Янгиликлар

18.12.2023

Aholini ro`yxatga olish varoqasini shakillantirish.

Ro‘yxatga olish varaqalarini ishlab chiqishda foydalanuvchilarning statistik ma’lumotlarga ehtiyojlari, ro‘yxatga olishni o‘tkazishga qo‘yiladigan ma’muriy talablar, ma’lumotlarni qayta ishlash bilan bog‘liq talablar, shuningdek, aholining hususiyatlari hisobga olinadi. Ro‘yxatga olish ko‘pincha ma’lumotlarni to‘plashning bir necha usullari yordamida o‘tkazilishi sababli, ro‘yxatga olish varaqalarini turli xil ma’lumotlarni yig‘ish usullari doirasida qo‘llashga yaroqliligini sinovdan o‘tkazish kerak. Savolnomada respondetlarning lozim darajada qamrab olinishini taminlashga qaratilgan elementlar bo‘lishi kerak (masalan, kim hisobga olinishi kerak, kim esa yo‘q, ro‘yxatga olish qayerda o‘tkazilishi kerak). Ushbu elementlarni tekshirish uchun so‘rovda qatnashgan respondetlar yig‘indisi uchun taalluqli bo‘lgan turli xil vaziyatlarni yetarlicha qamrab oladigan sifatli sinov o‘tkaziladi. Mazmun-mohiyatidan ro‘yxatga olishdagi sifatni ta’minlash usullari tanlab olinuvchi kuzatuvlarda qo‘llaniladiganlariga o‘xshashdir. Savollar nafaqat umumiy aholi, balki ayrim savollar yo‘naltirilgan yoki aholida tashvishga soladigan (masalan, keksalar, yolg‘iz yashovchilar va o‘z tilida qiyinchiliklarni boshdan kechirayotganlar) respondetlarning muayyan guruhlari uchun tushinarli bo‘lishi va to‘g‘ri talqin qilinishini taminlash uchun sifatli test va kognitiv savollarni nazarda tutish muhimdir.Yangi texnologiyalar bosma ko‘rinishidagina nisbatan imkoniyatlari kengroq bo‘lgan Internet savolnomalarini tatbiq qilish imkonini beradi. Ulardan foydalangan holda javoblarni taqdim etish qamrov nuqtai nazaridan sifatni oshirish mumkin. Shuningdek, ular nomuvofiqliklarni aniqlashga imkon beradi va ularni tuzatish yoki javoblarni tasdiqlash ular respondetlarga yo‘naltiradi. Internet-savolnomalarining tartibi vizual dizayni bosma ko‘rinishidan farq qiladi. Bu qog‘oz va elektron versiyalar o‘rtasidagi faktlar tufayli yuzaga kelishi mumkun bo‘lgan tafovutlarni minimallashtirishga alohida e’tibor berishni talab qiladi. Shunga ko‘ra, bu ro‘yxatga olish varaqasini sinovdan o‘tkazish dasturida e’tiborga olinishi kerak bo‘lgan muhum masala hisoblanadi.Ro‘yxatga olish varaqasini tuzishda alohida bir qiyinchilik shundan iborat bo‘ladiki, bir vaqtning o‘zida uni elektron savolnomalarda bo‘lgani kabi qulay qilish – respondetlar uchun to‘liq ochiq bo‘lishi va uning keyingi qayta ishlanishi, ayniqsa ma’lumotlarni kiritish va kodlash bo‘yicha operatsiyalar bilan bog‘liq talablarga javob berish zarur bo‘ladi. Shunga qaramay, ushbu parametrlarning yakuniy versiyasi sinov dasturi doirasida qabul qilinishidan oldin yaxshilab tekshirilishi muhim.Zikr etilgan barcha hollar bo‘yicha  sinovdan o‘tkazish kichik hajmda (sifatli tekshiruv), so‘ngra keng miqyosida respondetlar salmoqli miqdorini jalb qilgan holda o‘tkazilishi kerak. Keng miqyosli sinovlar sifatli tekshiruvda aniqlab bo‘lmaydigan bir qator potensial muommolarni aniqlashi mumkin. Bunday sinov, shuningdek, bo‘lingan tanlab olishdan foydalanib, savolnomani joylashtirish va dizaynini yaratishning turli xil imkoniyatlarini taqqoslash imkonini beradi. Keng ko‘lamli sinovdan o‘tkazish, shuningdek, so‘rovnomaning boshqa ro‘yxatga olish ishlari talablariga (masalan, ma’lumotlarni yig‘ish, kiritish va kodlash) qay darajada javob berishini baholashga yordam beradi.

16.12.2023

Тадбиркорлар улуши мамлакатимиз иқтисодиётида муҳим ўрин тутади. Улар туфайли кўплаб янги иш ўринлари яратилаётгани эса алоҳида эътирофга лойиқ. Шунинг учун ҳам Президентимиз томонидан тадбиркорлик субъектларига берилаётган имтиёзлар йил сайин ошиб боряпти. Жумладан, солиқ органлари томонидан ўтказиладиган “камерал солиқ текширувлари”да улардан ҳужжатлар талаб қилиб олиш бекор қилинганлиги, солиқ тўловчининг ҳудудига кириш, ортиқча оворагарчиликка йўл қўймаслик шулар сирасидан ҳисобланади.

Туман маданият марказида ҳуқуқни муҳофаза қилиш ҳамда солиқ идоралари раҳбар ва масъул ходимлари, тадбиркорлар иштирокидаги йиғилишда шулар эътироф қилинган ҳолда айрим ҳолларда солиқларни тўлашдан бўйин товлаш, савдо-хизмат кўрсатиш қоидаларини бузиш ҳолатлари учраётгани мисолларда айтиб ўтилди.

Жумладан, айрим тадбиркорлик субъектлари солиқ тўловларини тўламаслик мақсадида ҳақиқий савдо тушумини яшириб, мижозларга сотилган озиқ-овқат ва ноозиқ-овқат маҳсулотлари учун тўловларни банк пластик картаси орқали қабул қилиб, ушбу пул маблағларини жамият ҳисоб-рақамига кирим қилмай товар айланмасини амалга оширишга эришиб, солиқларни тўламасдан давлат манфаатларига зарар етказишмоқда.

Йиғилишда туман прокурори Б. Халилов тадбиркорлар имтиёзлардан фойдаланишлари, ўз навбатида бурчларини ҳам унутмасликлари, акс ҳолда қонун барчага баробар эканлигини тушунтирди.

Тадбирда туман ҳокими А. Мансуров, сектор раҳбарлари иштирок этишди.

12.12.2023

XALQ DEPUTATLARI NAMANGAN VILOYAT TO‘RAQO‘RG‘ON TUMAN KENGAShININGQARORI

Namangan viloyati To‘raqo‘rg‘on tumanining 2024-yilgi mahalliy budjetini tasdiqlash to‘g‘risida

O‘zbekiston Respublikasi “Mahalliy davlat hokimiyati to‘g‘risida”gi Qonunining 6, 24-moddalari, Budjet kodeksining 99-moddasi, 2023-yil ____“2024-yil uchun O‘zbekiston Respublikasining Davlat budjeti to‘g‘risida” 2023-yil __dagi O‘RQ_-son Qonuni hamda xalq deputatlari Namangan viloyati Kengashining 2023-yil __dagi _-son qaroriga muvofiq hamda Namangan viloyati iqtisodiyot va moliya bosh boshqarmasining 2023-yil __dagi ___-sonli xatini inobatga olib, xalq deputatlari To‘raqo‘rg‘on tumani Kengashi

QAROR QILADI:

O‘zbekiston Respublikasining “2024-yil uchun O‘zbekiston Respublikasining Davlat budjeti to‘g‘risida” 2023-yil _dagi O‘RQ-son Qonuni hamda xalq deputatlari Namangan viloyati Kengashining 2023-yil __dagi ___-son qaroriga ijro va rahbarlik uchun qabul qilinsin.Xalq deputatlari Namangan viloyati Kengashining “Namangan viloyatining 2024 yilgi mahalliy budjetini tasdiqlash to‘g‘risida” 2023-yil __dagi _-son qaroriga muvofiq, Namangan viloyati To‘raqo‘rg‘on tumani mahalliy budjetining 2024-yil uchun daromadlari 159 248 003,0 ming so‘m, xarajatlari 243 628 531,0 ming so‘m prognoz qilinganligi hamda viloyatning viloyat budjetidan ajratiladigan tartibga soluvchi budjetlararo transfertlar 84 380 528,0 ming so‘m miqdorida tasdiqlanganligi ma’lumot uchun qabul qilinsin. 2024-yil uchun To‘raqo‘rg‘on tuman mahalliy budjeti daromadlari prognozi 1-ilovaga muvofiq ma’lumot uchun qabul qilinsin.2024-yil uchun viloyat budjetiga ajratiladigan tartibga soluvchi budjetlararo transfertlar miqdori 2-ilovaga muvofiq tasdiqlansin.2024-yil uchun To‘raqo‘rg‘on tuman budjetidan hududiy budjet mablag‘larini taqsimlovchilarga ajratiladigan mablag‘larning cheklangan miqdorlari 3-ilovaga muvofiq tasdiqlansin.2024-yil uchun tuman budjetiga umumdavlat

soliqlaridan ajratmalar normativlari 4-ilovaga muvofiq tasdiqlansin. 2024-yil uchun To‘raqo‘rg‘on tuman budjeti zaxira jamg‘armasi hajmlari 2 167 338,0 ming so‘m miqdorida belgilansin.2024-yil uchun viloyatning To‘raqo‘rg‘on tuman budjeti shaxsiy g‘azna hisobvaraqlarida turgan budjet mablag‘larining yo‘l qo‘yiladigan eng kam miqdori 5-ilovaga muvofiq tasdiqlansin.O‘zbekiston Respublikasining mazkur Qonuni bilan 2024-yilda xalq deputatlari Kengashlarini mahalliy budjetlarni boshqarishda, xususan mahalliy budjet xarajatlarini hududiy budjet mablag‘lari taqsimlovchilar kesimida tasdiqlash va ularning Kengash oldidagi hisobdorligini belgilash bo‘yicha vakolatlari kengaytirilganligi inobatga olinsin.Shuningdek, 2024 yilda quyidagi soliq turlari:a) shahar va tumanlar budjetiga to‘liq hajmda o‘tkaziladi:jismoniy shaxslardan olinadigan mol-mulk solig‘i;jismoniy shaxslardan olinadigan yer solig‘i;mol-mulkni ijaraga berishdan olinadigan yillik daromad to‘g‘risidagi deklaratsiyaga asosan jismoniy shaxslar tomonidan to‘lanadigan, shuningdek yakka tartibdagi tadbirkorlar tomonidan to‘lanadigan jismoniy shaxslardan olinadigan daromad solig‘i;suv resurslaridan foydalanganlik uchun soliq, bundan elektr stansiyalari tomonidan to‘lanadigan soliq mustasno;noruda qurilish materiallari bo‘yicha yer qa’ridan foydalanganlik uchun soliq.b) viloyatning viloyat mahalliy budjetiga to‘liq hajmda o‘tkaziladi:yuridik shaxslarning mol-mulkiga solinadigan soliq;yuridik shaxslardan olinadigan yer solig‘i;yuridik shaxslarning foyda solig‘i;elektr stansiyalari tomonidan to‘lanadigan suv resurslaridan foydalanganlik uchun soliq;davlat daromadiga o‘tkazilgan mol-mulkni realizatsiya qilishdan tushumlar;davlat aktivlarini sotishdan tushumlar;tamaki, alkogol mahsulotlari, shu jumladan pivo (import orqali kirgan mahsulotlardan tashqari), shuningdek mobil aloqa xizmatlari uchun aksiz solig‘i bo‘yicha tushumlar, tegishincha o‘tgan moliya yilining

1 iyul holatiga ko‘ra O‘zbekiston Respublikasi Prezidenti huzuridagi Statistika agentligidan olingan viloyat aholisi sonining respublika aholisi sonidagi ulushiga muvofiq. Bunda daromadlar bo‘yicha prognozning bajarilmagan qismi viloyat budjetiga respublika budjeti mablag‘lari hisobidan qoplanadi.v) viloyat budjeti hamda To‘raqo‘rg‘on tuman budjetlari o‘rtasida taqsimlanadi:jismoniy shaxslardan olinadigan daromad solig‘i.jarimalar;yig‘imlar;davlat aktivlarini joylashtirishdan, foydalanishga (ijaraga) berishdan tushumlar;benzinni, dizel yoqilg‘isini va gazni yakuniy iste’molchilarga realizatsiya qilishdagi aksiz solig‘i;aylanmadan olinadigan soliq.10. To‘raqo‘rg‘on tuman hokimining birinchi o‘rinbosari (Yo.Xo‘jamov), Iqtisodiyot va moliya bo‘limi (U.Axmedxodjayev), Soliq inspeksiyasi (Sh.Azbekov) va mas’ul tashkilotlar bilan birgalikda:tegishli budjetlarni birinchi navbatda ish haqi va unga tenglashtirilgan to‘lovlar, oziq-ovqat va dori-darmon va kommunal xizmatlar xarajatlarining rejalashtirilishini nazarda tutgan holda shakllantirish;mahalliy budjeti prognoz ko‘rsatkichlarni o‘z vaqtida va samarali bajarish;.budjet mablag‘laridan maqsadli va samarali foydalanish;budjet intizomiga rioya etilishi ustidan nazorat va mas’uliyatni yanada kuchaytirish;tegishli mahalliy budjetlarga soliqlar va boshqa majburiy to‘lovlarning to‘liq tushumini ta’minlash;budjet daromadlar bazasini oshirish va qo‘shimcha rezervlarni aniqlash zarurligiga alohida e’tibor qaratsin.11. To‘raqo‘rg‘on tuman soliq inspeksiyasi (Sh.Azbekov) O‘zbekiston Respublikasi Soliq kodeksida belgilangan vakolatlaridan kelib chiqib:soliqlarning to‘liq va to‘g‘ri hisoblanishini hamda ushbu soliqlarni o‘z vaqtida budjetga undirilishi ustidan soliq nazoratini kuchaytirish;yer solig‘i, suv resurslaridan foydalanganlik uchun soliq va mol-mulk soliqlari bo‘yicha doimiy tahlililar o‘tkazgan holda, soliqlarni to‘liq hisoblanishini ta’minlash hamda ushbu soliq to‘lovlari bo‘yicha soliq qarzdorligiga yo‘l qo‘ymaslik choralarini ko‘rish;aylanmadan soliq turi bo‘yicha soliq to‘lovchilar tomonidan naqd pul aylanmalarining soliq hisobotlarida to‘liq aks ettirilishi ustidan doimiy soliq nazoratini o‘rnatish hamda zarur hollarda xronometraj va kameral soliq nazorati tadbirlarini o‘tkazish;Bunda, mazkur yo‘nalishda jamoatchilik nazoratini kuchaytirish maqsadida fuqarolarga xarid chekini talab qilib olishni targ‘ib etuvchi ijtimoiy roliklar hamda video materiallar tayyorlab, ijtimoiy tarmoqlar va ommaviy axborot vositalarida keng targ‘ibot-tashviqot ishlarini olib borishga alohida e’tibor qaratsinlar.xatlov ishlarini samarali tashkil etish orqali yer va mol-mulk solig‘ining soliq bazasini oshirish vazifasi yuklatilsin.To‘raqo‘rg‘on tuman hokimining birinchi o‘rinbosari (Y. Xo‘jamov), Iqtisodiyot va moliya bo‘limi (U.Axmedxodjayev):To‘raqo‘rg‘on tuman budjetida ajratilgan mablag‘lardan jamoatchilik fikri asosida shakllantirilgan tadbirlarni moliyalashtirishga hamda mahalliy budjetlarda shakllangan qo‘shimcha manbalarning kamida30 foizini jamoatchilik fikri asosida shakllantiriladigan tadbirlarni moliyalashtirish uchun “Fuqarolar tashabbusi jamg‘armasi”ga yo‘naltirsin.Bunda, To‘raqo‘rg‘on tumani xalq deputatlari, Yoshlar ishlar agentligi tuman bo‘limi, tuman hokimligi huzuridagi Jamoatchilik kengashlari hamda yangi joriy etilgan hokim yordamchilari budjet jarayonida fuqarolarning faol ishtirokini ta’minlash maqsadida aholiga keng targ‘ibot-tashviqot ishlarini olib borishga masul etib belgilansin;mahalliy budjetlarning qo‘shimcha manbalari hisobidan xarid qilingan tovarlar va xizmatlar, qurilish, rekonstruksiya qilish va ta’mirlash ishlari olib borilayotgan ob’ektlar ro‘yxati, shuningdek qurilish-ta’mirlash ishlarining moliyalashtirilishi to‘g‘risidagi ma’lumotlar har chorak yakunlariga ko‘ra, keyingi chorak birinchi oyining 10 sanasiga qadar majburiy tartibda tegishli hokimlik rasmiy veb-saytlariga joylashtirib borilsin.

Mazkur qaror “Davr” gazetasida rasmiy e’lon qilinsin hamda To‘raqo‘rg‘on tuman hokimligining rasmiy veb-saytiga joylashtirilsin.Mazkur qaror bajarilishini nazorat qilish xalq deputatlari viloyat Kengashining Mahalliy budjetni shakllantirish va ijro etish, iqtisodiy islohotlarni amalga oshirish va tadbirkorlikni rivojlantirish masalalari doimiy komissiyasi va To‘raqo‘rg‘on tumani hokimligiga zimmasiga yuklatilsin.

Halq deputatlari To‘raqo‘rg‘on tumani Kengashi raisi A.Mansurov

Xalq deputatlari To'raqo'rg'on tumani Kengashining 2023 yil «___» __________dagi -sonli qaroriga

1-ilova

Xalq deputatlari To'raqo'rg'on tumani Kengashining 2023 yil «___» __________dagi -sonli qaroriga

2-ilova

Xalq deputatlari To'raqo'rg'on tumani Kengashining 2023 yil «___» __________dagi -sonli qaroriga

3-ilova

Халқ депутатлари_тумани Кенгашининг

2022 йил «____» __________даги ________-сонли қарорига

4-илова

Xalq deputatlari To'raqo'rg'on tumani Kengashining 2023 yil «___» __________dagi -sonli qaroriga

5-ilova

07.12.2023

Тўрақўрғонда ихтисослаштирилган мактаб  фойдаланишга топширилди.

8 декабрь – Ўзбекистон Республикаси Конституцияси қабул қилинган кун олдидан Тўрақўрғон туманида 408 ўқувчи ўрнига эга бўлган  ихтисослаштирилган мактаб  фойдаланишга топширилди. Ушбу мақсад учун 7 млрд. 800 млн. сўмдан ортиқ маблағ сарфланди.

Тақдимот маросимида иштирок этган вилоят ҳокими, Олий Мажлис Сенати аъзоси Шавкатжон Абдуразаков мамлакатимизда ўғил-қизларнинг пухта билим олишлари ва касб-ҳунар эгаллашлари учун яратилган қулай шароитлар ҳақида батафсил гапирди. Хусусан, вилоятда кейинги даврда амалга оширилган таълим соҳасидаги бунёдкорлик ишларига тўхталди.

Маросимда рамзий тасма қирқилиб, йиғилганлар таълим-тарбия муассасасидаги шароитлар билан яқиндан танишдилар. Кенг ва ёруғ хоналар, замонавий жиҳозлар ҳамда қурилмалар ўқувчиларнинг кучли билим ва тафаккурга эга фарзандлар бўлиб етишишларига хизмат қилади.

04.12.2023

Наманган вилояти ИИБ бошлиғи полковник Шухрат Алиев Тўрақўрғон ва Наманган туманларида хизмат олиб бораётган ходимларнинг тунги фаолиятини ўрганди

Вилоятимиз ҳудудида тезкор-профилактик тадбирларнинг “долзарб 40 кунлиги“ доирасида жиноятчилик ва ҳуқуқбузарликларни барвақт олдини олиш, аҳолининг ижтимоий-маиший муаммоларини ижобий ҳал этиш борасида ички ишлар органлари ходимлари томонидан туну кун амалий ишлар олиб борилмоқда.

Бошқарма бошлиғи Наманган туманидаги “Катта Тошбулоқ“, «Хўжақишлоқ» ва «Ибрат» маҳаллалари, шунингдек Тўрақўрғон туманидаги «Шарқ», “Бегобод“ маҳаллаларидаги ҳуқуқ-тартибот масканлари ҳамда ҳудудга бириктирилган масъул ходимларининг тунги фаолиятларини ўрганди.

Ўрганишлар якунида тунги вақтларда ходимлар шахсий хавфсизликни таъминланган ҳолда ҳудуд осойишталигини сақлаш, фуқароларнинг тинчлигини таъминлаш, маҳалла ҳудудини видеокузатув камералари орқали тўлиқ назоратга олиш, ҳудудга бириктирилган соҳа хизмат вакиллари билан самарали иш ташкил этиш бўйича масъулларга аниқ топшириқ ва кўрсатмалар берди.

Наманган вилояти Ички ишлар бошқармаси