Сўнгги янгиликлар
Янгиликлар
Наманган вилоятининг 2023 йил январь-сентябрь ойлари якуни билан ялпи ҳудудий маҳсулоти ҳажмлари
Наманган вилоятининг 2023 йил 9 ойлик макроиқтисодий кўрсаткичлари таҳлил қилинди.
2023 йил 9 ой якунига кўра, Наманган вилояти бўйича ялпи ҳудудий маҳсулот (ЯҲМ) ҳажми жорий нархларда 33 664,6 млрд.сўмни ташкил этди, ўсиш 105.3%.
Аҳоли жон бошига ЯҲМ 11135,1 минг сўмни ташкил этди, ўсиш 103,0%.
Иқтисодий фаолият турлари бўйича ЯҲМ ишлаб чиқариш ўсиш суръатлари:• Қурилиш - 105,5 %• Саноат - 107,0 %• Хизматлар - 104,6 % • Қишлоқ, ўрмон ва балиқчилик хўжалиги -104,9 %ни ташкил этган.
Иқтисодиёт ва молия бош бошқармаси
Пухта ҳозирлик мавсумда муаммо бўлмаслиги асоси
Кириб келаётган совуқ мавсуми ижтимоий соҳа объектлари ҳамда аҳоли хонадонларида беталофат ўтиши учун пухта ҳозирлик талаб этилади. Тўрақўрғон туманида ҳам бу борада ҳаракатлар эрта бошлаб юборилган.
Вилоят ҳокимлигидан бириктирилган вакил, вилоят прокурори Умирбек Мадраҳимов, туман ҳокими Аҳрорбек Мансуров иштирокида ўтказилган йиғилиш ана шу ишларни изчил давом эттириш мавзусида бўлди.
Ҳар битта маҳаллага туман ташкилотларидан бириктирилган масъул бошчилигида ФВВ, ички ишлар, МФЙ раиси биргаликда икки кун ичида тиббиёт, таълим тизими, аҳоли хонадонларидаги энг зарур муаммоларни аниқлаб чиқадилар. Булар сув, газ, иситиш, кўмир билан таъминланиш билан боғлиқ масалалардир.
Маълумот учун: туманда куз-қиш мавсумини ўтказиш учун штаб ташкил этилган ва у узлуксиз фаолият олиб боради.
#бугун_қабул...
Тўрақўрғон тумани ҳокимининг навбатдаги сайёр қабули Чорбоғ маҳалла фуқаролар йиғини биносида ташкилланди. Мурожаатларни ҳокимнинг биринчи ўринбосари Ёқубжон Хўжамов тинглади.
Ёртепа маҳалласидан келган Ўткир Тўйчиев бузилишга тушган уйи учун компенсация тўланиши, Ўзбекистон маҳалласидан Раънохон Усмонова электр таъминоти, йўлларни таъмири ва тиббиёт муассасасидаги муаммолар, Аҳмаджон Давлатов фермердан ҳақини ундириш, шовонлик Акромжон Юлдашев турмуш ўртоғини даволатиш, чусткўприклик Аброр Саидумаров ўзининг даволаниши учун ёрдам сўрашди.
Бу ва бошқа барча мурожаатлар бўйича ҳуқуқий тушунтиришлар, тавсиялар берилди. Инсон саломатлиги билан боғлиқ масалалар алоҳида назоратга олинди.
Яна бир мактабгача таълим ташкилоти фойдаланишга топширилди
Тўрақўрғон тумани “Қўшқайрағоч” маҳалласида жойлашган 17-сонли мактабгача таълим ташкилоти собиқ дала шийпони-мослаштирилган бинода жойлашган бўлиб, қарийб 30 йилдан бери ўта таъмирталаб, гуруҳ хоналари ҳам тор, болалар учун умуман шароит бўлмаган жойда фаолият юритиб келди.
Ҳозиргача 5 та гуруҳда 100 нафар болаларга 10 нафар педагог ходимлар таълим-тарбия бериб келган.
Муассаса 2023 йил инвестиция давлат дастурига киритилиб, 4 миллиард 864 млн. 440 минг 785 сўм ҳисобига 120 ўринли замонавий бино қуриб битказилди. Бунёдкорлик ишлари Раҳимжон Мамажонов раҳбарлигидаги “Равнақ” МЧЖ томонидан амалга оширилди.
Янги муассасанинг очилиш маросими маҳалла аҳли учун байрамга айланиб кетди. Туман ҳокими ўринбосари Икромжон Парпиев сўзида таъкидлаб ўтганидек, Янги Ўзбекистоннинг болаларига шундай шинам шароитлар ярашади.
Тарбияланувчилар биринчи марта машғулотлар ва дам олиш, овқатланиш хоналари, тадбирлар залига кириб бордилар. Уларнинг кўзидаги қувонч бахтиёрликдан дарак бериб турди.
Наманганда ҳам “Яшил макон” умуммиллий лойиҳасининг куз мавсумидаги жараёнлари бошланди
Вилоятимизда кўкаламзорлаштириш ишларини жадаллаштириш, дарахтлар муҳофазасини янада самарали ташкил этиш бўйича 2023 йил куз мавсумида 6 млн. 543 минг дона мевали, манзарали дарахт ва бута кўчатлари экилиши режалаштирилган.
Тўрақўрғон туманидан бошланган тадбирда вилоят ҳокими Шавкатжон Абдуразаков, вилоят ва туман сектор раҳбарлари, кенг жамоатчилик иштирок этишди.
Туман бўйича 2021 йил куз мавсумидан бугунги кунгача “Яшил макон” умуммиллий лойиҳаси доирасида 2 млн. 600 минг дона кўчатлар экилди. “Шоҳидон нурли диёри” ММТП ҳудудидаги 5,0 гектар майдонда “Яшил боғ” ташкил этилди ва 8,0 мингта дарахт экилди. Тошкент, Исвахон ва Чуст кўприк маҳалласи ҳудудида 3,5 гектар ер майдонда “Яшил жамоат парклари” барпо бўлди. Тўрақўрғон иссиқлик электр станцияси ишлаши ҳисобига ҳавога тарқалаётган зарарни камайтириш мақсадида ҳудуд атрофидаги 2,0 гектар ер майдонда “Яшил белбоғ” яратилиб, 7 минг 100 туп манзарали ва мевали дарахт кўчатлари экилиб, парваришланмоқда. Туман ҳудудига 2023 йил куз мавсумида 580 минг дона, яъни, Япон сафораси, Каталпа, Элдор сасна, Павлония, Қайрағоч, Клеон, Ясин каби 2 000 тупдан ортиқ кўчатлари экилади ва маҳалла фуқаролар йиғинларининг ҳар бирига 200 тупдан жами 13400 туп кўчатлар тарқатилади.