Сўнгги янгиликлар
Янгиликлар
Тўрақўрғон туманида 2024 йилда маҳаллалар инфратузилмасини янада яхшилаш бўйича қўшимча чора-тадбирлар давлат дастури доирасида энг долзарб масалаларни тизимли ҳал этиш, хусусан ичимлик сув тизимини қуриш ва реконструкция қилиш бўйича 6,2 млрд.сўм маблағ ажратилган.
Катта Қўрғонча, Сарой маҳаллаларида сув қувурлари ётқизиш учун траншея қазиш, полиэтилен қувурлари монтаж ишлари бажарилмоқда.
Электр тармоғини қуриш ва трансформатор пунктларини ўрнатиш учун 1.8 млрд.сўм маблағ кўзда тутилган. Ҳозирда Ахси махалласида 2 км. тармоқ тортиш, 1 дона ТП 250 кVa трансформатор ўрнатиш ишлари амалга оширилмоқда. Файзиобод маҳалласида эса ички йўлнинг 600 метр қисмини асфальтлаш учун ер ишлари амалда бажарилмоқда.
Паст Найманча билан Тепа Найманча маҳаллаларини боғлаб турувчи кўприкни таъмирлаш учун 4,0 млрд. сўм маблағ ажратилган. Айни дамда лойиҳадаги ишлар изчил давом этмоқда
Тўрақўрғон тумани прокуратурасининг ташаббуси билан қайта тикланувчи энергия манбаларини ва энергия тежовчи технологияларни жорий этишни жадаллаштириш масалаларига бағишланган кўргазмали семинар бўлиб ўтди.
Семинарда вилоят прокуратураси бўлим бошлиғи М.Усмонов, туман сектор раҳбарлари, электр тармоқлари ҳамда газтаъминоти корхонаси масъуллари, тижорат банклари раҳбарлари, тадбиркорлар ва бошқа мутасаддилар иштирок этди.
Тадбир давомида қуёш панели тушунчалари, ажратиладиган кредитлар ҳамда уларнинг афзаллик жиҳатлари бўйича масъул мутасаддиларнинг маърузалари тингланди.
Insonlarning aqaysidir vaziyatini suratga muhirlaydi? Suratlar aynan biror voqea yoki lahzani xotira sifatida saqlash yoki biror bir hodisa tafsilotini boshqalarga yetkazish uchun kerak, shunday emasmi?
Aholini ro‘yxatga olish ham huddi suratga tushishdek gap, faqat bunda davlatning ma’lum davrdagi demografik holati faktlashtiriladi. Ko‘pchilik mamlakatlarda har 10 yilda aholini ro‘yxatga olish o‘tkaziladi.
O‘zbekistonda so‘nggi marta aholini ro‘yxatga olish ishlari 1989 yilda o‘tkazilgan. Mustaqillik yillarida O‘zbekiston Respublikasida aholini ro‘yxatga olish o‘tkazilmagan.Mamlakatimiz aholi sonini aniq hisoblab chiqish ularning jinsi, yoshi, oilaviy ahvoli, ma’lumoti, turmush darajasi, yashash sharoiti, bandligi, millati, fuqaroligi hamda boshqa demografik, ijtimoiy-iqtisodiy xususiyatlari bo‘yicha yagona ma’lumotlar bazasini yaratish maqsadida, davlatimiz rahbari tomonidan“O‘zbekiston Respublikasida Aholini ro‘yhatga olishni o‘tkazish konsepsiyasini tasdiqlash to‘g‘risida” gi farmon imzolandi.
Aholini ro‘yxatga olish O‘zbekistonga qanday foyda keltiradi?
O‘zbekistonda aholini ro‘yxatga olish mamlakat fuqarolariga ijobiy ta’sir ko‘rsatadi bunga misol qilib maktab yoshidagi bolalar soni haqidagi ma’lumotlar maktab qurish bo‘yicha rejalarni muvofiqlashtirishga yordam beradi. Hududlar kesimida qayerda va qaysi sohada yangi ish o‘rinlariga ehtiyoj mavjudligi, qanday mutaxassislar kerakligini bilish uchun ishsizlar soni va ularning malaka darajasini bilish lozim. Favqulodda vaziyatlarda FVV xodimlari, shuningdek, shifokorlar aholini ro‘yxatga olish ma’lumotlari asosida zarur yordam ko‘lamini belgilaydi. Aholi soni va daromadi, uning turar-joyga bo‘lgan ehtiyoji to‘g‘risidagi ma’lumotlarga ega bo‘lgan holda, masalan, maishiy texnika ishlab chiqaradigan korxonalar ishlab chiqarish hajmini prognoz qilishlari mumkin, ularni import qiluvchi kompaniyalar esa xaridlarni rejalashtirishlari va zararni minimallashtirishlari mumkin. Aholini ro‘yxatga olish makroiqtisodiy ko‘rsatkichlarni kelgusi 10−20 yillik davrga prognoz qilish uchun ham zarur. Statistik ma’lumotlar manzilli dasturlarni ishlab chiqish, fuqarolar salomatligini mustahkamlash, oilalarga moddiy ko‘maklashishda muhim ahamiyatga ega.
Ҳадемай таълим муассасаларида ўқув жараёнлари бошланади. Бугуннинг долзарб вазифаси мактаблар раҳбарлари ва ота-оналарга бирдек тегишли, яъни, ўқувчи белгиланган формада, ўқув қуроллари тахт ҳолда келиши керак.
1-ИДУМда ана шу мавзуда семинар бўлиб ўтди. Унда туман ҳокими ўринбосари Икромжон Парпиев, ММТБ раҳбари Акмалжон Мўминов, умумтаълим мактаблари директорлари, ота-оналар иштирок этишди.
Ёшлар масаласи давлат сиёсатининг муҳим қисмига айланган шу даврда улар доно, билимли бўлишлари шарт. Ўқувчилар ташқи кўринишлари билан бошқалардан ажралиб туришлари ҳам унинг бир қисмидир.
Семинарда болаларнинг саломатлиги, ўзини эркин тутиши ҳисобга олинган мактаб формаси 1-ИДУМ мисолида нафақат ўқувчилар, балки ўқитувчилар қиёфасида намойиш этилди.
Тадбир давомида РМММ туман бўлинмаси мутахассиси Гулноза Умарова ҳамда ота-оналар ёшларни шу азиз юрт фарзандлари номига муносиб этиб тарбиялаш борасидаги мулоҳазаларини билдиришди.
Тўрақўрғон туманида 2024 йилнинг 1-мавсумида "Ташаббусли бюджет" дастури доирасида ғолиб деб топилган объектларда қурилиш-пудрат ишлари бошланди.
Мазкур дастур асосида жами 19,8 млрд сўм эвазига 16 та лойиҳада қурилиш-пудрат, шунингдек, моддий-техник базани яхшилаш режалаштирилган.
Жумладан "Паст найманча" маҳалласи, Бирлашган кўчасининг 2,2 км. қисмини асфальтлаш ишлари амалга оширилмоқда.