Янгиликлар
#Миллийлик#Наманган
Инсон Ватанининг рамзларини кўрганда қувониб, ўзида ифтихор сезади.Ўзи туғилиб ўсган юртнинг миллий либосларини кийган ЎЗБЕГИМни кўрсак, фахрланамиз ва ичимизда илиқлик пайдо бўлади! Миллийлигимизга кўз тегмасин!
Сектор раҳбарларининг тадбиркорлар билан учрашуви ўтказилди
Тадбиркор – жамиятимизнинг илғор вакиллари, уларнинг иқтисодиётимизни ривожлантириш, янги иш ўринлари яратиш орқали аҳоли бандлигини таъминлашдаги ўрни беқиёс. Шу боис ишбилармонларни қўллаб-қувватлаш давлатимизда устувор йўналишга айланган.
Тўрақўрғон маданият марказида сектор раҳбарлари тадбиркорлар ва тадбиркорликни бошлаш истагидаги фуқаролар билан учрашдилар.
Зарбдор маҳалласидан Муҳриддин Хасанбоев ўқув марказини кенгайтириш учун банк кредити олиш, Паросмондан Маҳмуджон Тўрабоев янги лойиҳа учун ер майдони сўраб, чорбоғлик Самижон Шокиров ДХШ асосида боғча биносини қуриш, чусткўприкдан Нуриддин Исоқов тиббий ускуналар сотиб олиш кредит ажратилиши, шунингдек, мебел ишлаб чиқариш, малина кўчати етиштириш каби мақсадларни амалга оширишда кўмак сўрашди.
-Биз сизлар билан биргамиз, мурожаатларингиз қатъий назоратимизда, муҳими, аниқ режа ва интилишларингиз бор,-деди туман ҳокими Шерали Қосимов.
Бундан учрашувлар ҳар ҳафта давом этади.
Aholini roʻyxatga olish tartibiAholini roʻyxatga olish belgilangan aniq paytda (aholini roʻyxatga olish sanasi) oʻtkaziladi. Respondentlarning shaxsga doir maʼlumotlarini yigʻishda roʻyxatga olish sanasidan keyin sodir boʻlgan demografik holatlar hisobga olinmaydi. Bunda vafot etgan shaxs toʻgʻrisidagi maʼlumotlar uning voyaga yetgan, muomala layoqatiga ega oila aʼzolari yoki fuqarolarning oʻzini-oʻzi boshqarish organlaridagi mavjud maʼlumotlar asosida toʻldiriladi.Aholini roʻyxatga olish jarayonlarida shaxsga doir maʼlumotlarni yigʻish:axborot-kommunikatsiya texnologiyalaridan keng foydalangan (Internet jahon axborot tarmogʻi orqali va planshet qurilmalari yordamida) hamda axborot xavfsizligi talablarini taʼminlagan holda amalga oshiriladi;respondentlar yashaydigan (vaqtincha boʻlib turgan) turar joy va noturar joylarga, binolarga tashrif buyurgan holda uyma-uy yurib soʻrov oʻtkazish orqali amalga oshiriladi. Roʻyxatga olish varagʻi shakllari roʻyxatga oluvchi xodimlar tomonidan planshet qurilmalari yordamida respondentlarning soʻzlari asosida toʻldiriladi;aholini roʻyxatga olishni oʻtkazish davrida yashash (turgan) joyida hozir boʻlmagan yoki voyaga yetmagan shaxslar (respondentlar) toʻgʻrisidagi shaxsga doir maʼlumotlar mazkur uy xoʻjaligining voyaga yetgan aʼzolari tomonidan maʼlum qilinadi. Oʻziga nisbatan vasiylik yoki homiylik belgilangan shaxslar toʻgʻrisidagi shaxsga doir maʼlumotlar ularning vasiylari yoxud homiylari tomonidan maʼlum qilinadi
Сектор раҳбарларининг ёшлар билан очиқ мулоқоти бўлиб ўтди
Тўрақўрғон тумани ҳокимлиги мажлислар залида ташкилланган ушбу тадбирда барча маҳаллалардан келган йигит-қизлар ўз таклиф-мулоҳазалари, мурожаатлари билан иштирок этдилар.
Бугуннинг ёшлари изланувчан, уйғоқ фикрли, ташаббускорлиги билан эътиборда. Очиқ мулоқотда тил ўрганиш борасида тенгдошларига ўрнак бўлаётган вакилларни тақдирлаш, ишга жойлашиш, тадбиркорлик фаолиятини бошлаш учун ер ёки бино олиш, спорт клуби ташкил этиш, контракт тўлови, имтиёзли кредит ажратилиши каби кўплаб масалаларда мурожаатлар билдирилди.
-Бу жойда эшитилган фикрларнинг ҳар бири биз, сектор раҳбарларининг эътиборимизда бўлади. Сизларнинг ўз танлаган йўлингиздан дадил боришингиз учун кўмаклашиш вазифамиздир,-деди туман ҳокими Шерали Қосимов.Тадбир давомида 9-сонли Болалар мусиқа ва санъат мактабининг халқаро танловларда ғолиб бўлган ўқувчилари ижросида куйлар тингланди ва улар тақдирланди.
Халқ депутатлари Тўрақўрғон тумани Кенгашининг 4-сессияси бўлиб ўтди
Сессияни туман ҳокими, Халқ депутатлари туман Кенгаши раиси Шерали Қосимов бошқарди.
Дастлаб кун тартибидаги "Ўзбекистон Республикаси Президентининг 2019 йил 8 январдаги" Ҳудудларни комплекс ижтимоий-иқтисодий ривожлантириш бўйича секторлар фаолиятини янада такомиллаштиришга доир қўшимча чора-тадбирлар тўғрисида"ги ПҚ-4102-сонли қарори ижроси бўйича ўтган 2024 йил 4-чорак давомида Тўрақўрғон туманида амалга оширилган ишлар юзасидан сектор раҳбарларининг ҳисоботи ҳамда "Йўл харита" ларини тасдиқлаш тўғрисида сектор раҳбарларининг ахборотлари тингланди.
Секторлар, ҳудуддаги ташкилотларнинг мурожаатлар ҳамда аҳоли муаммолари билан ишлаш ва ҳоким ёрдамчилари фаолиятининг натижадорлигини ўрганиш юзасидан Ўзбекистон Республикаси Президентининг тумандаги Халқ қабулхонаси мудири Б. Исақов, 2024 йил 2-ярим йиллиги давомида туманда норма ижодкорлиги, ҳуқуқни қўллаш амалиётини ва ҳуқуқий тарғиботни амалга ошириш соҳасида бажарилган ишлар тўғрисида туман адлия бўлими бошлиғи Ф. Раззоқова маълумот беришди.
Шунингдек, сессияда, туман ИИБ жамоат хавфсизлиги хизмати ҳамда ЙҲХГ томонидан 2024 йил давомида амалга оширилган ишлар бўйича ҳисобот берилди.
Сессия давомида туманни 2025 йилда ижтимоий-иқтисодий ривожлантириш Дастури ҳам кўриб чиқилди. Барча масалалар депутатлар томонидан тасдиқланди ва қарорлар қабул қилинди.