким ўринбосари И. Парпиев жорий йилнинг биринчи чорагида “Ёшлар баланси”ни шакллантириш, шунингдек, “Ёшлар дафтари”га киритилган ёшларни қўллаб-қувватлаш, ҳоким ўринбосари Ф. Маҳмудов ёқилғи-энергия ресурсларидан ноқонуний фойдаланиш ва беҳуда сарфланишининг олдини олиш ҳамда энергия самарадорлигини ошириш бўйича чора-тадбирларни такомиллаштириш тўғрисидаги ПҚ-133-қарор ижроси юзасидан ахборот беришди.
Сессия давомида Президентнинг тумандаги Халқ қабулхонаси мудири Б. Исақовнинг мурожаатлар билан ишлаш, туман ИИБ бошлиғининг биринчи ўринбосари Ф. Дадажоновнинг жиноятчиликка қарши кураш, жамоат тартиби ва фуқаролар хавфсизлигини таъминлаш бўйича 1-чорак натижалари ҳақидаги маърузалари ҳам тингланди.
Кўрилган масалалар депутатлар томонидан тасдиқланди ва қарорлар қабул қилинди.
#семинар
Бўш вақт мазмундорлиги, назорат ва тарғиботбулар вояга етмаганлар ўртасида жиноят содир этилишига йўл бермайди
Ўзбекистон Республикаси Президентининг 2025 йил 3 январдаги "2025 йилда Республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида"ги ПҚ-1 сонли қарорида вояга етмаганлар таълим-тарбияси, улар томонидан жиноят ва ҳуқуқбузарлик ҳолатлари содир этилишига йўл қўймаслик бўйича алоҳида вазифалар белгиланган.
Бугун Файзиобод маҳалласида жойлашган 24-умумтаълим мактабида ана шу муҳим қарор ижросига бағишланган семинар бўлиб ўтди. Унда мактаб ва ДМТТ директорлари, маҳалла нуронийлари иштирок этишди.
Семинарнинг айнан мазкур муассасада ташкил этилиши бежиз эмас. Ўқувчилар нафақат дарсларда, балки бўш вақтларида ҳам назоратда. Мактаб маъмуриятига кўчабошилар, нуронийлар ёрдам берадилар, турли ҳунарлар ўрганаётган ёшлар ҳам талайгина. Билим даргоҳининг томорқаси меҳнат қадрини эгаллаш учун тайёр манба вазифасини ўтамоқда.
Тадбирда туман ҳокими Шерали Қосимов қатнашиб, барча раҳбарларга шундай эътибор билан ишлаш, вояга етмаганлар томонидан жиноят ва ҳуқуқбузарликлар содир этилмаслиги учун ҳамма чораларни кўриш вазифаси берилди. Синф хоналарига кириб, битирувчи ўқувчиларнинг режалари хусусида суҳбатлашилди.
Шундай семинарларни ҳудудларда ҳар ойда ташкил этишга келишиб олинди.
Aholini roʻyxatga olishning birlamchi maʼlumotlarni kiritish va qayta ishlash axborot tizimining maqsadlari va vazifalari
Aholini roʻyxatga olishning birlamchi maʼlumotlar tizimi Oʻzbekiston Respublikasi hududida yaxlit va har bir maʼmuriy-hududiy birlik boʻyicha aniq bir vaqtda yashovchi shaxslarning turli tavsiflari toʻgʻrisida xalqaro taqqoslana oladigan ishonchli, xolis va yaxlit maʼlumotlarni yagona statistik uslublar asosida yigʻish, qayta ishlash, tahlil etish, taxrirlash, umumiy maʼlumotlarni shakllantirish hamda aholi toʻgʻrisidagi maʼlumotlarni tezkor shakllantirish maqsadida ishlab chiqildi.Quyidagilar axborot tizimini ishlab chiqishning asosiy maqsadlari sifatida inobatga olingan:• aholi tarkibidagi global oʻzgarishlarni baholash, demografik siyosatni, aholi sogʻligʻini mustahkamlash, ayollar va bolalar ahvolini yaxshilash va oilalarga yordam koʻrsatish chora-tadbirlarini ishlab chiqish uchun axborotlar bazasini kengaytirish;• aholi punktlari va shaharlar infratuzilmasini rivojlantirish, mehnat resurslaridan foydalanish va ularni joylantirish boʻyicha qisqa, oʻrta va uzoq muddatli prognozlar, dasturlar tayyorlash va indikativ rejalashtirish;• milliy barqaror rivojlanish maqsadlarini shakllantirish va uning amalga oshirilishi ustidan monitoring oʻtkazish;• aholini roʻyxatga olish davrlari oraligʻida aholi soni va tarkibining joriy hisobini yuritish, aholi sonining hisobi va prognozlarini amalga oshirish uchun statistik bazani yaratish;• ijtimoiy-iqtisodiy muammolar boʻyicha ilmiy tadqiqotlari amalga oshirish.Aholini roʻyxatga olish mamlakatda yashovchi barcha aholiga tegishli boʻlgan demografik, iqtisodiy va ijtimoiy maʼlumotlarni yigʻish, umumlashtirish, baholash, tahlil qilish va eʼlon qilishning yagona jarayonini oʻz ichiga olib, aholi toʻgʻrisidagi maʼlumotlarning asosiy manbai hisoblanadi va u kelgusi 10 – 30 yillik rivojlanishning prognoz koʻrsatkichlarini hisoblash uchun ishonchli poydevor yaratadi.Hududlarni rivojlantirish va jamiyatning ijtimoiy himoyaga muhtoj qatlamlariga yordam koʻrsatish boʻyicha siyosiy va boshqaruv qarorlarini qabul qilish uchun zarur maʼlumotlarni olish imkonini beradi. U aholi sonini ishonchli hisoblash, shuningdek, aniq belgilab qoʻyilgan yagona hisobga olish davrida aholining jinsi, Yoshi, oilaviy ahvoli, maʼlumot darajasi, yashash sharoiti, bandligi, millati, fuqaroligi hamda boshqa demografik, ijtimoiy va iqtisodiy xususiyatlari boʻyicha yakka tartibda hisobga olish va batafsil tavsiflashning universal usulini ishga solgan holda rasmiy statistika tizimida asosiy rol oʻynaydi.
Aholini ro‘yxatga olish bilan Fuqarolarda davlatning ijtimoiy-iqtisodiy siyosatiga ta’sir etish imkoniyati vujudga keladi
Aholini ro‘yxatga olish, avvalo, davlat yoki hukumat emas, balki jamiyatning o‘zi uchun zarur bo‘lib, u vaqti-vaqti bilan o‘z-o‘zini ko‘zguda ko‘rish orqali rivojlanish natijalarini baholash imkoniyatidir. Ro‘yxatga olishda qatnashayotgan har bir fuqaro o‘zi haqidagi ma’lumotlarni taqdim eta turib, o‘zlari mansub bo‘lgan kishilar guruhiga tegishli ijtimoiy dasturlarni ishlab chiqishda ishtirok etadi. Misol uchun, ishsizlarning so‘rovnomadagi javoblari mehnat bozorini o‘rganish va aynan kerakli joyda yangi ish o‘rinlari yaratish imkonini bersa, bolalar soni to‘g‘risidagi ma’lumotlar maktab, maktabgacha ta’lim muassasalari va shu kabi muassasalar qurilishi rejalarini tuzishda qo‘l keladi. Yosh haqidagi ma’lumotlar pensiyaga chiqadiganlar soni, ularning pensiya to‘lovlari uchun zarur bo‘ladigan mablag‘larni jamg‘arib borish imkonini beradi. Har yili maktabgacha ta’lim, umumta’lim maktablari yoki oliy ta’limga qabul qilinadigan yoshlar to‘g‘risidagi ma’lumotlar ham xuddi shunday shakllanadi. Yashash joyi to‘g‘risidagi ma’lumotlar esa har birimizning uyimizgacha keladigan yo‘llar qurilishi, kommunikatsiyalar bilan ta’minlashni rejalashtirish uchun zarur.