Сўнгги янгиликлар
Янгиликлар
Энг қадимий ва олижаноб касб эгалари улуғланди
Жорий йил туманимиз қишлоқ хўжалиги соҳаси учун баракали ва муваффақиятли келди. Туман пиллакорлари деҳқончиликнинг ҳандалаги бўлмиш “кумуш тола” топшириш бўйича тузилган шартномани 178 тонналик хирмон кўтариш билан бажариб, муваффақиятли бошлаб бердилар.
Сўнгра ғаллачиликда 4880 гектар ер майдонларида 81 центнердан, жами 15545 тонна дон қабул қилиш пунктларига топширилди ва шартномавий режага нисбатан 127,2 фоизга ортиғи билан бажарилди.
"Наманган тўқимачи агрокластери" ҳамкорлигида пахта етиштириш ва давлатга сотишни вилоятда биринчи бўлиб бажаришга эришдик. 4269 гектар майдондан жами 15830 тонна юқори сифатли саноат хом ашёси давлат омборларига етказиб берилди. Ҳар гектар ердан қарийб 38 центнердан ҳосил олинди.
Хусусан, “Бураматут гулшани”, “Комилов Турсунбой”, Бахтиёр, Неъмат, Шавкат”, “Каримов Ёқубжон саховати”, “Нўъмонжон ҳожи набираси Асадбек”, “Ситабону”, “Ибрат файз толаси”, “Шоҳидон бургути” каби ўнлаб фермер хўжалиги деҳқонлари катта хирмонга салмоқли улуш қўшишди.
Туман маданият марказида энг қадимий ва олижаноб касб эгалари улуғланди. Туман ҳокими Зулайҳо Маҳкамова ҳамда сектор раҳбарлари улар шаънига муносиб тилакларни билдиришди.
Эл суйган хонанда Мансурхон Нурматовнинг дилтортар қўшиқлари даврага файз киритди.
Бир гуруҳ соҳа фидойилари Ўзбекистон Фермер, деҳқон хўжаликлари ва томорқа ер эгалари кенгаши томонидан қишлоқ хўжалиги ходимлари куни муносабати билан “Илғор фермер”, “ Меҳнаткаш деҳқон”, “Намунали томорқачи” кўкрак нишонлари билан тақдирланган эдилар. Ушбу мукофотлар ўз эгаларига топширилиши билан бирга яна кўплаб вакилларга, оқсоқолларга, МФЙ раисларига туман ҳокимлиги, “Наманган тўқимачи” агрокластерининг совғалари тортиқ қилинди.
Халқ депутатлари Тўрақўрғон туман Кенгашининг 30-сессияси бўлиб ўтди
Туман ҳокими Зулайҳо Маҳкамованинг 2021 йил якунлари ҳамда 2022 йил учун белгиланган истиқболли режалари тўғрисидаги мурожаатида айтилганидек, 2021 йил январь-ноябрь ойлари якуни билан ўтган йилга нисбатан саноат маҳсулотлари ишлаб чиқариш 123,7 фоиз, қишлоқ хўжалиги маҳсулотлари 103,2 фоиз, пудрат ишлари 119,0 фоиз, чакана савдо айланмаси 122,4 фоиз ва жами хизмат ҳажми 122,9 фоизни ташкил этмоқда.
Аҳоли жон бошига саноат маҳсулотлари улуши
8438,1 минг.сўмни (2020 йилда 5578 минг.сўм), қишлоқ хўжалиги маҳсулотлари 6 110,1 минг сўмни (2020 йилда 5071,2 минг сўм), пудрат шлари 1098,0 минг сўмни (2020 йилда 868,2 минг сўм), чакана савдо айланмаси 3406,4 минг.сўмни (2020 йилда 2719,7 минг сўм) ва хизмат ҳажми 2795,5 минг сўмни (2020 йилда 2138,0 минг сўм) ташкил этади.
Маҳаллий бюджет ижроси:
Жорий йилда туман бюджет даромадлари режаси 124,9 млрд.сўмни ташкил этиб, амалда 128,6 млрд.сўмни ёки 3,7 млрд.сўмга (103%) ортиғи билан бажарилиши кутилмоқда.Шунингдек, маҳаллий бюджетнинг харажатлар режаси 203,1 млрд. сўмни ташкил этиб, амалда 206,9 млрд. сўмга ёки 102 фоизга молиялаштирилиши кутилмоқда.
Туман маҳаллий бюджетининг ҳаражатлари қуйидаги масалаларни ҳал этишга йўналтирилди. Жумладан, 2021 йил якуни бўйича ижроси 206 млрд. 900 млн. сўмни ташкил этиши кутилмоқда.
Маблағлар аввало биринчи ва иккинчи гуруҳ харажатларга 148 млрд. 130,2 млн.сўмни умумий ҳаражатдаги улуши 71,6 фоизни ҳамда 58,7 млрд.сўм бошқа ҳаражатларга йўналтирилиши кутилмоқда.
Аҳолини ижтимоий қўллаб-қувватлаш мақсадида аҳолига сув тармоғини яхшилаш, ички йўлларини равон ҳолатга келтириш учун туман чора-тадбир режасига асосан 1,3 млрд.сўм, дастурларнинг параметрларини амалга оширишга йўналтирилди.Бундан ташқари Ижтимоий соҳани 2020/2021 йиллар куз-қиш даврида барқарор ишлашга комплекс тайёрлаш мақсадида 2,8 млрд.сўм маблағлар йўналтирилди.
Табаррук хонадонга ташриф
Тўрақўрғон тумани ҳокими Зулайҳо Маҳкамова меҳмонларни Хўжанд маҳалласида яшовчи узумчи-боғбон Комилжон Юсупов хонадонига бошлади. Анча йиллар олдин боғбонликда донг таратиб, ҳатто Биринчи Президентимиз қўлларидан автомобиль совғасини олган Абдужаббор ота эккан ток кўчатлари бутун қишлоқдаги оилалар томорқаларига илдиз отган, десак муболаға бўлмайди.
Комилжон Юсупов отаси изидан бориб, 15 сотихлик боғида келинбармоқ, ҳусайни, хасайни, Ризамат ота каби серҳосил узум навларини парваришламоқда. Кўчатчилик эса унинг севимли машғулоти. Қўшни туман ва вилоятлардан ҳам харидорлар келиб, ток қаламчаларини ихлос билан олиб кетишади.
Вилоят ҳокимининг ўринбосари Анваржон Ҳакимов, Фермерлар кенгаши раиси Носиржон Каимов ва иштирокчилар бу ерда ток кўчати ўтқазишда иштирок этишди.
Аҳолини рўйхатга олишнинг заруриятлари Аҳолини рўйхатга олиш мамлакатда яшовчи барча аҳолига тегишли бўлган демографик, иқтисодий ва ижтимоий маълумотларни йиғиш, умумлаштириш, баҳолаш, таҳлил қилиш ва эълон қилишнинг ягона жараёнини ўз ичига олиб, аҳоли тўғрисидаги маълумотларнинг асосий манбаи ҳисобланади ва у келгуси 10 — 30 йиллик ривожланишнинг прогноз кўрсаткичларини ҳисоблаш учун ишончли пойдевор яратади, ҳудудларни ривожлантириш ва жамиятнинг ижтимоий ҳимояга муҳтож қатламларига ёрдам кўрсатиш бўйича сиёсий ва бошқарув қарорларини қабул қилиш учун зарур маълумотларни олиш имконини беради. У аҳоли сонини ишончли ҳисоблаш, шунингдек, аниқ белгилаб қўйилган ягона ҳисобга олиш даврида аҳолининг жинси, ёши, оилавий аҳволи, маълумоти даражаси, яшаш шароити, бандлиги, миллати, фуқаролиги ҳамда бошқа демографик, ижтимоий ва иқтисодий хусусиятлари бўйича якка тартибда ҳисобга олиш ва батафсил тавсифлашнинг универсал усулини ишга солган ҳолда расмий статистика тизимида асосий роль ўйнайди.
ҲАР БИР МУАММОНИНГ ЕЧИМИ БОР
буларни мутасаддиларнинг ўзи назоратга олса янада тезроқ ҳал бўлади
Бу галги туман ҳокими қабули ҳам хизмат кўрсатувчи идоралар, муассаса, корхона ва ташкилотлар вакиллари иштирокида ўтганлиги билан янада аҳамиятли бўлди. Сабаби, мурожаат этувчиларнинг шикоятлари, таклиф ва истакларини ўрганиш жараёнида тегишли идоралар ёки муассасалар мутасаддилари фуқаролар билан юзма-юз суҳбатлашиб, муаммоларга ечим йўлларини ахтардилар. Шу сабабли мурожаатчиларнинг ҳоким қабулига киришларига ҳожат ҳам қолмади.
Масалан, Ёртепакўча маҳалласидан келган халқ вакиллари билан мулоқотда бўлган Тумангаз раҳбари вазифасини бажарувчи Муҳриддин Дадахонов табиий газ билан боғлиқ масалани тезда ўрганиб, жойида ҳал этишга киришди.
Дашт маҳалласида электр токи таъминотидаги қийинчиликлар юзасидан туман электр тармоқлари корхонаси раҳбари Шерали Қўзиев мурожаатчилар билан гаплашди, аҳволни ўнглаш бўйича чоралар кўриладиган бўлди.
Шунингдек, туман Пенсия жамғармаси туман бўлими бошлиғи ўринбосари Ҳошимжон Маматқулов бир неча фуқароларга болалар пули ҳамда моддий ёрдам пуллари тўланиши бўйича ҳуқуқий маслаҳатлар берди.
Ҳоким Зулайҳо Маҳкамова томонидан ҳар бир мурожаатчининг арзи алоҳида эътибор билан тингланди. 6-мактаб ўқитувчиси Зарифа Асқарованинг уй-жой сотиб олиш билан боғлиқ масалада юзага келган муаммоси мутахассислар иштирокида кўриб чиқилди ва уни белгиланган тартиб-қоидалар асосида ижобий ҳал этишга келишилди.
Яккатом маҳалласидаги 650 метрча, Кичик Қўрғонча маҳалласидаги 1 километрча йўлни эпақага келтириш бўйича жойида ўрганиш олиб бориш ва ҳолатни яхшилаш учун керакли топшириқ берилди.
Ёртепа маҳалласида истиқомат қилувчи Дилором Нуриддиновага эса селдан зарарланган уй-жойида таъмирлаш ишлари олиб борилиши учун «Маҳалла» хайрия жамоат фонди ҳисобидан моддий ёрдам бериладиган бўлди. Қабул пайтида ўнлаб мурожаатлар бўлди ва уларда билдирилган масалаларнинг аксариятига шу куннинг ўзида ечимлар топилди.