Янгиликлар
#Адлия_хабари
🌙 Namanganda yangi masjid foydalanishga topshirildi
Bugun Toʻraqoʻrgʻon tumanida “Kamolxon Eshon Buva” jome masjidi Namangan viloyat adliya boshqarmasidan davlat roʻyxatidan oʻtkazilib, guvohnoma topshirildi. Bu esa tuman fuqarolariga Muborak Ramazoy oyining kirib kelishi oldidan munosib tuhfa boʻldi desak mubolagʻa boʻlmaydi.
Maʼlum qilinishicha, masjid zamonaviy shaharsozlik talablari asosida qurib bitkazilgan boʻlib, unda tashrif buyuruvchilar uchun barcha qulayliklar mavjud. Masjid 1500 ming nafar odamga moʻljallangan boʻlib, hudud aholisi va mahalliy homiylar mablagʻlari evaziga qurib bitkazilgan.
Maʼlumot oʻrnida, 2022-yil 1-aprel holatida, viloyatda jami 194 ta diniy tashkilotlar mavjud boʻlib, shundan 190 tasi masjidlar, 3 tasi cherkovlar va 1 tasi Musulmonlar idorasining viloyat vakilligi hisoblanadi.
Namangan viloyat adliya boshqarmasi_________Тўрақўрғон туман ҳокимлигининг Ахборот хизмати расмий канали👇Telegram: https://t.me/turakurganaxborotxizmati
Тўрақўрғон туманида 2022 йил пахта ҳосили учун чигит экиш мавсумини уюшқоқлик билан ўтказиш бўйича вилоят кўргазмали семинари бўлиб ўтди
“Аҳмаджонов Абдуллажон” фермер хўжалигида ташкилланган семинарда вилоят ҳокими Шавкатжон Абдуразаков, секторлар раҳбарлари, вилоят ҳокимининг қишлоқ ва сув хўжалиги масалалари бўйича ўринбосари, туманлар ҳокимлари ҳамда чигит экишга масъул бўлган вилоят бошқарма ва идоралари мутасаддилари иштирок этишди.
Вилоятда жорий 2022 йилда 63 минг 406 гектар майдонда 253 минг 624 тонна пахта хом-ашёси етиштириш белгиланган. Мутахассисларнинг фикрича, март ойида бўлиб ўтган ёғингарчиликлар оқибатида тупроқда етарли табиий нам ҳосил қилинди. Бундан оқилона фойдаланиб, чигитни тупроқнинг табиий намига экиб, ундириб олиш чораларини кўриш зарур.
Ерларни экишга тайёрлаш ишларини тунда амалга ошириш, пушта олинган майдонларда пушта устини 10-12 см чуқурликда осма бороналар билан юмшатилиб, эрта тонгдан экиш ишларини амалга ошириш яхши самара беради.
Бунинг учун баҳорги дала ишларида қатнашадиган техника ва агрегатларни яна бир карра кўздан кечириб, Ўзбекистон Республикаси Қишлоқ хўжалиги вазирлиги ҳамда олимлар томонидан ишлаб чиқилган долзарб тавсиялар асосида иш ташкил этиш зарур.
Семинарда, шунингдек, сувдан тежамкорлик билан фойдаланиш, дала майдонлари четларини бўш қолдирмаслик, барча агротехник қоидаларга амал қилиш бўйича мутахассисларнинг тавсия ҳамда кўрсатмалари тингланди.
Сектор раҳбарлари махсус мактаб ўқувчилари билан бир дастурхонда тушлик қилишди
Тўрақўрғон туманидаги 48-имконияти чекланган болалар учун ихтисослашган давлат таълим муассасасида қўшни туманлардан ҳам келган жами 315 нафар болалар парваришланиб тарбияланади. Улар мактаб таълимидан ташқари, дурадгорчилик, тўқувчилик, зардўзлик боғдорчилик ҳунарларини ўрганишади.
Бугун тумандаги сектор раҳбарлари совға-саломлар билан муассасага боришди. Уларга яратилган шароитлар билан танишишди.
Тушлик бўлиб қолгани учун раҳбарлар болалар билан ошхонада тайёрланган эҳсон ошидан баҳам кўришди.
Саховатпеша тадбиркор Маъсуда Содиқова болалар учун кийим-кечаклар олиб келди. Бир сўз билан ифода этсак, бугун муассасада байрам бўлди.
Нуронийлар учун эҳсон тадбири ўтказилди
Халқимиз кексаларни ҳамиша ҳурматлаб, эҳтиром кўрсатади. Ёшларимиз нуронийларни учратса, қўли кўксида, саломга шай ва ҳар қандай хизматига тайёр туради. Маслаҳати-ю, панд-насиҳатига лаббай, дейди танбеҳига доим қулоқ солади. Уйининг, дастурхонининг тўрини ҳар қандай тадбирларда ёши улуғларга атайди.
Қаердаки кексалар бўлса, уларга ҳурмат иззат-эҳтиром кўрсатилса, шу жойга мудом файзу барака ёғилиб туради. Шунинг учун орамизда кекса нуронийларнинг борлиги улуғ неъмат бўлиб, уларнинг панд-у насиҳатлари ватанимиз келажаги учун бебаҳо зийнатдир.
Наврўзи олам фасли ҳамда яқинлашиб келаётган қутлуғ Рамазон ойи муносабати билан туманимиз маҳаллаларида истиқомат қилаётган отахон-онахонларимиздан бир гуруҳи “Бунёдкор” мажмуасига таклиф этилиб, тўкин дастурхон атрофида иззатда бўлдилар. Тадбир сўнггида юртга тинчлик, деҳқончиликларга барака, оилаларга фаровонлик тилаб дуои фотиҳа ўқилди.
“Сиз каби тадбиркорларни ардоқлаймиз”
“Дилрабо СДА ” кўп тармоқли хусусий савдо ишлаб чиқариш корхонаси 2004 йилда ташкил топган. Фаолияти жами 80 турдан ортиқ болалар, эркаклар ва аёлларга трикотаж матолардан ички ва ташқи кийимлар тикишдан иборат бўлган корхонада бугунги кунда 700 нафардан зиёд хотин-қизлар меҳнат қилади. Уларга бепул транспорт ва тушлик жорий этилган, ойлик маошлари ўртача 1,5-2,5 миллион сўмни ташкил этади.
Корхонанинг йиллик ишлаб чиқариш қуввати йилига 1 млн. 250 минг дона, маҳсулотлар юз фоиз Россия, Қозоғистон давлатларига экспорт қилинади.
Туман ҳокими Аҳроржон Мансуров мазкур корхонада бўлиб, иш жараёнлари билан танишди. Унинг раҳбари Маъсуда Содиқова галдаги режалари, экспорт билан боғлиқ янгиликлар ва муаммоларни билдирди.
-Сиз каби тадбиркорларни ардоқлаймиз, муаммо чиқишига асло йўл қўймаймиз. Бу Президентимизнинг талаблари,-деди ҳоким.