Сўнгги янгиликлар
Янгиликлар
Тўрақўрғон тумани ҳокимлиги Ахборот хизмати томонидан Халқ қабулхонаси мисолида аҳоли мурожаатлари билан ишлаш мавзусида очиқ мулоқот бўлиб ўтди.
Журналист ва блогерларга Президентнинг тумандаги Халқ қабулхонаси мудири Алишер Абдулҳамидов батафсил маълумот берди. 2023 йилнинг 12 ойи давомида Президентнинг Виртуал ва Халқ қабулхонасига 5273 та мурожаатлар келиб тушган. Шулардан 2559 таси ижобий ҳал этилган. 2024 йилнинг икки ойи давомида 1033 та мурожаатлар рўйхатга олиниб, 234 таси ижобий ечим топган. Булар мазмунан ичимлик суви, тиббий хизмат, алимент ундириш масалаларидир.
Фуқаро ва давлатнинг манфаатлари, ҳуқуқлари ва бурчлари билан ўзаро боғлиқлиги бош қомусимизда ҳам белгилаб қўйилган. Халқ қабулхоналари айнан мана шу мақсадлар муштараклигида асосий кўприк вазифасини бажармоқда.
Мудир мурожаатлар секторлар кесимида таҳлил қилиб борилаётгани, сайёр қабуллар мунтазам ўтказиб келинаётгани, мурожаатлар кўпайган ҳудудларга алоҳида эътибор қаратилаётганини таъкидлади.
Очиқ мулоқотда журналистлар қизиққан саволларига жавоблар олдилар
Академик зиёлилар билан учрашди
Алишер Навоий номидаги Тошкент давлат ўзбек тили ва адабиёти университети ректори, филология фанлари доктори, академик Шуҳрат Сирожиддинов 5-умумий ўрта таълим мактабида Тўрақўрғон ва Чуст туманлари зиёлилари билан учрашув ўтказди.
Академик ўз маърузасида бугун юртимизда олиб борилаётган кенг кўламли ислоҳотлар моҳияти, Ўзбекистон ўз тараққиётида янги даврга қадам қўйгани, сиёсий, иқтисодий-ижтимоий, маданий-гуманитар соҳаларда улкан ўзгаришлар амалга оширилаётгани ҳақида сўзлади.
Учрашув жараёнида ўтган йилнинг 22 декабрида ўтказилган маънавият ва маърифат кенгашининг кенгайтирилган йиғилишида муҳтарам Президентимиз Шавкат Мирзиёев томонидан мамлакатимиз зиёлилари олдига қўйилган долзарб вазифалар моҳияти ва жорий йилнинг 5 февралдаги ижтимоий соҳалардаги устувор вазифаларга доир видеоселектор йиғилишида мактабларда тарбия ва маънавият масалалари бўйича кўрсатмалари туманда ёшлар тарбиясига масъулларга ҳаётий мисоллар воситасида тушунтирилди.
Тадбирда, шунингдек, вилоят ҳокимининг маънавий-маърифий ишлар самарадорлигини ошириш, Давлат тили тўғрисидаги қонун ҳужжатларида риоя этилишини таъминлаш масалалари бўйича маслаҳатчиси Ирода Қўчқорова, Тўрақўрғон тумани ҳокими ўринбосари Икромжон Парпиев иштирок этиб, юқоридаги мавзу бўйича мулоҳазаларини билдиришди.
Давлат Учрашув сўнгида иштирокчиларнинг саволларига батафсил жавоб берилди.
XALQ DEPUTATLARI NAMANGAN VILOYATI KENGASHINING
Q A R O R I
2024-yil 11-mart VI-43-27-6-0-K/24
Namangan viloyati Ер участкаларини жамоат эҳтиёжлари учун олиб қўйилиши учун очиқ муҳокама ўтказиш ишларини ташкиллаштириш тўғрисида Ўзбекистон Республикасининг 2022 йил 29 июндаги “Ер участкаларини компенсация эвазига жамоат эхтиёжлари учун олиб қўйиш тартиб-тамоиллари тўғрисида”ги 781-сон Қонуни ҳамда Ўзбекистон Рсепубликаси Вазирлар Махкамасининг 2024 йил 28 февралдаги “Наманган вилоятида жамоат эҳтиёжлари учун айрим ер участкалари олиб қўйилиши муносабати билан мулкдорларга етказилган зарарларни қоплаш чора-тадбирлари тўғрисида”ги 104/8-сонли қарорлари ижросини таъминлаш мақсадида, Ўзбекистон Республикасининг “Маҳаллий давлат ҳокимияти тўғрисида”ги Қонунининг 6 ва 24-моддасига мувофиқ, халқ депутатлари вилоят Кенгаши ҚАРОР ҚИЛАДИ: 1. Ўзбекистон Республикасининг 2022 йил 29 июндаги “Ер участкаларини компенсация эвазига жамоат эхтиёжлари учун олиб қўйиш тартиб-тамоиллари тўғрисида”ги 781-сон Қонуни ҳамда Ўзбекистон Рсепубликаси Вазирлар Махкамасининг 2024 йил 28 февралдаги “Наманган вилоятида жамоат эҳтиёжлари учун айрим ер участкалари олиб қўйилиши муносабати билан мулкдорларга етказилган зарарларни қоплаш чора-тадбирлари тўғрисида”ги 104/8-сонли қарори ижро учун қабул қилинсин. 2. Тўрақўрғон туманида жойлашган “Ахсикент” археологик ёдгорлик мажмуаси барпо этилиши ҳамда жорий йилнинг 25-26 август саналарида “Шарқ тароналари” XIII халқаро мусиқа фестивали ўтказилиши муносабати билан ер участкаларини жамоат эҳтиёжлари учун олиб қўйиш бўйича ташаббус юзасидан ҳудудда жойлашган кўчмас мулк объектлари мулкдорлари билан очиқ муҳокама ўтказилишига розилик берилсин. 3. Тўрақўрғон туман ҳокими (А.Мансуров)га: тумандаги Ер участкаларини компенсация эвазига жамоат эҳтиёжлари учун олиб қўйилиши муносабати билан мулкдорларни тўлиқ ўрганган ҳолда очиқ мулоқатда ҳар бирини иштирокини таъминлаш; очиқ мулоқот якунига кўра амалдаги тартиб қоидалари асосида туман баённомасини тузиш; баённомага очиқ муҳокамада иштирок этган ташаббускор вакилларининг ҳамда ҳуқуқ эгаларининг (улар вакилларининг) рўйхати, шунингдек очиқ муҳокама жараёнининг аудио ва видеоёзуви илова қилинишини тўлиқ таъминлаш; очиқ мулоқот тарзида тайёрланган баённома халқ депутатлари вилоят Кенгашига тақдим этиш вазифалари юклансин. 4. Мазкур қарор қабул қилинган кундан кейин бир иш куни ичида вилоят ҳамда Тўрақўрғон тумани ҳокимликларига юборилсин. 5. Вилоят ҳокимлиги ахборот хизмати (И.Рахматов) ушбу қарор вилоят ва Тўрақўрғон туман ҳокимлигининг расмий веб-сайтларида ва бошқа оммавий ахборот воситаларида, ҳокимликларнинг ижтимоий тармоқлардаги расмий саҳифаларида тўлиқ ҳажмда эълон қилинишини таъминласин. 6. Халқ депутатлари вилоят Кенгашининг мазкур қарорини ижросини таъминлаш туман ҳокими А.Мансуров зиммасига юклансин. 7. Ушбу қарорнинг ижросини назорат қилиш Саноат, транспорт, қурилиш, коммунал соҳа ва аҳолига хизмат кўрсатиш масалалари бўйича доимий комиссияси раиси А.Иминов ҳамда вилоят ҳокимининг ўринбосари Ғ.Джамалов зиммасига юклансин.
Kengash raisi ABDURAZAKOV SHAVKAT SHOKIRDJANOVICH
Аҳолини рўйхатга олиш тадбирини ўтказиш босқичлари, Аҳолини рўйхатга олиш тадбири иқтисодий жиҳатлари ва бу тадбир бизга нима беради?
Бирлашган миллатлар ташкилотига аъзо давлатлар ҳар 10 йилда аҳолини рўйхатдан ўтказишлари орқали аҳоли сони, ёши, жинси, маълумоти, иш жойи, миллати, шунингдек, турар- жойи ва яшаш шароитлари каби саволларга жавоб бериши керак бўлади. Аҳолини рўйхатга олишга тайёргарлик кўриш ва ўтказиш ишлари кенг қамровли тадбир бўлиб, кетма-кет хамда бир вақтнинг ўзида тегишли тадбирларни амалга ошириш мумкин бўлган босқичларни ўз ичига олади. Биринчи босқичда Аҳолини рўйхатга олиш тадбирини ўтказишни тартибга солувчи норматив-ҳуқуқий хужжатлар тайёрланади, рўйхатга олиш тадбири дастурини, аҳолини рўйхатга олишни ўтказиш, унинг натижаларини олиш ва эълон қилишни ташкил этиш услубияти ишлаб чиқилади, хар бир рўйхатга олувчиларни ўз худуди бўйича хариталар билан таъминланадиХар бир хонадон рақамланиши ва кўчалар номланиши амалга оширилади. Шунингдек, рўйхатга олувчиларни танлаш ҳам энг муҳим масалалардан бири ҳисобланади. Чунки маълумотларнинг тўғрилигига бевосита масъул бўладилар ва шакллантирилган маълумотлар хаққоний бўлиши шарт. Бу жараёнга вояга етган ёшдаги ва муомила лаёқатига эга бўлган шахслар жалб этилиши мумкин. Биринчи навбатда, Президент ҳузуридаги статистика агентлиги ва унинг ҳудудий органлари ходимлари, олий таълим муассасалари ўқитувчилари ва юқори босқич талабалари, академик лицейлар ва умумтаълим мактаблари ўқитувчилари, шунингдек, бошқа тоифадаги шахслар ҳам, мазкур жараёнда иштирок этишга рози бўлган тақдирда, жалб қилиниши мумкин. Туман ва шаҳар ҳокимликлари билан биргаликда жойларда рўйхатга олувчи ходимларни ўқитиш бўйича қисқа муддатли ўқув курслари ташкил этилади ва зарурат туғилса, уларга қўшимча маслаҳатлар берилади.Иккинчи босқичда бевосита аҳолини рўйхатга олиш тадбирини ўтказиш ишлари амалга оширилади, яъни аҳоли тўгрисидаги маълумотлар йиғилади.Учинчи боскичда ахолини рўйхатга олиш тадбири натижаларини эълон қилиш ва уларни тарқатиш ишлари амалга оширилади.Аҳолини рўйхатга олиш тадбири иқтисодий жиҳатлари ва бу тадбир бизга нима беради?Халқаро тажрибага асосан, аҳоли сони бўйича аниқ ва яхлит маълумотлар аҳолини рўйхатга олиш асосида олинади. Аҳолини рўйхатга олиш якунларига қараб ўтмиш ва ҳозирги давр ҳақида фикр ва мулоҳазалар юритиш ҳамда келажакни прогноз қилиш мумкин булади.Аҳолини рўйхатга олиш тадбири иқтисодий жиҳатдан бизга нима беради?Биринчидан, аҳоли сони, ёш таркиби, жинси, чет эл фуқаролари ва фуқароларик бўлмаганлар сони, аҳолини яшаш шароитлари ва умумий демокрафик кўрсаткичларга аниқлик киритилади.Иккинчидан, Республика ва ҳудудларни ижтимоий-иқтисодий ривожлантириш, аҳоли бандлиги, аёллар ва болалар саломатлигини яхшилаш ва оилаларга ёрдам кўрсатиш бўйича дастурларни манзилли ишлаб чиқишда ахборот манбаи сифатида хизмат қилади.Учинчидан, аҳоли пунктларининг инфратузилмасини яхшилашда, меҳнат ресурсларидан фойдаланиш ва жойлаштириш бўйича қисқа, ўрта ва узоқ муддатли дастурларни ишлаб чиқишда ишлатилади. Аҳолини рўйхатга олиш тадбирларини ўтказиш билан боғлиқ харажатлар қайси молиявий манбалар ҳисобига қопланади? Ўзбекистон Республикасида аҳолини рўйхатга олишни ўтказиш концепциясига мувофиқ аҳолини рўйхатга олиш тадбирларини ўтказиш билан боғлиқ харажатлар Ўзбекистон Республикаси Президентининг ҳужжатларига ва Вазирлар Маҳкамасининг қарорларига мувофиқ белгиланган тадбирларни амалга ошириш учун кўзда тутилган Ўзбекистон Республикаси Давлат бюджети маблағлари ва қонун билан тақиқланмаган бошқа маблағлар ҳисобига молиялаштирилади. Молиялаштириш учун зарур маблағлар ҳажми Ўзбекистон Республикаси Президенти ҳузуридаги статистика агентлиги, Иқтисодиёт ва Молия вазирлиги ва бошқа масъул идоралар ҳисоб-китоблари асосида, шунингдек, тендер савдолари ва тендер хужжатларини расмийлаштириш натижалари бўйича аниқланади.
#саховат
Ўлкамизга баҳор билан биргаликда муборак Рамазон ойи кириб келмоқда. Ўзида саховат, қадрият, меҳр-оқибатни мужассам этган бу паллада кам таъминланган, эҳтиёжмандларни йўқлаш энг катта савобдир.
Тўрақўрғон тумани ҳокимлиги, “Инсон” ижтимоий хизматлар маркази ҳамкорлигида 40 нафар эҳтиёжмандларга озиқ-овқат маҳсулотлари, 10 нафарига реабилитация воситалари етказиб берилди. Маҳаллалардаги ҳоким ёрдамчилари орқали юборилган ушбу саховат ёрдами кўнгилларни мамнуниятга тўлдирди.
Туман ҳокими Аҳрорбек Мансуров Рамазон ойи давомида бундай йўқлов тадбирлари мунтазам ташкил этилишини билдирди.
Тўрақўрғон тумани ҳокимлиги Ахборот хизмати.