Сўнгги янгиликлар
Янгиликлар
🔘Toʻraqoʻrgʻon tuman “Inson” ijtimoiy xizmatlar markazi tomonidan oʻtkazilgan oʻrganishlar natijasida tuman boʻyicha jami 309 nafar mehnatga layoqatli nogironligi boʻlgan fuqarolar aniqlangan. Joriy yilda shulardan 17 nafari ish bilan taʼminlandi.
🔘Qolaversa, bugungi seminarda ham nogironligi boʻlgan fuqarolarning yana 16 nafari ish bilan taʼminlandi. Tumanning “Oqtosh tekstil” sochiq fabrikasida boʻlib oʻtgan bandlik seminarida jami 32 nafar nogironligi mavjud fuqarolar ishtirok etdi.
🔘Tuman “Inson” ijtimoiy xizmatlar markazi xodimlari tomonidan ayni mavzuda rejalar qatʼiy belgilab olingan boʻlib, yil yakuniga qadar tumandagi 309 nafar mehnatga layoqatli nogironligi boʻlgan shaxslarning hammasini bandligi taʼminlanishi koʻzda tutilgan.
Наврўз сайиллари давом этмоқда
“Олам нурга тўлсин, сен билан, Наврўз!” бош ғояси билан яшариш ва янгиланиш байрами сайиллари ҳудудларда ғоят кўтаринкилик ўтмоқда.
Тўрақўрғон 2-сонли касб-ҳунар коллежида ҳам жамоа бу кунга алоҳида тайёргарлик кўрди. Баҳор ўз сепини ёйган кезларда байрам тадбирлари ўзгача тус олади. Айниқса, миллий ўйинлар ёшларда қадриятларимизга янада кўпроқ ҳурмат уйғотади. Арқон тортиш, тош кўтариш, қушлар, қўл меҳнати маҳсулотлари кўргазмалари, рақсу қўшиқлар барчага мамнуният бахш этди.
Рамазон меҳр-мурувват, саховат ойи эканлиги билан ҳам қадрлидир. Бу йилги Наврўз байрами ҳам айнан шу муқаддас ойда ўтказилаётгани ижтимоий ҳимояга муҳтож, ёлғиз кексалар, ногиронлиги бор шахсларга янада кўпроқ мурувват кўрсатишга имкониятдир.
Тўрақўрғон тумани бош имом-хатиби Муҳибилло Худойбердиев бошчилигида ҳар икки қутлуғ айём муносабати 100 та хонадонга озиқ-овқат маҳсулотларидан иборат эҳсон қутилари тарқатилди.
Тўрақўрғонда “Олам нурга тўлсин, сен билан, Наврўз!” бош ғояси билан катта байрам тадбири бўлиб ўтди
Бу йил она замин ва табиатга меҳр-муҳаббат, саховат ва мурувват, бунёдкорлик ва олижаноблик каби халқимизга хос эзгу фазилатлар энг қадимий байрамимиз бўлган Наврўз ўзгача руҳ ва тароватда нишонланмоқда.
Айниқса, бугун, жамиятимизда инсон қадри юксалиб, бебаҳо бойлигимиз — еримиз, сувимиз ва табиатимизга, шу борадаги неча минг йиллик анъаналаримизга эътибор кучайиб бораётган Янги Ўзбекистон шароитида бу байрамнинг ҳаётимиздаги ўрни ва аҳамияти янада ортиб бормоқда. Наврўзни муносиб кутиб олиш мақсадида "Обод ва файзли маҳалла-юрт кўрки" шиори билан ҳайрия ҳашари ўтказилгани ҳам бежиз эмас.
Тўрақўрғон туманида ҳам янгиланиш ва яшариш фаслининг гўзал байрами кенг нишонланди. Тадбир аввалида ушбу айём санасида таваллуд топган Исҳоқхон Ибрат ёдланди. Ҳайкали пойига гуллар қўйилди.
Туман ҳокими Аҳрорбек Мансуров ва сектор раҳбарлари, ҳоким ўринбосарлари, нуронийлар, фаоллар билан Наврўз тараннуми акс этган кўргазмалар билан танишишди. Айниқса, умумтаълим мактаблари, мактабгача таълим муассасалари бадиий дастур, эришган ютуқлари билан аҳоли кайфиятини чоғ этишди. Миллий ўйинлар, сумалак сайли, спорт беллашувлари янада авжланди.
Байрам туманимизнинг барча ҳудудларида мана шундай кўтаринки кайфиятда давом этмоқда.
Наврўзингиз муборак, азиз юртдошлар!
Тўрақўрғон туман прокурори Б.Халилов томонидан ичимлик суви, электр энергияси ва табиий газдан бўлган қарздорликларини ундириш юзасидан туман масъуллари иштирокида кунлик муҳокама йиғилиши утказилди.
Хусусан, ўтказилган йиғилишда соҳа масъулларига электр энергияси ва табиий газдан бўлган қарздорликларини ундириш, табиий ресурслардан фойдаланишда ноқонуний ҳолатларни аниқлаш ҳамда уларни олдини олиш ва бартараф этиш чораларини кўриш юзасидан топшириқлар берилиб, ижроси назоратга олинди.