Янгиликлар
"Gold frehs fruits" МЧЖ тумандаги боғдорчиликка ихтисослаштирилган энг йирик корхоналардан бири. Қарийб 650 гектар майдонни эгаллаган боғда меваларнинг, айниқса, гилоснинг энг сархил навлари етиштирилади. Маҳсулотлари асосан Россия, Польша, Малайзия, БАА, Индонезия, Жанубий Корея ва албатта Хитой давлатига экспорт қилинади.
Жамият 6,5 гектар майдонни эгаллаган замонавий агрологистика марказига ҳам эга. Бу ерда мева-сабзавотларни сақлаш, саралаш ва қадоқлаш, меҳмонхона, автотураргоҳ, мева-сабзавот бозори, тарози, автомобилларни ювиш каби хизматлар ҳам йўлга қўйилади.
Бизнес-форумга келган хитойлик меҳмонлар гилосзор боғлар, ишлаб чиқариш имкониятлари билан танишдилар. Келгусида сархил меваларни қайта ишлаш бўйича ҳамкорлик қилишга келишиб олинди
Хитой – дунёдаги иқтисоди энг ривожланган мамлакатлар қаторида туради. Шундай бўлса-да, меҳмонлар Наманганда тадбиркорликни ривожлантириш бўйича амалга оширилган ишларни юқори баҳоладилар.17 гектар майдонни эгаллаган, лойиҳа қиймати 200 миллион еврога тенг "Ифтихор кийим саноати" МЧЖ томонидан барпо этилаётган пахта хомашёсидан ип калава, тўқув, бўяш, тикув ва деним-нонденим ишлаб чиқариш комплекси уларда катта таассурот қолдирди.
Май ойида корхонанинг биринчи босқичи ишга туширилади ва комплекс битгач 3000 кишининг бандлиги таъминланади. Ҳозирда қурилиш ва пардозлаш билан бирга хориждан келтирилган дастгоҳларни ўрнатиш ишлари давом этмоқда.
Тўрақўрғон тумани ҳокимлиги Ахборот хизмати
Isʼhoqxon Ibrat nomidagi Namangan Davlat chet tillari instituti rektori R.Karimovga Toʻraqoʻrgʻon tumani Oʻrda va Axsi MFYdan 23 nafar yoshlar biriktirilgan boʻlib, yoshlarni kasb-hunar, fan, chet tillarini oʻqitish, bandligini taʼminlash bilan bogʻliq asosiy muammolarini oʻrganish hamda vatanparvarlik tuygʻusini shakllantirish va boʻsh vaqtini mazmunli tashkil etish yuzasidan davomli tadbirlarni olib borilishi belgilangan.
Shundan kelib chiqqan holda, institut masʼul xodimlari oʻrganish va yoshlar bilan yuzma-yuz suhbatlashish maqsadida Axsi MFY hududida boʻldilar. Bu mahalladan jami 9 nafar yosh biriktirilgan boʻlib, ularning 4 nafari bilan yuzma-yuz (2 nafar yosh korxonada ishda ekani, 3 nafari esa mavsumiy ishlash uchun boshqa hududga ketganligi sabab ota-onalari bilan) suhbatlashildi.
Tadbir davomida yoshlarning ayni paytdagi bandlik holati, kelajakdagi rejalari, mavjud muammolari hamda maqsadlarini oʻrganish yuzasidan soʻrovnomalar ham oʻtkazildi
3-сектор ҳудудида ҳам Ўзбекистон Республикаси Президентининг 2024 йил 5 апрелдаги «Ёшларга ер ажратиш орқали уларнинг даромадларини ошириш ва бандлигини таъминлаш, шунингдек, янги ер майдонларини ўзлаштириш чора-тадбирлари тўғрисида»ги Қарорига асосан Озод, Ободон, Кумидон маҳалласида яшовчи ишсиз ёшларга очиқ электрон савдога қўйилган майдонлар ажратиб берилмоқда.
Сектор раҳбари, туман ИИБ бошлиғи Улуғбек Муродиллаев ер тарқатиш тадбирларида шахсан иштирок этиб, 30 йил муддатда бу имконият катта самара бериши, фақат меҳнат орқали даромад топиш мумкинлиги ҳақида тушунтириш берди.
Сессияни депутат Одилхон Ходжаев олиб борди.
Кун тартибидаги Ўзбекистон Республикаси Президентининг 2019 йил 8 январдаги “Ҳудудларни комплекс ижтимоий-иқтисодий ривожлантириш бўйича секторлар фаолиятини янада такомиллаштиришга доир қўшимча чора-тадбирлар тўғрисида”ги Қарори ижроси бўйича жорий йилнинг биринчи чорагида амалга оширилган ишлар юзасидан сектор раҳбарларининг ҳисоботи тингланди.
Сўнгра “Ер ресурсларидан оқилона фойдаланиш, ер ҳисобини юритиш ҳамда кадастр хизматлари сифатини яхшилаш бўйича келгусидаги вазифалар ҳамда қишлоқ хўжалигига мўлжалланган ерлардан фойдаланиш ҳолатини ўрганиш натижалари тўғрисида” туман ҳокими ўринбосари Ҳ. Раҳимов, “Очиқ бюджет” ахборот портали якунлари бўйича ғолиб деб топилган лойиҳаларни тасдиқлаш ва маблағларни йўналтириш тўғрисида туман иқтисодиёт ва молия бўлими мудири У. Ахмедходжаевнинг ахбороти эшитилди.
Сессияда Президентнинг тумандаги “Халқ қабулхонаси” етакчи мутахассиси О. Ёқуббоева, адлия бўлими бошлиғи Ф. Раззоқовалар ҳам ўз йўналишларида амалга оширилган ишлар ҳақида маълумот тақдим этдилар. Кўрилган масалалар юзасидан қарорлар қабул қилинди.