Сўнгги янгиликлар
Янгиликлар
#байрам_шукуҳи
Янги йилни оила даврасида қарши олишга не етсин! Аммо, соғлиқ билан боғлиқ ва шунга ўхшаш заруратлар туфайли айримлар байрамни уйдан ташқарида нишонлашга мажбур бўладилар.
Ҳар йилги одатга кўра, туман ҳокими Аҳрорбек Мансуров сектор раҳбарлари билан марказий шифохонанинг болалар бўлимида даволанаётган 70 нафар жажжилар ва уларнинг оналарига Қорбобо ҳамроҳлигида Янги йил совғаларини улашдилар.
Шунингдек, туғруқхона мажмуасидаги 50 нафар она ва чақалоқлар ҳам йўқланди.
Сектор раҳбарлари ҳар икки бўлимдаги шароитлар билан ҳам танишдилар.
#Ташаббус
Янги йил байрами арафасида ОАВ вакиллари таклифи билан Наманган вилоятининг турли маҳаллаларида яшовчи 250 дан зиёд кам таъминланган оилалар фарзандлари учун совғалар ажратилди.
Вилоят ҳокимининг ташаббуси билан Намангандаги барча ОАВлари вакиллари ўзлари таниган, иш фаолияти давомида дуч келган эҳтиёжманд оилалар фарзандларига қувонч улашиш учун таклиф билдирдилар. Уларга янги совғалари, турли ширинликлар, оила рўзғори учун озиқ-овқат маҳсулотлари жамланмасидан иборат совғалар тайёрланди.
Наманган шаҳридаги “Баркамол авлод” спорт мажмуасида ушбу совғаларни ўз эгаларига топшириш жараёни катта шодиёнага айланиб кетди.
Тадбирда Наманган вилояти ҳокими Шавкатжон Абдураззоқов қатнашиб, йиғилганларни яқинлашиб келаётган янги йил байрами билан самимий муборакбод этди.
Шундан сўнг ҳар бир совға эгаларига ОАВ вакиллари иштирокида тантанали равишда тақдим этилди.
Тадбир давомида болажонлар учун Янги йил арчаси атрофида қувноқ дастурлар намойиш этилди.
Наманган вилояти ҳокимлиги ахборот хизмати
Янги йилда янги режалар
Кириб келаётган янги, 2024 йилда ҳам Наманган вилоятида бунёдкорлик ишлари изчил давом этади.
Хусусан, инвестиция-2024 дастури доирасида лойиҳа қиймати 81 та (614,1 млрд. сўм) объектларда қурилиш-таъмирлаш ишлари амалга оширилади.
Шундан:
- 25 таси умумтаълим мактаблари, 11 та мактабгача таълим, 10 та соғлиқни сақлаш, 2 та спорт, 2 та олий таълим, 6 та сув, 1 та иссиқлик, 8 та автомобил йўллари, 7 та ирригация тармоқлари, 4 та мелиорация иншоотлари ва бошқа объектларни ташкил қилади;
- уларнинг 24 таси янги қурилиш, 50 тасида реконструкция ва 7 тасида мукаммал таъмирлаш ишлари бажарилиши кўзда тутилган.
ЯНГИ ЙИЛНИ ЯНАДА УЛКАН МАҚСАДЛАР БИЛАН ҚАРШИ ОЛАМИЗ!
Наманган вилояти ҳокимлиги Ахборот хизмати.
#munosabat
Kecha Oʻzbekiston Respublikasi Prezidenti Shavkat Mirziyoyev raisligida Respublika Maʼnaviyat va maʼrifat kengashining yigʻilishi boʻlib oʻtdi
Unda ijtimoiy soha, madaniyat, taʼlim, pedagoglar faoliyati, yoshlar tarbiyasi va yana boshqa masalalarga toʻxtalib oʻtildi.
Yigʻilish sohada olib borilayotgan islohotlar, xususan, Isʼhoqxon Ibrat nomidagi Namangan davlat chet tillari instituti faoliyatidagi natijalar hamda oldindagi rejalarning inʼikosi misoli bizni ruhlantirdi. Xususan, muhtaram Prezidentimizning: "Mamlakatimiz oʻz taraqqiyotining yangi, yuksak bosqichiga kirayotgan hozirgi paytda bizga jadid bobolarimiz kabi gʻarb ilm-fan yutuqlari bilan birga, milliy qadriyatlar ruhida tarbiya topgan yetuk kadrlar suv bilan havodek zarur", -deya alohida urgʻu berdilar.
Bu taʼkid esa, institutimiz jamoasi tomonidan olib borilayotgan taʼlim jarayonidagi Ibrat domla kabi yetuk kadrlarni tayyorlash uchun sharq va gʻarb tillarining birdayin va mukammal darajada oʻrgatilayotgani, bunga hamohang tarzda milliy qadriyatlarimizga asoslangan holda maʼnaviy tadbirlarning ham oʻtkazib kelinayotgani yoshlarimiz uchun muhim dasturil amalga aylanishiga yana bir bor ishonchimiz komil boʻldi. Davlat yetakchisining olgʻa surayotgan gʻoyalari esa ushbu jarayonni yana ham jadal tarzda yoʻlga qoʻyishimizga munosib turtkidir.
Yana bir eʼtirofga sazovor masala: Prezidentimiz tarjimonlikdek masʼuliyatli mehnatni munosib ragʻbatlantirish uchun ulugʻ shoir va tarjimon Ogahiy nomidagi xalqaro mukofotni taʼsis etishni taklif etdi.
Zero, bu NamDChTIda ayni paytda tarjimonlik nazariyasi va amaliyoti taʼlim yoʻnalishi hamda badiiy va sinxron tarjima mutaxassisligida tahsil olayotgan talaba-yoshlar uchun katta motivatsiyaga aylanishi muqarrar. Aytish joizki, OTMmizdagi dars jarayonlari, shuningdek, maxsus toʻgaraklar orqali talabalarimiz bugungi kungacha koʻplab badiiy asarlar, ayniqsa, Ibrat bobomiz ijodidan bir qator namunalarni roman-german turkumi va sharq tillariga tarjima qilib kelmoqdalar. Endi esa ularning qiayotgan mehnatlari yurtboshimiz tomonidan qoʻllab-quvvatlanishi yoshlarimizni yanada ruhlantirishi aniq.
Oʻzbek tilining davlat tili sifatidagi nufuzini oshirishga alohida eʼtibor qaratilishi ham institutimiz oldida turgan rejalarning istiqbolli ekanini anglatmoqda. Sababi, chet tillari instituti boʻlishimizga qaramay yangi oʻquv yilidan Oʻzbek tili va adabiyoti kafedrasining ham alohida tashkil etilishi belgilanmoqda. Endi esa hech ikkilanishlarsiz yana ham harakatni oshiramiz, sababi, davlat rahbari bizning maqsadlarimizni qoʻllab-quvvatlar ekan, yoshlarimiz ular orzu qilganidek yetuk insonlar boʻlib yetishadilar, albatta.
Xayrullo NISHONOV, NamDChTI birinchi prorektori.
Наманган вилоятида "Обод маҳалла, обод кўча, обод хонадон" мезонлари асосида энг намунали ҳудудга айланган маҳаллалар сони яна биттага кўпайди.
Тўрақўрғон туманининг «Зарбдор» маҳалласи бир-икки ой аввал ҳам энг оғир ҳудудлардан саналарди. Дастур доирасида бу ерда кенг кўламли бунёдкорликлар, ободонлаштириш ишлари амалга оширилди.
Бунда аҳоли турмуш фаровонлигини яхшилаш, тоза ичимлик суви, электр энергияси билан барқарор таъминлаш, ички йўлларни созлаш, умуман олганда, аҳоли муаммоларини бартараф этиш, бандлик масалаларига алоҳида эътибор қаратилгани ўз самарасини берди.
Бугун эрта тонгдан байрамона кайфият билан уйғонган «зарбдор»ликларнинг шодлигига барча шерик бўлди.
Дастур бўйича амалга оширилган ишлар тақдимотида иштирок этган Наманган вилояти ҳокими Шавкатжон Абдураззоқов барча йиғилганларни табриклаб, хонадон эгалари билан суҳбатда бўлди.
Нуронийлар, маҳалла аҳли шундай эзгуликлар ташаббускори бўлган муҳтарам Президентимизга миннатдорчилик билдириб, тараққиёт сари одимлар бардавом бўлишини тилаб, дуо қилдилар.
Маълумот учун: дастур доирасида “Зарбдор” маҳалласига умумий ҳисобда 2 млрд. 807,6 млн. сўм маблағ сарфланди.
Наманган вилояти ҳокимлигиАхборот хизмати