Сўнгги янгиликлар
Янгиликлар
Давлатимиз раҳбарининг тегишли топшириғига асосан 2023 йил 30 март куни Ўзбекистон Республикаси ИИВ, Камбағалликни қисқартириш ва бандлик вазирлиги ҳамда Ёшлар сиёсати ва спорт вазирлиги томонидан “Обод ва хавфсиз маҳалла тамойили асосида республика маҳаллаларида хавфсиз муҳитни яратиш механизмларини белгилаш тўғрисида”ги қўшма қарор имзоланган.
Бунда, ҳудудларнинг криминоген вазиятига таъсир қилаётган омиллар шунингдек, комплекс ёндашув асосида амалга оширилиши лозим бўлган профилактик тадбирлар самарадорлигини ошириш, салмоғи юқори бўлган жиноятларни олдини олишнинг ўзига хос хусусиятларини инобатга олган ҳолда махсус контингент билан ишлаш топширилган.
Тўрақўрғон маданият марказида шу мавзу юзасидан маҳаллада фаолият олиб борувчи «бешлик» вакиллари - маҳалла раиси, профилактика инспектори, ҳоким ёрдамчиси, хотин-қизлар фаоли ҳамда ёшлар етакчилари иштирокида семинар ташкилланди.
Тадбирда республика Бош прокуратураси, ИИВ ва бошқа масъул соҳа вакиллари маҳаллаларда ҳуқуқбузарлик ва жиноятчиликни олдини олиш борасидаги янги йўналиш ва механизмлар бўйича тушунчалар беришди.
Ижтимоий-маънавий муҳит барқарорлиги жамият мустаҳкамлигини таъминлайди
Айни кунларда юртимизда жуда кўп ислоҳотлар, ўзгаришлар, янгиликлар бўлаётган бир пайтда дунё саҳнида кечаётган воқеа-ҳодисалар, турли жараёнлар ҳеч кимни бефарқ қолдирмайди. Айниқса, гап тинчлик, тотувлик ҳақида борганида бунга яна бир бор гувоҳ бўлади киши. Аммо инсониятни ташвишга солиб турган бир нарса бор. У ҳам бўлса, динни ниқоб қилиб ҳунрезлик ғояларини олиб бораётган оқимлардир. Шунинг учун ҳам ёшларни бу хавфдан огоҳ этиб, билим ва ҳунар эгаллашга чорлаш билангина натижага эришиш мумкин.
“Шодлик” маданият марказида ўтказилган мулоқотда нафақат ёшлар, балки аҳолининг барча қатламларини шундай бебаҳо юртни азиз билиб, миллий қадриятларимизга ҳурмат руҳида умргузаронлик қилиши ҳақида сўз борди. Унда вилоят ҳокимлигининг дин ишлари бўйича котибият мудири Аҳаджон Мирзаев, вилоят ИИБ терроризм ва экстремизмга қарши курашиш бошқармаси бошлиғи ўринбосари Акромжон Омонов, туман ҳокими ўринбосарлари Икромжон Парпиев, Нозима Баҳриддиновалар иштирок этишди. Маҳаллалардаги хотин-қизлар фаоллари ва отинойиларга туман ИИБ вакили Чўлпоной Абдураҳмонова, фаол аёллар ҳаракати раҳбари Фароғат Абдуллаева, бош отинойи Мушаррафхон Нурматовалар мавзу юзасидан кенг тушунтириш беришди.
Айтиб ўтилганидек, инсон ҳуқуқлари олий қадрият, деб белгиланган қомусимизда давлат ҳам, жамият ҳам, аввало инсон манфаатларига хизмат қилиши, унинг ҳақ-ҳуқуқларини ҳимоя этиши устувор тамойил сифатида аниқ белгилаб қўйилган. Фақат ҳуқуқлар билан бирга бурчлар борлигини ҳам унутмасак, мақсадга етишга эришамиз, дейилди мулоқотда.
Тўрақўрғон тумани 4-сектор раҳбари Ш.Азбеков томонидан маҳаллаларда хавфсиз муҳитни яратиш, аҳоли ўртасида жиноят муҳокамаларини самарали ташкил этиш, “маҳалла бешлиги” вакилларининг ижтимоий профилактика тизимини жорий этиш борасидаги амалга ошириладиган ишларни назорат қилиш тўғрисидаги тегишли топшириқларга мувофиқ ҳудуддаги "Обод" маҳалласи бешлиги билан учрашув ташкил этилди. Мавжуд муаммолар ўрганилиб, масъулларга зарур топшириқлар берилди.
Шу жойнинг ўзида оммавий сайёр қабул ҳам ўтказилди.
Қабул жараёнида, жумладан, фуқаро Шерматова Патилахоннинг моддий ёрдам олиш, Ҳолиқова Ҳидоятнинг Умра зиёратига бориш, Абдураҳимова Ҳабибанинг фарзандини СЧР тўловини тўлашга ёрдам берилиши бўйича мурожаатлари тингланиб, ҳуқуқий тушунтириш берилди. Турсунов Хасанбойнинг Ёшлар жамғармаси орқали ҳайдовчилик гувоҳномасига маблағ ўтказиш ҳақидаги мурожаати қабул жараёнида ижобий ҳал этилди. Ҳакимова Гулбаҳорнинг даволанишга ёрдам кераклиги бўйича мурожаати тегишлилиги бўйича назоратга олинди.
Mahalla fuqoralar yigʼini raislari diqqatiga !!!
Siz faoliyat koʼrsatayotgan mahalla fuqoralar yigʼini tomonidan belgilangan 4-DX shakli choraklik (dehqon va tomorqa xoʼjaliklari faoliyati toʼgʼrisida) xisobotining hisobot davridan keyingi oyning 5-sanasidan kechiktirmay(5-iyuldan) oʼz muddatida eStat-4 orqali elektron tarzda taqdim etishingizning soʼraymiz. eStat-4 avtomatlashtirilgan axborot tizimida mavjud boʼlgan statistika hisobotlarining elektron shaklini (namunasini) Oʼzbekiston Respublikasi Davlat statistika qoʼmitasining www.hisobot.stat.uz rasmiy saytidan olishingiz mumkin.
Eslatma!!! Mansabdor shaxslarning statistika kuzatuvini olib borish uchun zarur boʼlgan hisobot va boshqa maʼlumotlarni taqdim etmaslikda ifodalangan statistika hisobotlarini taqdim etish tartibini buzishi, hisobot maʼlumotlarini buzib koʼrsatishi yoki hisobotlarni taqdim etish muddatlarini buzishi Oʼzbekiston Respublikasi Maʼmuriy javobgarlik toʼgʼrisidagi kodeksning 215-moddasida belgilangan javobgarlikka sabab boʼladi.
Toʼraqoʼrgʼon tuman statistika boʼlimi
